Bakı şəhəri Qaradağ Rayon Məhkəməsi Qərardad — İş №2(002)-1810/2020

Azərbaycan Respublikası adından QƏRARDAD Bakı şəhəri İş № 2(002)-1810/2020 07.08.2020 BAKI ŞƏHƏRİ QARADAĞ RAYON MƏHKƏMƏSİ Bakı şəhəri Qaradağ Rayon Məhkəməsinin hakimi Əsədov Kamran Bağır oğlu, İddiaçı 1(002)-86/2020 saylı cinayət işi üzrə zərərçəkmişin nümayəndəsi X2 Cavabdeh qarşı zərərçəkmişin azyaşlı övladının 18 yaşına çatanadək saxlanılması üçün təzminat tutulması tələbinə dair iddia ərizəsini və ona əlavə edilmiş sənədləri məhkəmənin inzibati binasında nəzərdən keçirərək, MÜƏYYƏN ETDİM: İddiaçı 1(002)-86/2020 saylı cinayət işi üzrə zərərçəkmişin nümayəndəsi X4 Cavabdeh qarşı zərərçəkmişin azyaşlı övladının 18 yaşına çatanadək saxlanılması üçün təzminat tutulması tələbinə dair iddia ərizəsi ilə Bakı şəhəri Qaradağ Rayon Məhkəməsinə müraciət etmişdir. Ərizəni və ona əlavə olunmuş sənədləri nəzərdən keçirərək hesab edirəm ki, aşağıdakı əsaslara görə iddia ərizəsi ona əlavə edilmiş sənədlərlə birlikdə geri qaytarılmalıdır. Belə ki, Azərbaycan Respublikası Mülki Prosessual Məcəlləsinin 149.2, 149.2.2 maddələrinə əsasən ərizədə işdə iştirak edən şəxslərin adları, onların poçt ünvanları göstərilməlidir. Bu halda iddiaçının tələbi qeyri-müəyyəndir. Belə ki, iddiaçı iddia ərizəsində cavabdehin poçt ünvanını göstərməmiş, habelə cavabdehin sayına görə iddia ərizəsinin surətini, ərizəyə əlavə etməmiş, bundan əlavə ərizədə iddiaçının tələbi, onun tələblərini əsaslandırdığı hallar göstərilməmişdir. Azərbaycan Respublikası Mülki Prosessual Məcəlləsinin 152.1 və 152.1.1-ci maddələrinə əsasən iddia ərizəsinin bu Məcəllənin 149-cu maddəsi ilə müəyyən olunmuş formasına və məzmununa riayət edilmədikdə hakim iddia ərizəsini və ona əlavə olunmuş sənədləri geri qaytarır. Həmin Məcəllənin 152.4-cü maddəsinə əsasən iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Şərh edilənlərə əsasən və Azərbaycan Respublikası Mülki Prosessual Məcəlləsinin 149, 152, 263- 264, 266-267-ci maddələrini rəhbər tutaraq, QƏRARA ALDİM: İddiaçı 1(002)-86/2020 saylı cinayət işi üzrə zərərçəkmişin nümayəndəsi X2 Cavabdeh qarşı zərərçəkmişin azyaşlı övladının 18 yaşına çatanadək saxlanılması üçün təzminat tutulması tələbinə dair iddia ərizəsi geri qaytarılsın. X1 izah edilsin ki, ərizənin qaytarılması nöqsanları aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Qərardaddan rəsmi qaydada verildikdən sonra tərəflər 10 (on) gün müddətində işə baxan Bakı şəhəri Qaradağ Rayon Məhkəməsinə şikayət verə bilərlər. Sədrlik edən: Kamran Əsədov