Bakı Şəhəri Nərimanov Rayon Məhkəməsi Qərardad — İş №2(005)-4224/2022

Azərbaycan Respublikası adından QƏRARDAD Bakı şəhəri İş № 2(005)-4224/2022 23.11.2022 BAKI ŞƏHƏRİ NƏRİMANOV RAYON MƏHKƏMƏSİ Hakim Novruzova Aytən Nazim qızının sədrliyi Məhkəmə iclasının katibi X2, İddiaçının vəkili və nümayəndəsi Vəkil İsə oğlunun iştirakı ilə, İddiaçı cavabdeh "xxxx" MMC-yə (3-cü şəxs qismində Gədəbəy rayon İcra Şöbəsi, X3) qarşı “qiymətləndirmə rəyinin və hesabatının etibarsız hesab edilməsi” tələbinə dair iddia ərizəsi üzrə mülki işə baxaraq, müəyyən etdi: İddiaçı cavabdeh "xxxx" MMC-yə qarşı “qiymətləndirmə rəyinin və hesabatının etibarsız hesab edilməsi tələbi”nə dair iddia ərizəsi ilə məhkəməyə müraciət edərək, “VAZ-21061” markalı, **-BA-*** dövlət qeydiyyat nömrəli avtomobilinin qiymətləndirilməsinə dair "xxxx" MMC-nin xx.xx.2022-ci il tarixli, 71 nömrəli “Əmlakın qiymətləndirilməsi barədə” hesabatının etibarsız hesab edilməsi barədə qətnamə qəbul edilməsini xahiş etmişdir. 26 oktyabr 2022-ci il tarixli məhkəmə iclasında iştirak edən İddiaçı iddia tələbinin təmin olunmasını xahiş etmişdir. Məhkəmə iclasıeda iştirak edən İddiaçının vəkili və nümayəndəsi Vəkil İsə oğlu iddia ərizəsini müdafiə edərək təmin olunmasını xahiş etmişdir. Məhkəmə iclasının yeri və vaxtı barədə digər tərəflərə müvafiq qaydada məlumat verilməsinə baxmayaraq digər tərəflər məhkəmə iclaslarında iştirak etməmiş və bunun səbəbləri barədə məhkəməyə hər hansı məlumat verməmişdir. Məhkəmə iddia ərizəsini, iş materiallarını nəzərdən keçirərək məhkəmə hesab edir ki, iddia ərizəsinə məhkəmədə baxılmalı olmadığından iş üzrə icraata xitam verilməlidir. İddia ərizəsinin məzmunundan görünür ki, Gədəbəy Rayon Məhkəməsinin 2(042)-331/2020 saylı mülki iş üzrə 31 may 2020-ci il tarixli qətnaməsi ilə İddiaçı cəmi 4108 manat pulun X1 xeyrinə tutulması qət olunmuşdur. Gəncə Apellyasiya məhkəməsinin 2(104)-2841/2020 saylı xx.xx.2020-ci il tarixli qətnaməsi ilə cavabdeh İddiaçı Gədəbəy Rayon Məhkəməsinin 2(042)-331/2020 saylı mülki iş üzrə 31 may 2020-ci il tarixli qətnaməsindən verilmiş apellyasiya şikayəti təmin edilməmiş, Gədəbəy Rayon Məhkəməsinin 2(042)-331/2020 saylı mülki iş üzrə 31 may 2020-ci il tarixli qətnaməsi dəyişdirilmədən saxlanması qət edilmişdir. Gədəbəy rayon icra və probasiya şöbəsinin xx.xx.2022-ci il tarixli sifarişli məktubuna əsasən İddiaçı məxsus “VAZ 21061” markalı **-BA-*** dövlət qeydiyyat nişanlı avtomobilinin qiymətlənləndirilməsi "Daşınar və Daşınmaz Əmlakların Qiymətləndirilməsi Xidməti” MMC-yə həvalə edilmişdir. İddiaçının iddia ərizəsində cavabdehdən tələb etdiyi “VAZ-21061” markalı, **-BA-*** dövlət qeydiyyat nömrəli avtomobilinin qiymətləndirilməsinə dair "xxxx" MMC-nin xx.xx.2022-ci il tarixli, 71 nömrəli “Əmlakın qiymətləndirilməsi barədə” hesabatının etibarsız hesab edilməsi barədədir. Azərbaycan Respublikası Mülki Prosessual