Bakı Şəhəri Yasamal Rayon Məhkəməsi Məhkəmə əmri — İş №2(004)-1461/2021

Azərbaycan Respublikası adından MƏHKƏMƏ ƏMRİ Bakı şəhəri İş № 2(004)-1461/2021 08.01.2021 BAKI ŞƏHƏRİ YASAMAL RAYON MƏHKƏMƏSİ Bakı şəhəri Yasamal rayon Məhkəməsinin hakimi Hacıyev Vahid Məcid oğlu, Kreditor “xxxx” Məhdud Məsuliyyətli Cəmiyyətinin Borclu qarşı “pul tutulması haqqında məhkəmə əmrinin verilməsi” barədə ərizəsini və ərizəyə əlavə edilmiş sənədləri araşdıraraq, MÜƏYYƏN ETDİM: xx.xx.2019-cu il tarixli **********4 nömrəli nisyə alqı-satqı müqaviləsinə əsasən satıcı “xxxx” MMC alıcı Borclu umumi nisyə dəyəri 632,27 manat olan “REDMİ NOTE 5 4/64G EU GOLD (İMEİ **********) markalı mobil telefon cihazını 38,32 manat ilkin ödəniş ödəməklə, 12 ay müddətinə xx.xx.2019-cu il tarixdən başlayaraq hər ay 49,48 manat ödənilməsi şərti ilə nisyə satmışdır. Mülki Məcəllənin 600.1-ci maddəsinə əsasən alqı-satqı müqaviləsində əşyanın alıcıya verildikdən müəyyən müddət sonra ödənilməsinin (əşyaların nisyə satışının) nəzərdə tutulduğu halda alıcı ödənişi müqavilədə nəzərdə tutulan müddətdə, müqavilədə belə müddət nəzərdə tutulmadıqda isə bu Məcəllənin 427-ci maddəsinə uyğun müəyyənləşdirilmiş müddətdə həyata keçirməlidir. Mülki Məcəllənin 427.3-cü maddəsinə əsasən əgər öhdəlik onun icrası gününü və ya icra edilməli olduğu vaxt dövrünü nəzərdə tutursa və ya müəyyənləşdirməyə imkan verirsə, öhdəlik həmin gün və ya bu cür dövr ərzində istənilən an icra edilməlidir. Mülki Məcəllənin 448.1-ci maddəsinə əsasən əgər bu Məcəllə ilə və müqavilə ilə ayrı qayda müəyyənləşdirilməyibsə, borclu onun risk dairəsinə daxil olan öhdəliklərin icra edilmədiyi bütün hallar üçün cavabdehdir. Göründüyü kimi, tərəflər arasında nisyə alqı-satqı müqaviləsi bağlanmaqla Mülki Məcəllənin 386-cı maddəsinə əsasən həmin müqavilədən irəli gələn öhdəliklər yaranmışdır. Kreditor müqavilə üzrə üzərinə götürdüyü öhdəliyini icra etmiş, lakin borclu müqavilə üzrə öhdəliyini yerinə yetirməmiş, borclu aldığı mobil telefon cihazının dəyərini müəyyən edilmiş müddət ərzində kreditora tam ödəməmişdir. Bu səbəbdən kreditor hazırkı ərizə ilə məhkəməyə müraciət etmişdir. Borclunun xx.xx.2019-cu il tarixli müqavilə üzrə kreditora xx.xx.2020-ci il tarixə 345,95 manat əsas borcu yaranmışdır. Məhkəmə qeyd edir ki, kreditorun tələbi aşkar olduğundan və tələb sadə yazılı formada bağlanmış xx.xx.2019-cu il tarixli müqaviləyə əsaslandığından Kreditorun tələbi təmin edilməlidir. Şərh edilənlərə əsasən və Azərbaycan Respublikası MPM-nin 275, 276, 280-284cü maddələrini rəhbər tutaraq, ƏMR ETDİM: Bakı şəhəri Yasamal rayonu 2-ci Alatava küçəsi ev 5R mənzil 1-də qeydiyyatda olan, xx.xx.1988-ci ildə Bakı şəhərində doğulmuş Borclu xx.xx.2019-cu il tarixli müqavilə üzrə yaranmış əsas borc üzrə 345,95 manat əsas borc və ödənilmiş 20,40 manat dövlət rüsumu olmaqla, cəmi 366,35 (üç yüz altış altı manat otuz beş qəpik) manat pul tutularaq “xxxx” MMC-yə ödənilsin. Borclu məhkəmə əmrini aldığı gündən 10 (on) gün müddətində məhkəmə əmrini vermiş Bakı şəhəri Yasamal rayon Məhkəməsini yazılı xəbərdar etməklə verilmiş tələbə və ya onun hissəsinə qarşı etiraz edə bilər. Məhkəmə əmri qətnamə qüvvəsinə malikdir. Məhkəmə əmri icra sənədidir. Məhkəmə əmrindən şikayət verilə bilməz. Məhkəmənin hakimi:Vahid Hacıyev