Bakı Şəhəri Sabunçu Rayon Məhkəməsi Qərardad — İş №2(008)-1398/2022

Azərbaycan Respublikası adından QƏRARDAD Bakı şəhəri İş № 2(008)-1398/2022 14.01.2022 BAKI ŞƏHƏRİ SABUNÇU RAYON MƏHKƏMƏSİ Mən, Bakı şəhəri Sabunçu Rayon Məhkəməsinin hakimi Mahmudova Həqiqət Sahib qızı, Ərizəçi Bakı şəhəri Maraqlı şəxs kimi göstərildiyi “qohumluq münasibətlərində olma faktının və ölüm faktının müəyyən edilməsi” barədə ərizəsini və ona əlavə edilmiş sənədləri nəzərdən keçirərək, MÜƏYYƏN ETDİM: Ərizəçi Bakı şəhəri Maraqlı şəxs kimi göstərildiyi “qohumluq münasibətlərində olma faktının və ölüm faktının müəyyən edilməsi” barədə ərizə ilə məhkəməyə müraciət edərək, X3 atası X1 anası X2 atası olması, X3 1945-ci ildə ölməsi faktının müəyyən edilməsi və X3 ölümü haqqında şəhadətnamənin verilməsi vəzifəsinin Maraqlı şəxs üzərinə qoyulması barədə qətnamə qəbul edilməsini xahiş etmişdir. Ərizəni və ona əlavə edilmiş sənədləri nəzərdən keçirərək hesab edirəm ki, ərizə icraata qəbul edilmədən geri qaytarılmalıdır. Belə ki, AZərbaycan Respublikası Mülki-Prosessual Məcəlləsinin 152.1, 152.1.7-ci maddəsinə əsasən, bir və ya bir neçə cavabdehə bir-biri ilə əlaqədar olmayan bir neçə tələb birləşdirildikdə, hakim iddia ərizəsini və ona əlavə edilmiş sənədləri geri qaytarır. Göründüyü kimi, ərizəçi eyni vaxta həm qohumluq münasibətlərində olma faktının, həm də ölüm faktının müəyyən edilməsini məhkəmədən xahiş etmişdir. Belə olan halda, hesab edirəm ki, qeyd olunan tələblər bir-biri ilə əlaqədar olmamaqla, ayrıca icraatda baxılaraq araşdırılması qanunvericiliyin tələblərinə uyğundur. AZərbaycan Respublikası Mülki-Prosessual Məcəlləsinin 152.1.7-ci maddəsinə əsasən, bir və ya bir neçə cavabdehə bir-biri ilə əlaqədar olmayan bir neçə tələb birləşdirildikdə hakim iddia ərizəsini və ona əlavə edilmiş sənədləri geri qaytarır. Həmin Məcəllənin 152.4-cü maddəsinə əsasən, iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Göstərilənləri nəzərə alaraq və AZərbaycan Respublikası Mülki-Prosessual Məcəlləsinin 152, 263-264-cü və 267-268-ci maddələrinin tələblərini rəhbər tutaraq, QƏRARA ALDİM: Ərizəçi Bakı şəhəri Maraqlı şəxs kimi göstərildiyi “qohumluq münasibətlərində olma faktının və ölüm faktının müəyyən edilməsi” barədə ərizəsi və ona əlavə edilmiş sənədlər geri qaytarılsın. Ərizəçiyə izah olunsun ki, iddia ərizəsinin qaytarılması, nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Qərardaddan, rəsmi qaydada alındığı gündən “Elektron məhkəmə” informasiya sistemində yaradılan elektron kabinet vasitəsilə 10 (on) gün müddətində Bakı şəhəri Sabunçu Rayon Məhkəməsinə şikayət verilə bilər. Hakim: Həqiqət Mahmudova