Bakı şəhəri Qaradağ Rayon Məhkəməsi Qərardad — İş №2(002)-666/2023

Azərbaycan Respublikası adından QƏRARDAD Bakı şəhəri İş № 2(002)-666/2023 20.02.2023 BAKI ŞƏHƏRİ QARADAĞ RAYON MƏHKƏMƏSİ Hakim Aslanova Gülnar Faiq qızının sədrliyi, X1 oğlunun katibliyi, İddiaçı, Cavabdeh iştirakı ilə, İddiaçı Cavabdeh qarşı aliment tələbinə dair iddia ərizəsi üzrə mülki işə açıq məhkəmə hazırlıq iclasında baxaraq MÜƏYYƏN ETDİ: İddiaçı Cavabdeh qarşı aliment tələbinə dair iddia ərizəsi ilə məhkəməyə müraciət etmişdir. Məhkəmənin 20 fevral 2023-cü il tarixli iclasında İddiaçı məhkəməyə “iddianın geri götürülməsi barədə” yazılı ərizə təqdim edərək, cavabdehlə barışdıqlarını, cavabdehin ailəsinə qayıtdığını, övladlarının saxlanmasında iştirak etdiyini, hazırkı mərhələdə alimentlə bağlı tələbi olmadığını bildirmiş və iddia tələbinin geri götürülməsi ilə bağlı müvafiq prosessual hərəkətlərin icra edilməsini məhkəmədən xahiş etmişdir. Cavabdeh məhkəmənin hazırlıq iclasında izahat verərək iddiaçı ilə barışdıqlarını, ailəsinə baxdığını, hazırkı mərhələdə aralarında uşaqların saxlanması üçün alimentin tutulması ilə bağlı hər hansı mübahisənin olmadığını bildirdi. Məhkəmə işin hallarını nəzərdən keçirib iddiaçının iddia ərizəsinin geri qaytarılması barədə ərizəsini nəzərə alaraq hesab edir ki, iddia ərizəsi ona əlavə edilmiş sənədlərlə birlikdə iddiaçıya geri qaytarılmalıdır. Azərbaycan Respublikasının Mülki Prosessual Məcəlləsinin 170.1-ci maddəsinə əsasən bu Məcəllənin 254, 255, 261.0.1—261.0.3 və 261.0.6—261.0.8-ci maddələrində göstərilən əsaslar olduqda, məhkəmə baxışına hazırlığın icraatı dayandırıla və ya xitam edilə bilər, yaxud iddiaçının vəsatəti ilə ərizə qaytarıla bilər. “Ərizənin baxılmamış saxlanılması barədə qanunvericiliyin məhkəmələr tərəfindən tətbiq edilməsi təcrübəsi haqqında” Azərbaycan Respublikası Ali Məhkəməsi Plenumunun 31 mart 2011-ci il tarixli qərarında göstərilmişdir ki, hazırlıq iclasında ərizənin qaytarılması barədə vəsatətin verilməsi ərizənin Azərbaycan Respublikası MPM-in 259.0.11-ci maddəsinə əsasən baxılmamış saxlanılması üçün deyil, həmin Məcəllənin 170-ci maddəsinə əsasən geri qaytarılması üçün əsasdır və bu zaman cavabdeh tərəfin buna razılığının alınması tələb olunmur. Həmin Məcəllənin 152.2-ci maddəsinə əsasən iddia ərizəsinin qaytarılması haqqında hakim qərardad çıxarır. Həmin Məcəllənin 152.4-cü maddəsinə əsasən iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Məhkəmə qeyd edir ki, hazırkı tələb aliment ilə bağlı olduğundan iddiaçı iddia ərizəsi irəli sürərkən dövlət rüsumu ödəməmişdir. Odur ki, Mülki Prosessual Məcəllənin 114.1.3-cü maddəsinə əsasən iddia ərizəsi geri qaytarılarkən ödənilmiş dövlət rüsumunun geri qaytarılmasına ehtiyac qalmamışdır. Məhkəmə göstərilənlərə əsasən və Azərbaycan Respublikası Mülki Prosessual Məcəlləsinin 152, 263-264, 266-268-ci maddələrini rəhbər tutaraq QƏRARA ALDİ: İddiaçı Cavabdeh qarşı aliement tələbinə dair iddia ərizəsi və ona əlavə olunmuş sənədlər İddiaçı geri qaytarılsın. Qərardaddan tərəfə rəsmi qaydada verildikdən sonra 10 (on) gün müddətində (elektron kabinet vasitəsilə) Bakı şəhəri Qaradağ Rayon Məhkəməsinə şikayət verilə bilər. Hakim Gülnar Aslanova