Bakı Şəhəri Binəqədi Rayon Məhkəməsi Qətnamə — İş №2(001)-3853/2020

Azərbaycan Respublikası adından QƏTNAMƏ Bakı şəhəri İş № 2(001)-3853/2020 26.08.2020 BAKI ŞƏHƏRİ BİNƏQƏDİ RAYON MƏHKƏMƏSİ Hakim Nəbizadə Nigar Xeyrulla qızının sədrliyi, Məhkəmə iclas katibi Bayramov Tural Ural oğlunun katibliyi, Cavabdeh iştirakı ilə, İddiaçı Cavabdeh qarşı aliment tələbinə dair iddiası üzrə mülki işə Bakı şəhəri Binəqədi Rayon Məhkəməsinin inzibati binasında açıq məhkəmə iclasında baxaraq, MÜƏYYƏN ETDİ: İddiaçı Cavabdeh qarşı aliment tələbinə dair iddia ərizəsi ilə Bakı şəhəri Binəqədi Rayon Məhkəməsinə müraciət etmişdir. İddia tələbi onunla əsaslandırılmışdır ki, Cavabdeh ilə iddiaçı arasında olan nikah Bakı şəhəri Binəqədi Rayon Məhkəməsinin qətnaməsi ilə pozulmuş və uşaqların iddiaçının yanında saxlanması qət edilmişdir. Nikah pozulduqdan sonra cavabdeh peşman olduğunu, iddiaçı ilə barışmaq istədiyini bildirərək, iddiaçıdan uşaqlarla birlikdə evə qayıtmağa təkidlə xahiş etdi və bundan sonra ailədə heç bir münaqişəyə yol verməyəcəyinə və normal ailə münasibətləri quracağına söz vermişdir. İddiaçı cavabdehin sözlərinə inanaraq, ailənin dağılmaması və uşaqların xatirinə onunla barışmağa razılıq vermiş və uşaqlarla birlikdə cavabdehin yaşadığı evə qayıtmışdır. Tərəflər rəsmi olaraq boşanmış olsa da, faktiki olaraq yenidən bir yerdə yaşamağa başlamışdırlar. Ona görə də, cavabdehdən aliment tələb etməyə ehtiyac qalmamışdır. Sonradan cavabdeh ailə münasibətlərinin kəskinləşməsinə gətirib çıxaran hərəkətlərini daha aqressiv formada davam etdirməklə ailədə dözülməz vəziyyət yaratmış və bundan sonra onunla birgə yaşayışın mümkünsüzlüyünü, etdiyi hərəkətlərin uşaqların tərbiyəsinə mənfi təsirini və s. halları nəzərə alaraq, iddiaçə uşaqlarını da götürüb evdən çıxmış və hazırda dörd qız uşağını tək saxlamağa məcburdur. İddiaçı xx.xx.2020-ci il tarixdə məhkəməyə ərizə ilə müraciət edərək, məhkəmə iclasında iştirak edə bilməyəcəyini bildirmiş və işə onun iştirakı olmadan baxılaraq iddia tələbinin təmin edilməsini məhkəmədən xahiş etmişdir. Məhkəmə iclasında iştirak edən Cavabdeh izahatında göstərdi ki, iddiaçı ondan dörd uşağın saxlanılması üçün aylıq qazancının 70%-ni tələb edir. Bu isə açıq-aşkar qanuna ziddir. O, 927 manat əmək haqqı alır və uşaqlarını saxlamaqdan heç vaxt boyun qaçırmayıb. Bundan sonra da məhkəmənin qəbul edəcəyi qərardan asılı olmayaraq uşaqların maddi və mənəvi ehtiyaclarını imkanları daxilində ödəməyə çalışacaq. Məhkəmə cavabdehin izahatını dinləyib, işdə olan sənədləri tədqiq edib toplanmış sübutların məcmusuna qiymət verərək belə nəticəyə gəlir ki, iddia tələbi qismən təmin edilməlidir. Belə ki, iş materiallarında olan doğum haqqında şəhadətnamələrin surətlərindən görünür ki, xx.xx.2006-cı il təvəllüdlü Bayramova Könül Bəxtiyar qızı, xx.xx.2007-ci il təvəllüdlü X3, xx.xx.2011-ci il təvəllüdlü X2 və xx.xx.2016-cı il təvəllüdlü X1 atası Cavabdeh, anası isə İddiaçıdır. Azərbaycan Respublikası Konstitusiyasının 17-ci maddəsinin 2-ci bəndinə görə, uşaqların qayğısına qalmaq və onları tərbiyə etmək valideynlərin borcudur. Bu borcun yerinə