Məcəlləsinin 261.0.1-ci maddəsinə əsasən iş məhkəmədə və ya mülki məhkəmə icraatı qaydasında baxılmalı deyildirsə, hakim iş üzrə icraata xitam verir. Belə ki, Azərbaycan Respublikası Ali Məhkəməsinin “İcra icraatı çərçivəsində borclunun əmlakının hərracdan satılması qaydası ilə bağlı qanunvericiliyin tətbiqi üzrə” 24 noyabr 2021-ci il tarixli, 02/2021 saylı qərardadı ilə icra icraatı çərçivəsində borclunun ipoteka predmetinə, vergi ödəyicisi kimi siyahıya alınmış əmlaka və girov predmeti olan qiymətli kağızlara aid olmayan əmlaklarına tələbin yönəldilməsi və hərracdan satılması qaydaları Azərbaycan Respublikası Mülki Məcəlləsinin 415-ci və “İcra haqqında” Azərbaycan Respublikası Qanununun 45.6, 45.7, 51, 53, 61, 62-ci maddələri ilə tənzimlənir və bu münasibətlərə qanunun analogiyası üzrə digər qanunvericilik aktlarında nəzərdə tutulmuş hərrac qaydaları tətbiq edilməməsi, icra icraatı çərçivəsində borclunun ipoteka predmetinə və girov predmeti olan qiymətli kağızlarına aid olmayan əmlaklarına tutmanın yönəldilməsi zamanı əmlakın hərraca çıxarılan ilkin (başlanğıc) satış qiyməti onun bazar dəyəri ilə müəyyən olunması, borclunun ipoteka predmeti olmayan əmlakının, notariusun icra qeydi əsasında tutma yönəldilmiş ipoteka predmeti olan əmlakının, habelə vergi ödəyicisi kimi siyahıya alınmış əmlakının ilkin (başlanğıc) satış qiyməti hərracın keçirilməsinədək olan dövr ərzində icra icraatı çərçivəsində hərracı bu qiymət əsasında sifariş etmiş icra məmurunun hərəkətlərindən verilmiş şikayət qaydasında aidiyyəti məhkəmədə mübahisələndirilməsi, hərrac keçirildikdən sonra isə qiymət “Qiymətləndirmə fəaliyyəti haqqında” Azərbaycan Respublikası Qanununun 8-ci maddəsinə uyğun olaraq iddia icraatı qaydasında mübahisələndirilməsi qərara alınmışdır. Bu baxımdan İddiaçı cavabdeh "xxxx" MMC-yə qarşı “qiymətləndirmə rəyinin və hesabatının etibarsız hesab edilməsi” tələbinə dair ayrıca məhkəmə icraatının predmeti ola bilməz, həmin məsələyə icra icraatı qaydasında baxılmalıdır. (müvafiq yekun məhkəmə aktının icrası qaydasında 8 indeksi ilə) Sadalanan xüsusatlara və qanunvericilik aktı normalarına əsasən məhkəmə hesab edir ki, “iş üzrə icraata xitam verilməli və iddiaçıya icra hərəkətləri ilə bağlı müvafiq icra şöbəsinə müraciət etmək hüququnun olması izah olunmalıdır. Şərh olunanlara əsaslanaraq və Azərbaycan Respublikası MPM-nin 261-264-cü maddəsini rəhbər tutaraq, məhkəmə qəraraaldı: İddiaçı cavabdeh "xxxx" MMC-yə qarşı “qiymətləndirmə rəyinin və hesabatının etibarsız hesab edilməsi” tələbinə dair iddiası məhkəmədə baxılmalı olmaması əsası ilə iş üzrə icraata xitam verilsin. Qərardad tərəfə rəsmi qaydada verildikdən sonra 10 (on) gün müddətində müddətində “Elektron məhkəmə” informasiya sistemində yaradılan elektron kabinet vasitəsilə Bakı Şəhəri Nərimanov Rayon Məhkəməsinə şikayət verilə bilər. Sədrlik edən Aytən Novruzova