Bakı Şəhəri Yasamal Rayon Məhkəməsi Məhkəmə əmri — İş №2(004)-5330/2020

Azərbaycan Respublikası adından MƏHKƏMƏ ƏMRİ Bakı şəhəri İş № 2(004)-5330/2020 09.10.2020 BAKI ŞƏHƏRİ YASAMAL RAYON MƏHKƏMƏSİ Mən, Bakı şəhəri Yasamal Rayon Məhkəməsinin hakimi Məmmədov Ayaz Süleyman oğlu, ünvan 1 ünvanında yerləşən kreditor "xxxxxxxxxxx" MMC-nin, Bakı şəhəri, Yasamal rayonu, İnşaatçılar prospekti, ev 5 ünvanında qeydiyyatda olan Borclu qarşı “məhkəmə əmrinin verilməsi”nə dair əmr icraatı qaydasındakı ərizəsinə və ona əlavə olunmuş sənədlərə baxaraq, M Ü Ə Y Y Ə N E T D İ M: Kreditor "xxxxxxxxxxx" MMC ərizə ilə Yasamal Rayon Məhkəməsinə müraciət edərək Borclu 1500 manat məbləğində əsas borcu və 20 manat məbləğində ödənilmiş dövlət rüsumunun, cəmi 1520 (min beş yüz iyirmi) manat tutulması barədə məhkəmə əmrinin çıxarılmasını xahiş etmişdir. Ərizə onunla əsaslandırılmışdır ki, onunla Borclu arasında bağlanmış xx xxxxxx 2019-cu il tarixli kredit müqaviləsinə əsasən “xxxxxxxxxxx” MMC-dən dəyəri 742 manat olan məişət avadanlığı əldə edib. Borclunun müqavilə üzrə ödənişlər etdikdən sonra kreditora 174 manat borcu qalıb. İş üzrə Borclu xx xxxxxx 2019-cu il tarixli kredit müqaviləsinə əsasən “xxxxxxxxxxx” MMC-dən dəyəri 498 manat olan məişət avadanlığı əldə edib. Borclunun müqavilə üzrə ödənişlər etdikdən sonra kreditora 156 manat borcu qalıb. İş üzrə Borclu xx xxxxxx 2019-cu il tarixli kredit müqaviləsinə əsasən “xxxxxxxxxxx” MMC-dən dəyəri 1429 manat olan məişət avadanlığı əldə edib. Borclunun müqavilə üzrə ödənişlər etdikdən sonra kreditora 760 manat borcu qalıb. İş üzrə Borclu xx xxxxxx 2018ci il tarixli kredit müqaviləsinə əsasən “xxxxxxxxxxx” MMC-dən dəyəri 738 manat olan məişət avadanlığı əldə edib. Borclunun müqavilə üzrə ödənişlər etdikdən sonra kreditora 410 manat borcu qalıb. Ərizəyə əlavə olunmuş sənədlərdən görünür ki, "xxxxxxxxxxx" MMC-nin tələbi aşkardır. Həmin tələb borclunun mübahisə edilməyən vəzifəsinə və sadə yazılı formada bağlanmış əqdə əsaslanır. Bu halda Azərbaycan Respublikası MPM-nin 276-cı maddəsinə əsasən məhkəmə əmri verilə bilər. Azərbaycan Respublikası Mülki Məcəlləsinin 385.1-ci maddəsinə görə kreditorun borcludan vəzifəsinin icrasını tələb etmək hüququ vardır və həmin Məcəllənin 448.2-ci maddəsinə əsasən borclu öz öhdəliklərinin hər bir təqsirli pozuntusu üçün məsuliyyət daşıyır. Həmin Məcəllənin 443.1-ci maddəsinə görə öhdəliyini icra etməyən borclu kreditora dəymiş zərərin əvəzini ödəməyə borcludur. Azərbaycan Respublikası Prosesual Mülki Məcəlləsinin 280-cimaddəsinə görə məhkəmə əmri, irəli sürülmüş tələb məhkəməyə daxil olan gündən 3 gün ərzində, məhkəmə baxışı keçirilmədən və izahatları dinlənilmək üçün tərəflər çağırılmadan çıxarılır. Həmin Məcəllənin 119.1-ci maddəsinə əsasən hesab edirəm ki, "xxxxxxxxxxx" MMCnin məhkəməyə ərizə verərkən dövlət rüsumu kimi ödədiyi 20 (iyirmi) manat məbləğində pul vəsaiti də borcludan kreditorun xeyrinə tutulmalıdır. Göstərilənlərə əsasən və Azərbaycan Respublikası MPM-nin 275, 276, 280-282 və 284-cü maddələrini rəhbər tutaraq, Ə M R E T D İ M: xx.xx.1986-cı il tarixdə Bakı şəhərində anadan olmuş, Bakı şəhəri, Yasamal rayonu, İnşaatçılar prospekti, ev 5 ünvanında qeydiyyatda olan Borclu kreditor "xxxxxxxxxxx" MMC-nin xeyrinə, 1500 manat məbləğində əsas borcu və 20 manat məbləğində ödənilmiş dövlət rüsumunun, cəmi 1520 (min beş yüz iyirmi) manat pul tutulsun. Borclu məhkəmə əmrini aldığı gündən 10 (on) gün müddətində verilmiş tələbə və ya onun hissəsinə qarşı Yasamal Rayon Məhkəməsini yazılı xəbərdar etməklə etiraz edə bilər. Məhkəmə əmri qətnamə qüvvəsinə malikdir. Məhkəmə əmrindən şikayət verilə bilməz. Sədrlik edən: Ayaz Məmmədov