Bakı Şəhəri Binəqədi Rayon Məhkəməsi Qərardad — İş №2(001)-5393/2020

Azərbaycan Respublikası adından QƏRARDAD Bakı şəhəri İş № 2(001)-5393/2020 24.09.2020 BAKI ŞƏHƏRİ BİNƏQƏDİ RAYON MƏHKƏMƏSİ Bakı şəhəri Binəqədi Rayon Məhkəməsinin hakimi Hətəmzadə Fərid Eldar oğlu, İddiaçı cavabdehlər Cavabdehnə və Ghaşemian Mahdiyə qarşı “əmək haqqının və digər ödənişlərin ödənilməsi, ödənişin gecikdirilməsinə görə kompensasiyanın tutulması” tələbi barədə iddia ərizəsini və ona əlavə olunmuş sənədləri nəzərdən keçirərək, M Ü Ə Y Y Ə N E T D İ M: İddiaçı cavabdehlər Cavabdehnə və Ghaşemian Mahdiyə qarşı “əmək haqqının və digər ödənişlərin ödənilməsi, ödənişin gecikdirilməsinə görə kompensasiyanın tutulması” tələbi barədə iddia ərizəsi ilə məhkəməyə müraciət etmişdir. İddia ərizəsini və ona əlavə edilmiş sənədləri nəzərdən keçirərək hesab edirəm ki, iddia ərizəsi ərazi aidiyyəti üzrə düzgün verilmədiyindən geri qaytarılmalıdır. Belə ki, cavabdehlərdən biri - Ghaşemian Mahdinin yaşayış yeri barədə rəsmi məlumat iş materiallarına əlavə edilməmiş, iddia ərizəsində Bakı şəhəri, Sabunçu rayonu, Bakıxanov qəsəbəsi, H.Ağayev küçəsi, ev 15, mənzil 53 kimi göstərilmişdir. Kommersiya qurumlarının dövlət reyestri məlumatları haqqında internet portalından əldə edilmiş məlumata əsasən isə digər Cavabdeh hüquqi ünvanı ünvan 1 Respublikası Mülki Prosessual Məcəlləsinin: -35.1-ci maddəsinə əsasən qanunla başqa hal nəzərdə tutulmamışdırsa, iddia cavabdehin rəsmi qeydə alındığı yerin məhkəməsinə verilir. -35.2-ci maddəsinə əsasən hüquqi şəxsə iddia hüquqi şəxsin ünvanının olduğu yerə görə verilir. -36.2-ci maddəsinə əsasən rəsmi yaşayış yeri, olduğu yer və ya hüquqi ünvanı müxtəlif olan bir neçə cavabdehə iddia cavabdehlərdən birinin rəsmi yaşayış yeri və ya hüquqi ünvanı üzrə verilə bilər. -152.1.3-cü maddəsinə əsasən əgər iş ərazi aidiyyəti üzrə həmin məhkəmədə baxılmalı deyildirsə, hakim iddia ərizəsini və ona əlavə edilmiş sənədləri geri qaytarır. -152.2-ci maddəsində göstərilir ki, iddia ərizəsinin qaytarılması haqqında hakim qərardad çıxarır. Qeyd edilənlərə əsasən hesab edirəm ki, iş üzrə cavabdehlərdən birinin rəsmi yaşayış yeri və ya hüquqi ünvanı Binəqədi rayonu ərazisində olmadığından, iddia ərizəsi geri qaytarılmalı, iddiaçıya hazırki iddia tələbi ilə bağlı ilə cavabdehlərdən birinin rəsmi yaşayış yeri və ya hüquqi ünvanı olduğu ərazi üzrə müvafiq rayon məhkəməsinə müraciət etmək hüququ izah edilməlidir. Yuxarıda qeyd olunanları nəzərə alaraq və Azərbaycan Respublikası Mülki- Prosessaul Məcəlləsinin 152, 263-264-cü maddələrini rəhbər tutaraq Q Ə R A R A A L D İ M: İddiaçı cavabdehlər Cavabdehnə və Ghaşemian Mahdiyə qarşı “əmək haqqının və digər ödənişlərin ödənilməsi, ödənişin gecikdirilməsinə görə kompensasiyanın tutulması” tələbi iddia ərizəsi və ona əlavə edilmiş sənədlər geri qaytarılsın. İddiaçıya izah olunsun ki, o, hazırki iddia ərizəsi ilə cavabdehlərdən birinin rəsmi yaşayış yeri və ya hüquqi ünvanı olduğu ərazi üzrə müvafiq rayon məhkəməsinə müraciət edə bilər. Qərardad rəsmi qaydada verildikdən sonra 10 gün müddətində ondan Bakı şəhəri Binəqədi Rayon Məhkəməsinə şikayət verilə bilər. Hakim Fərid Hətəmzadə