Bakı Şəhəri Nəsimi Rayon Məhkəməsi Qərardad — İş №2(006)-2791/2023

Azərbaycan Respublikası adından QƏRARDAD Bakı şəhəri İş № 2(006)-2791/2023 31.05.2023 BAKI ŞƏHƏRİ NƏSİMİ RAYON MƏHKƏMƏSİ Bakı şəhəri Nəsimi Rayon Məhkəməsinin hakimi Cəfərov Səməd Fəxrəddin oğlu, İddiaçı cavabdeh “X1” ASC-yə qarşı “kredit müqaviləsi üzrə öhdəliklərin xitam olunması və borcun silinməsi” tələbinə dair iddia ərizəsi və ona əlavə edilmiş sənədləri nəzərdən keçirərək, MÜƏYYƏN ETDİM: İddiaçın cavabdeh “X1” ASC-yə qarşı “kredit müqaviləsi üzrə öhdəliklərin xitam olunması və borcun silinməsi” tələbinə dair iddia ərizəsi ilə məhkəməyə müraciət etmişdir. Məhkəmə iddia ərizəsini və ona əlavə edilmiş sənədləri nəzərdən keçirərək hesab edir ki, iddia ərizəsinin yolverilməzliyinə görə qəbulundan imtina olunmalıdır. Belə ki, iddiaçının məhkəməyə təqdim etmiş olduğu iddia ərizəsindən aydın olur ki, iddiaçı barəsində Xətai Rayon Məhkəməsinin xx.xx.2015-ci il tarixli, 2(011)-2983/2015 saylı əmri qəbul edilmişdir. Həmin qərar üzrə müvafiq icra sənədi verilmişdir. Məhkəmə qeyd edir ki, iddia ərizəsindən görünür ki, tələbin mahiyyəti icra icraatı ilə bağlı ərizə olsa da, iddiaçı tərəfindən verilmiş olan ərizə “iddia ərizəsi” formasında verilmişdir. Halbuki həmin ərizəyə iddia icraatında baxılması yolverilməzdir. Belə ki, iddiaçı Bakı Şəhəri Xətai Rayon Məhkəməsinin xx.xx.2015-ci il tarixli, 2(011)- 2983/2015 saylı əmri ilə müəyyən edilmiş “borcun silinməsi” ilə bağlı iddia ərizəsi ilə deyil, icra icraatı çərçivəsində məhkəməyə “ərizə” formasında həmin qərarı qəbul etmiş məhkəməyə müraciət etməlidir. Belə olan halda məhkəmə hesab edir ki, iddia ərizəsinin qəbul edilməsindən imtina edilməli, qərardad ərizəyə əlavə edilmiş bütün sənədlərlə birlikdə iddiaçıya rəsmi qaydada verilməlidir. Azərbaycan Respublikası Mülki Prosessual Məcəlləsinin 153.2.1-cü maddəsinə əsasən ərizəyə məhkəmə qaydasında baxılmalı deyildirsə, hakim iddianın yolverməzliyinə görə iddia ərizəsini qəbul etməkdən imtina edir. Azərbaycan Respublikası Mülki Prosessual Məcəlləsinin 153.3-cü maddəsinə əsasən hakim ərizəni qəbul etməkdən imtina barədə əsaslandırılmış qərardad çıxarır. Azərbaycan Respublikası Mülki Prosessual Məcəlləsinin 153.4-cü maddəsinə əsasən ərizəni qəbul etməkdən imtina haqqında qərardad ərizəyə əlavə olunan bütün sənədlərlə birlikdə ərizəçiyə rəsmi qaydada verilməlidir. Azərbaycan Respublikası Mülki Prosessual Məcəlləsinin 153.5-ci maddəsinə əsasən ərizənin qəbul edilməsindən imtina edilməsi, ərizəçiyə həmin cavabdehə qarşı, həmin predmet barəsində və həmin əsaslarla yenidən iddia qaldırmağa mane olur. Qeyd olunanlara əsasən məhkəmə hesab edir ki, İddiaçı cavabdeh “X1” ASC-yə qarşı “kredit müqaviləsi üzrə öhdəliklərin xitam olunması və borcun silinməsi” tələbinə dair iddia ərizəsi və ona əlavə olunmuş sənədləri iddianın yol verilməzliyinə görə icraata qəbul edilməkdən imtina edilməli və iddiaçıya geri qaytarılmalıdır. İddiaçıya izah edilməlidir ki, o, icra icraatı çərçivəsində ərizə ilə məhkəməyə müraciət edə bilər. Yuxarıda göstərilənlərə əsasən və Azərbaycan Respublikası MPM-in 151.1, 153.2.1, 153.3, 153.4, 153.5, 153.6, 263, 267-269-cu maddələrini rəhbər tutaraq, QƏRARA ALDİM: İddiaçı cavabdeh “X1” ASC-yə qarşı “kredit müqaviləsi üzrə öhdəliklərin xitam olunması və borcun silinməsi” tələbinə dair iddia ərizəsi və ona əlavə edilmiş sənədlər iddianın yolverilməzliyinə görə icraata qəbul edilməkdən imtina edilsin və iddiaçıya qaytarılsın. İddiaçı tərəfindən ödənilmiş 69 manat dövlət rüsumu ona geri qaytarılsın. İddiaçıya izah edilsin ki, o, icra icraatı ilə bağlı ərizə ilə məhkəməyə müraciət edə bilər. Qərardaddan, onun rəsmi qaydada verildiyi gündən 10 (on) gün müddətinə Bakı şəhəri Nəsimi Rayon Məhkəməsinə şikayət verilə bilər. Hakim Səməd Cəfərov