Bakı Şəhəri Yasamal Rayon Məhkəməsi Qərardad — İş №2(004)-6562/2023

Azərbaycan Respublikası adından QƏRARDAD Bakı şəhəri İş № 2(004)-6562/2023 27.12.2023 BAKI ŞƏHƏRİ YASAMAL RAYON MƏHKƏMƏSİ Bakı şəhəri Yasamal Rayon Məhkəməsinin hakimi Əkbərli Günel Bəkir qızı, İddiaçı Cavabdeh2 qarşı “əmək haqqı” tələbinə dair verilmiş iddia ərizəsinə və ona əlavə edilmiş sənədlərə məhkəmənin inzibati binasında yazılı icraat qaydasında baxaraq, M Ü Ə Y Y Ə N E T D İ M: İddiaçı Zaki oğlu Cavabdeh2 qarşı “əmək haqqı” tələbinə dair iddia ərizəsi ilə xx.xx.2023-cü il tarixdə məhkəməyə müraciət etmişdir. İddia ərizəsini və ona əlavə olunmuş sənədləri nəzərdən keçirərək hesab edirəm ki, ərizə və ona əlavə edilmiş sənədlər geri qaytarılmalıdır. Belə ki, iddia ərizəsi üzrə cavabdeh qismində Cavabdeh1 MMC şəxsində Cavabdeh2 cəlb edilmiş və iddiaçı iddia ərizəsinin “xahiş edirəm” hissəsində 6667,43 manat məbləğində əmək haqqının Cavabdeh2 tutulmasını tələb etmişdir. Elektron portal çıxarış məlumatlarına əsasən Cavabdeh2 yaşayış yeri üzrə qeydiyyatda olduğu ünvanın ünvan 1lir. İddia ərizəsinə cavabdehin nə rəsmi qeydiyyatda olduğu ünvana dair MAPS arayışı, nə də onun faktiki yaşadığı ünvanı təsdiq edən hər hansı digər sənəd əlavə edilmişdir. Buna baxmayaraq, iddia ərizəsi və elektron portal çıxarış məlumatlarına əsasən Cavabdeh1 MMC-nin qeydiyyata alındığı hüquqi ünvanın ünvan 2ya izah olunmalıdır ki, cavabdeh qismində cəlb edilmiş Cavabdeh2 rəsmi qeydiyyatda olduğu ünvan Yasamal rayonu deyil, Nəsimi rayonu olduğundan, eləcə də onun Yasamal rayon ərazində faktiki olaraq yaşamasına dair sübut təqdim edilmədiyindən hazırkı iddia ərizəsinə ərazi aidiyyəti üzrə Yasamal Rayon Məhkəməsində deyil, Nəsimi Rayon Məhkəməsində baxıla bilər. Həmçinin, iddiaçının tələbi Cavabdeh1 MMC-yə qarşı olduğu halda Cavabdeh1 MMC-ni cavabdeh qismində cəlb etməklə Yasamal rayon Məhkəməsinə yenidən müraciət edə bilər. Qeyd olunur ki, Azərbaycan Respublikası Mülki Prosessual Məcəllənin 35.1-ci maddəsinə əsasən, qanunla başqa hal nəzərdə tutulmamışdırsa, iddia cavabdehin rəsmi qeydə alındığı yerin məhkəməsinə verilir. Həmin Məcəllənin 35.2-ci maddəsinə əsasən hüquqi şəxsə iddia hüquqi şəxsin ünvanının olduğu yerə görə verilir. Hüquqi şəxsin törəmə müəssisəsinin fəaliyyətindən əmələ gələn iddialar müəssisənin ünvanının olduğu yerə görə verilir. Həmin məcəllənin 149.2.2-ci maddəsinə əsasən iddia ərizəsində iddiaçının, onun nümayəndəsinin (əgər iddia ərizəsini nümayəndə təqdim edirsə), cavabdehin və işdə iştirak edən digər şəxslərin, şahidin və məhkəmə iclasına dəvət etmək istədiyi digər şəxslərin soyadı, adı, atasının adı (hüquqi şəxsə münasibətdə adı), şəxsiyyəti eyniləşdirməyə imkan verən digər məlumatlar, yaşayış yeri və ya olduğu yer (həm faktiki, həm də rəsmi qeydə alındığı ünvanı), yazışmaların aparılmasının istənildiyi digər ünvan, olduğu halda – iş yerinin ünvanı, telefon nömrələri, o cümlədən mobil telefon nömrələri, elektron poçt ünvanı, cavabdehin və işdə iştirak edən digər şəxslərin eyniləşdirmə məlumatları (şəxsiyyət vəsiqəsinin seriya nömrəsi və ya VÖEN, əcnəbilərin və vətəndaşlığı olmayan şəxslərin, xarici hüquqi şəxslərin və ya onların nümayəndəsinin eyniləşdirmə məlumatları) göstərilməlidir. Həmin Məcəllənin 151.1-ci maddəsinə əsasən, iddia ərizəsinin bu Məcəllənin tələblərinə riayət edilməklə verilməsi yoxlanılmalıdır. Həmin Məcəllənin 152.1.3-cü maddəsinə əsasən, əgər iş ərazi və ya məhkəmə aidiyyəti üzrə həmin məhkəmədə baxılmalı deyildirsə, iddia ərizəsi və ona əlavə edilmiş sənədlər geri qaytarılır. Göstərilənlərə əsasən və Azərbaycan Respublikası Mülki Prosessual Məcəlləsinin 152, 263, 264, 268-ci maddələrini rəhbər tutaraq Q Ə R A R A A L D İ M: İddiaçı Zaki oğlunun Cavabdeh2 qarşı “əmək haqqı” tələbinə dair iddia ərizəsi və ərizəyə əlavə olunmuş sənədlər geri qaytarılsın. Qərardaddan rəsmi qaydada təqdim edildiyi gündən on gün müddətində “Elektron məhkəmə” informasiya sistemində yaradılan elektron kabinet vasitəsilə Bakı şəhəri Yasamal Rayon Məhkəməsinə şikayət verilə bilər. Hakim: Günel Əkbərli