Bakı şəhəri Qaradağ Rayon Məhkəməsi Qərardad — İş №2(002)-1916/2020

Azərbaycan Respublikası adından QƏRARDAD Bakı şəhəri İş № 2(002)-1916/2020 18.08.2020 BAKI ŞƏHƏRİ QARADAĞ RAYON MƏHKƏMƏSİ Mən, Bakı şəhəri Qaradağ Rayon Məhkəməsinin hakimi Fuad Ələsgər oğlu Hüseynov, İddiaçı cavabdeh Bakı şəhəri 8 saylı Notariat Kontoruna qarşı icra sənədinin icra edilməməli hesab edilməsi tələbi barədə iddia ərizəsini və ona əlavə olunmuş sənədləri nəzərdən keçirib, MÜƏYYƏN ETDİM: İddiaçı cavabdeh Bakı şəhəri 8 saylı Notariat Kontoruna qarşı icra sənədinin icra edilməməli hesab edilməsi tələbi barədə iddia ərizəsi ilə Bakı şəhəri Qaradağ Rayon Məhkəməsinə müraciət etmişdir. İddiaçının iddia ərizəsini və ona əlavə edilmiş sənədləri nəzərdən keçirərək hesab edirəm ki, iddia ərizəsi geri qaytarılmalıdır. Belə ki, məhkəmə iddia ərizəsini tədqiq edərkən müəyyən etmişdir ki, iddiaçı tərəfindən iddia ərizəsi imzalanmamışdır. Azərbaycan Respublikasının Mülki Prosessual Məcəlləsinin 152.1.2-ci maddəsinə əsasən, iddia ərizəsi imzalanmadıqda və ya onu imzalamağa hüququ olmayan şəxs tərəfindən, yaxud xidməti vəziyyəti göstərilməyən şəxs tərəfindən imzalandıqda, hakim iddia ərizəsini və ona əlavə edilmiş sənədləri geri qaytarır. (Bundan əlavə, iddia ərizəsi icra qeydinin verilməsinə səbəb olmuş tələbin əsaslı olmadığı ilə əsaslandırılmışdır. Bununla bağlı iddiaçıya izah olunmalıdır ki, icra qeydi icra sənədi hesab olunmaqla yalnız tələbkarın tələbi üzrə verilir. İcra qeydinin verilməsinin prosessual normalara uyğun olub-olmadığı məhkəmə qaydasında mübahisələndirilə bilər. Lakin tələbin özü mübahisə doğurursa, bununla bağlı tələbkarın özünə qarşı qanunamüvafiq qaydada aidiyyəti üzrə məhkəməyə müraciət oluna bilər. Belə ki, Azərbaycan Respublikası MPM-nin 50.3-cü maddəsinə əsasən, iddia tələbinin yönəldiyi fiziki və hüquqi şəxslər cavabdeh hesab olunurlar.) Yuxarıda göstərilənlərə əsasən və Azərbaycan Respublikasının Mülki-Prosessual Məcəlləsinin 149, 152-ci maddələrini rəhbər tutaraq, QƏRARA ALDİM: İddiaçının cavabdeh Bakı şəhəri 8 saylı Notariat Kontoruna qarşı icra sənədinin icra edilməməli hesab edilməsi tələbi barədə iddia ərizəsi və ona əlavə olunmuş sənədlər geri qaytarılsın. İddiaçı izah olunsun ki, qərardadda göstərilən nöqsan aradan qaldırıldıqdan sonra ümumi qaydada ikinci dəfə məhkəməyə müraciət edilə bilər. Qərardaddan 10 (on) gün müddətində Bakı şəhəri Qaradağ Rayon Məhkəməsinə şikayət verilə bilər. Bakı şəhəri Qaradağ Rayon Məhkəməsinin Hakimi: Fuad Hüseynov