Bakı Şəhəri Nərimanov Rayon Məhkəməsi Qərardad — İş №2(005)-3687/2021

Azərbaycan Respublikası adından QƏRARDAD Bakı şəhəri İş № 2(005)-3687/2021 22.07.2021 BAKI ŞƏHƏRİ NƏRİMANOV RAYON MƏHKƏMƏSİ Hakim Quliyev Vüqar Şahbaz oğlunun sədrliyi, Cəfərova Rufanə Xıdır qızının katibliyi ilə, İddiaçı X2 cavabdeh X1rşı «əmək müqaviləsinə xitam verilməsi və bununla bağlı elektron informasiya sisteminə məlumat göndərilməsi öhdəliyinin qoyulması» tələbinə dair iddia ərizəsi üzrə mülki işə açıq məhkəmə hazırlıq iclasında baxaraq, MÜƏYYƏN ETDİ: İddiaçı X5 cavabdeh X1rşı «əmək müqaviləsinə xitam verilməsi və bununla bağlı elektron informasiya sisteminə məlumat göndərilməsi öhdəliyinin qoyulması» tələbinə dair iddia ərizəsi ilə məhkəməyə müraciət edərək, fərdi sahibkar olan X6 və onun arasında Əmək Məcəlləsinin 68-ci maddəsinin 2-ci hissəsinin “a” bəndinə əsasən 30.12.2016-cı il tarixdən əmək müqaviləsinə xitam verilməsi və bununla bağlı elektron informasiya sisteminə məlumat göndərilməsi öhdəliyinin cavabdehin üzərinə qoyulması barədə qətnamə qəbul edilməsini məhkəmədən xahiş etmişdir. Məhkəmə iclasında iddiaçı X5 iddia tələbini müdafiə edərək iddianın təmin olunmasını xahiş etdi. Məhkəmə iddiaçını dinləyib, iddia ərizəsini və ona əlavə olunmuş sənədləri nəzərdən keçirərək hesab edir ki, iş aidiyyəti üzrə Bakı şəhəri Qaradağ Rayon Məhkəməsinə göndərilməlidir. İş materiallarında olan vergi ödəyiciləri məlumatlarının elektron çıxarışından görünür ki, cavabdeh X6 ünvan 1 ünvanında qeydiyyatdadır. Azərbaycan Respublikası Mülki Prosessual Məcəlləsinin 35.1-ci maddəsinə əsasən qanunla başqa hal nəzərdə tutulmamışdırsa, iddia cavabdehin rəsmi qeydə alındığı yerin məhkəməsinə verilir. Həmin Məcəllənin 36.2-ci maddəsinə əsasən, rəsmi yaşayış yeri, olduğu yer və ya hüquqi ünvanı müxtəlif olan bir neçə cavabdehə iddia cavabdehlərdən birinin rəsmi yaşayış yeri və ya hüquqi ünvanı üzrə verilə bilər. Azərbaycan Respublikası Mülki Prosessual Məcəlləsinin 32.3-cü maddəsinə əsasən, hakimin özü də mübahisənin məhkəməyə aidiyyəti olmamasını aşkara çıxara bilər. Məhkəmə qeyd edir ki, cavabdeh X3 yaşayış yeri Bakı şəhəri Qaradağ rayonunda olduğundan iş ərazi aidiyyəti üzrə Bakı şəhəri Qaradağ rayon Məhkəməsinə göndərilməlidir. Həmin Məcəllənin 32.5-ci maddəsinə əsasən, Aidiyyət haqqında qərardaddan işdə iştirak edən şəxslər, qərardad onlara təqdim olunduğu (onlar tərəfindən alındığı) gündən 10 gün müddətində bu Məcəllənin 21-ci fəsli ilə müəyyən edilmiş qaydada şikayət verə bilərlər. Həmin Məcəllənin 32.6-cı maddəsinə əsasən, iş bir məhkəmədən başqa məhkəməyə aidiyyət haqqında qərardaddan şikayət verilmə müddəti başa çatdıqdan sonra göndərilir. Həmin Məcəllənin 40.1-ci maddəsinə əsasən ərazi aidiyyəti qaydalarının pozulmasına yol verilmir; Həmin Məcəllənin 44.2.2-ci maddəsinə əsasən iş məhkəmədə baxıldığı zaman onun aidiyyət qaydalarının pozulması ilə icraata qəbul edildiyi aşkar olarsa, məhkəmə işi aidiyyəti üzrə başqa məhkəmədə baxmağa verir. Beləliklə məhkəmə hesab edir ki, iddiaçı X2 cavabdeh X1rşı «əmək müqaviləsinə xitam verilməsi və bununla bağlı elektron informasiya sisteminə məlumat göndərilməsinin öhdəliyin qoyulması» tələbinə dair mülki iş aidiyyəti üzrə baxılması üçün Bakı şəhəri Qaradağ Rayon Məhkəməsinə göndərilməlidir. Qeyd olunanlara əsasən, Azərbaycan Respublikası Mülki Prosessual Məcəlləsinin 263-264, 267-268 maddələrini rəhbər tutaraq, məhkəmə QƏRARA ALDİ: İddiaçı X2 cavabdeh X1rşı «əmək müqaviləsinə xitam verilməsi və bununla bağlı elektron informasiya sisteminə məlumat göndərilməsinin öhdəliyin qoyulması» tələbinə dair mülki iş ərazi aidiyyəti üzrə baxılması üçün Bakı şəhəri Qaradağ Rayon Məhkəməsinə göndərilsin. Qərardad tərəfə rəsmi qaydada verildikdən sonra 10 (on) gün müddətində Bakı şəhəri Nərimanov Rayon Məhkəməsinə şikayət verilə bilər. Hakim Vüqar Quliyev