yetirilməsinə dövlət nəzarət edir. Ailə Məcəlləsinin 75-ci maddəsinə əsasən, valideynlər uşaqlarını saxlamağa borcludurlar. ... Valideynlər yetkinlik yaşına çatmayan uşaqlarını saxlamaq barədə saziş bağlamaq hüququna malikdirlər, əks təqdirdə valideynlər uşağı saxlamadıqda aliment məhkəmə qaydasında tutulur. Ailə Məcəlləsinin 76.1.3-cü maddəsinə əsasən, aliment ödənilməsi barədə razılıq olmadıqda uşaqlar üçün onların valideynlərindən məhkəmə tərəfindən hər ay 3 və daha çox uşağa görəqazancın (başqa gəlirlərin) yarısı miqdarında aliment tutulur. “Elşolts Almaniyaya qarşı” işi üzrə Avropa Məhkəməsinin qərarında deyilir ki, Konvensiyanın 8-ci maddəsi tələb edir ki, dovlət hakimiyyəti orqanları uşağın maraqları ilə valideynlərin maraqları arasında ədalətli tarazlığa riayət etsinlər və tarazlaşdırma prosesində uşağın yüksək maraqlarına xüsusi əhəmiyyət verilməlidir, həmin maraqlar onların xarakterindən və ciddiliyindən asılı olaraq valideynlərin maraqlarından üstün tutula bilər. “Nikahın pozulması, boşanmadan sonra yetkinlik yaşına çatmayan uşaqların valideynlərdən hansının yanında qalması və uşaqlar üçün valideynlərdən aliment tutulması tələbinə dair işlərə baxılarkən qanunvericiliyin məhkəmələr tərəfindən tətbiqi təcrübəsi haqqında” Azərbaycan Respublikası Ali Məhkəməsi Plenumunun xx xxxx 2016cı il tarixli, 8-2/2016 №-li Qərarının 8.2-ci bəndində görə, uşağın Azərbaycan Respublikasının qanunvericiliyi ilə müəyyən edilmiş minimum dolanacaq xərclərindən az olmayan maddi təminat almaq hüququ vardır. Azərbaycan Respublikası Ailə Məcəlləsinin 100.2-ci maddəsinə əsasən aliment məhkəməyə müraciət edildiyi vaxtdan tutulur. İş materiallarından görünür ki, İddiaçı iddia ərizəsi xx.xx.2020-ci il tarixdə məhkəmənin icraatına daxil olmuşdur. Qeyd olunanlara əsasən məhkəmə belə nəticəyə gəlir ki, iddia tələbi qismən təmin edilməli, xx.xx.2020-ci il tarixdən başlayaraq xx.xx.2006-cı il təvəllüdlü Bayramova Könül Bəxtiyar qızı, xx.xx.2007-ci il təvəllüdlü X3, xx.xx.2011-ci il təvəllüdlü X2, xx.xx.2016-cı il təvəllüdlü X1 yetkinlik yaşına çatana qədər saxlanılması üçün hər ay qazancının (başqa gəlirlərinin) yarısı hissəsində aliment Cavabdeh tutularaq İddiaçı ödənilməlidir. Yuxarıda şərh edilənlərə əsasən və Azərbaycan Respublikası Mülki Prosessual Məcəlləsinin 216-220 və 360-cı maddələrini rəhbər tutaraq məhkəmə, QƏT ETDİ: İddia tələbi qismən təmin edilsin. xx.xx.2020-ci il tarixdən başlayaraq xx.xx.2006-cı il təvəllüdlü Bayramova Könül Bəxtiyar qızı, xx.xx.2007-ci il təvəllüdlü X3, xx.xx.2011-ci il təvəllüdlü X2, xx.xx.2016-cı il təvəllüdlü X1 yetkinlik yaşına çatana qədər saxlanılması üçün hər ay qazancının (başqa gəlirlərinin) yarısı hissəsində aliment Cavabdeh tutularaq İddiaçı ödənilsin. İddia tələbi qalan hissədə təmin edilməsin. Qətnamə dərhal icra edilsin. Qətnamədən 1 (bir) ay müddətində Bakı şəhəri Binəqədi Rayon Məhkəməsi vasitəsi ilə Bakı Apellyasiya Məhkəməsinin Mulki Kollegiyasına apellyasiya şikayəti verilə bilər. Qətnamədən şikayət verilmədiyi təqdirdə qəbul edildiyi gündən 1 (bir) ay keçdikdən sonra qanuni qüvvəyə minir. Sədrlik edən: Nigar Nəbizadə