Bakı Şəhəri Nərimanov Rayon Məhkəməsi Qərardad — İş №2(005)-2042/2021

Azərbaycan Respublikası adından QƏRARDAD Bakı şəhəri İş № 2(005)-2042/2021 15.03.2021 BAKI ŞƏHƏRİ NƏRİMANOV RAYON MƏHKƏMƏSİ Bakı şəhəri Nərimanov Rayon Məhkəməsinin hakimi Novruzova Aytən Nazim qızı, İddiaçı oğlunun cavabdeh "Cavabdeh" MMC-yə qarşı “əmək haqqı” tələbinə dair iddia ərizəsini nəzərdən keçirərək, məhkəmə müəyyən etdi: İddiaçı oğlu "Cavabdeh" MMC-yə qarşı iddia ərizəsi ilə məhkəməyə müraciət edərək qalıq onun işdən azad olunması ilə bağlı son haqq-hesabın, 3300 manat pulun ödənilməsinə dair qətnamə çıxarılmasını xahiş etmişdir. İddia ərizəsini (ərizəni) nəzərdən keçirərək məhkəmə hesab edir ki, iddiaçı ərizəsini məhkəməyə təqdim edərkən ərazi aidiyyatını pozmuş, iddia ərizəsinin forma və məzmununa əməl etməmişdir. İddia ərizəsi verilərkən aidiyyat qaydasının pozulması səbəbindən iddia ərizəsi və ona əlavə edilmiş sənədlər geri qaytarılır. Belə ki, “Elektron məhkəmə” informasiya sisteminin məlumatından görünür ki, iş üzrə Cavabdeh MMC-nin hüquqi ünvanı - ünvan 1 ünvanıdır. İddiaçı oğlunun qeydiyyat ünvanı isə – Şuşa, Allahqullar kəndidir. Mülki Prosessual Məcəllənin 35.1-ci maddəsinə əsasən, qanunla başqa hal nəzərdə tutulmamışdırsa, iddia cavabdehin rəsmi qeydə alındığı yerin məhkəməsinə verilir. Həmin Məcəllənin 35.2-ci maddəsinə görə, hüquqi şəxsə iddia hüquqi şəxsin ünvanının olduğu yerə görə verilir. Hüquqi şəxsin törəmə müəssisəsinin fəaliyyətindən əmələ gələn iddialar müəssisənin ünvanının olduğu yerə görə verilir. Həmin Məcəllənin 36.7-ci maddəsinə əsasən, Qanunsuz olaraq məhkum edilməklə, cinayət məsuliyyətinə cəlb edilməklə, qətimkan tədbiri kimi həbsə alınmaqla, başqa yerə getməmək haqqında iltizam almaqla, yaxud həbs şəklində inzibati tənbeh verilməklə fiziki şəxsə vurulmuş zərərin ödənilməsi ilə əlaqədar olaraq əmək, pensiya və mənzil hüquqlarının bərpa edilməsi, əmlakın və ya onun dəyərinin qaytarılması haqqında iddialar həmçinin iddiaçının yaşayış yerinə görə verilə bilər. Digər tərəfdən İddiaçı oğlu məhkəməyə müraciət etdiyi iddia ərizəsində irəli sürdüyü tələblər qeyri-müəyyən olmaqla yanaşı, cavabdehə qarşı yönəlmiş tələbləri aydın deyil. Belə ki, iddiaçı məhkəməyə müraciət etdiyi ərizəsində cavabdeh kimi müəyyən olunan tərəfi göstərməmiş, iddia ərizəsinin Azərbaycan Respublikası MPM-nin 149-cu maddəsi ilə müəyyən olunan forma və məzmuna əməl etməmiş, iddiaçı tərəfin irəli sürdüyü tələbi qeyri-dəqiqdir, irəli sürdüyü tələbə dair hər hansı ilkin sənədlər(Şəxsiyyət vəsiqəsi, əmək kitabçasının surəti və s.) əlavə etməmişdir. Azərbaycan Respublikası Mülki Prosessual Məcəlləsinin: 149-cu maddəsinə əsasən iddia ərizəsi məhkəməyə yazılı şəkildə verilir. O, iddiaçı və ya onun bunu imza etməyə səlahiyyəti olan nümayəndəsi tərəfindən imzalanır.149.2-ci maddəsinə tələbinə görə, əizədə aşağıdakılar göstərilməlidir: ərizənin verildiyi məhkəmənin adı, işdə iştirak edən şəxslərin adları, onların poçt ünvanları və s. Həmin Məcəllənin 31.1-ci maddəsinə əsasən aidiyyat qaydalarının pozulmasına yol verilmir. 152.1.1-ci maddəsinə əsasən iddia ərizəsinin bu Məcəllənin 149-cu maddəsi ilə müəyyən olunmuş formasına və məzmununa riayət edilmədikdə hakim iddia ərizəsini və ona əlavə edilmiş sənədləri geri qaytarır; Həmin Məcəllənin 152.1.3-cü il maddəsinə əsasən hakim əgər iş ərazi aidiyyatı üzrə həmin məhkəmədə baxılmalı deyildirsə, ərizə və ona əlavə edilmiş sənədlər geri qaytarır. Prosessual qanunvericiliyə əsasən, istənilən növ iddia yalnız onun mümkünlüyü haqqında şərt yerinə yetirildiyi halda yol veriləndir. İddia ərizəsi verilərək ərazi aidiyyatına riayət olunması iddianın yolverilən olması baxımından mühüm şərtlərdən biridir. Məhkəmə hesab edir ki, aidiyyat qaydaları pozulduğu üçün iddia ərizəsi və ona əlavə edilmiş sənədlər geri qaytarılmalıdır. Məhkəmə izah edir ki, qeyd olunan nöqsanlar aradan qaldırıldıqdan sonra, iddiaçı tərəf əmək hüquqlarının bərpası barədə iddia ərizəsi ilə öz seçimi ilə yaşayış yeri üzrə, yəni Şuşa Rayon Məhkəməsinə və ya Nəsimi Rayon Məhkəməsinə müraciət edə bilər. Şərh olunanlara əsaslanaraq və Azərbaycan Respublikası MPM-nin 35, 36, 152-ci maddəsini rəhbər tutaraq, məhkəmə qərara aldı: İddiaçı oğlunun cavabdeh "Cavabdeh" MMC-yə qarşı “əmək haqqı” tələbinə dair iddia ərizəsi geri qaytarılsın. Qərardaddan rəsmi qaydada verildikdən sonra 10 (on) gün müddətində Bakı şəhəri Nərimanov Rayon Məhkəməsinə şikayət verilə bilər. Sədrlik edən Aytən Novruzova