85.1. Mərkəzi Bank lisenziyalaşdırılan şəxslərin və mərkəzi depozitarın bu Qanuna və qiymətli kağızlar bazarına aid digər normativ hüquqi və normativ xarakterli aktlarına riayət edib-etmədiyini, həmçinin onların maliyyə sabitliyini araşdırmaq məqsədi ilə yerində yoxlamaları “Azərbaycan Respublikasının Mərkəzi Bankı haqqında” Azərbaycan Respublikasının Qanununa uyğun olaraq həyata keçirir.
85.2. Lisenziyalaşdırılan şəxslər və mərkəzi depozitar tərəfindən rəqabət qanunvericiliyinə əməl edilməsinə dövlət nəzarəti ilə bağlı yoxlamalar Azərbaycan Respublikasının Rəqabət Məcəlləsində nəzərdə tutulan qaydada həyata keçirilir.