Bakı Şəhəri Səbail Rayon Məhkəməsi Qərardad — İş №2(009)-1078/2023

Azərbaycan Respublikası adından QƏRARDAD Bakı şəhəri İş № 2(009)-1078/2023 14.12.2023 BAKI ŞƏHƏRİ SƏBAİL RAYON MƏHKƏMƏSİ Hakim Abdullayev Şahin Zülfüqar oğlunun sədrliyi Ağayeva Narqələm Bayram qızının katibliyi Cavabdehin nümayəndəsi X.E.Rəhimzadənin iştirakı ilə, İddiaçı Cavabdeh MMC-yə qarşı əmək haqqına əlavələrin və mənəvi zərərin ödənilməsi tələbinə dair mülki işə Səbail rayon Məhkəməsi binasında açıq məhkəmə iclasında baxaraq… MÜƏYYƏN ETDİ: İddiaçı Cavabdeh MMC-yə qarşı əmək haqqına əlavələrin və mənəvi zərərin ödənilməsi tələbinə dair iddia ərizəsi ilə məhkəməyə müraciət edərək, ayrı-ayrılıqda gecə saatları, iş normasından artıq cəlb edilən işlərə, habelə karantin tədbirləri çərçivəsində cəmiyyətdən təcrid olunma günlərinə görə 20.000 manat məbləğində əmək haqqına əlavə, habelə əmək fəaliyyəti ilə bağlı vurulmuş mənəvi ziyana görə 5.000 manat pul vəsaitin tutulması, cavabdeh tərəfindən ödənişin gecikdirilməsinə görə ödəniş vaxtı təyin edildikdən sonra ertəsi gün hər gecikdirilmiş gün üçün ümumi məbləğin 1% məbləğində kompensasiya tutularaq onun xeyrinə ödənilməsi barədə qətnamə qəbul edilməsini xahiş etmişdir. İddiaçı ərizə ilə məhkəməyə müraciət edərək, mübahisənin məhkəmədənkənar qaydada həll edilməsi ilə əlaqədar iddiadan imtina etməsini bildirmişdir. İddiaçı nümayəndəsi və vəkili Vəkil3 ərizə ilə məhkəməyə müraciət edərək, iddiaçının hazırki iddiadan imtina etməsini nəzərə alaraq, iş üzrə icraata xitam verilməsi barədə qərardad qəbul edilməsini məhkəmədən xahiş etmişdir. Məhkəmə iclasında iştirak edən cavabdehin etibarnamə əsasında nümayəndəsi X1 İddiaçı və onun nümayəndəsi və vəkili Vəkil3 tərəfindən verilən ərizələrlə əlaqədar bildirmişdir ki, iddiaçının iddiadan imtina etməsi qanunazidd olmadığından və hər hansı bir şəxsin hüquqlarını və qanunla qorunan mənafeyini pozmadığından məhkəmədən həmin imtinanın qəbul edilməsini və işin icraatına xitam verilməsi barədə qərardad qəbul edilməsini xahiş etmişdir. Məhkəmə ərizələri araşdıraraq hesab edir ki, ərizələr təmin edilməli, mülki işin icraatına iddia tələbi üzrə iddiaçının iddiadan imtina etməsi ilə əlaqədar xitam verilməlidir. Azərbaycan Respublikası MPM-nin 52.1-ci maddəsinə əsasən iddiaçı iddiadan imtina edə bilər. İddiadan imtina etmə yazılı formada ifadə edilməlidir. Həmin Məcəllənin 261.0.4-cü maddəsinə əsasən iddiaçı iddiadan imtina etmişsə və bu imtina məhkəmə tərəfindən qəbul olunmuşsa, hakim iş üzrə icraata xitam verir. Həmin Məcəllənin 262.1-ci maddəsinə əsasən iş üzrə icraata xitam verilməsi barədə məhkəmə qərardad çıxarır. Həmin Məcəllənin 262.4-cü maddəsinə əsasən işin icraatına xitam verildikdə, eyni tərəflər arasında, eyni predmet haqqında və eyni əsaslar üzrə mübahisə barəsində məhkəməyə müraciət edilməsinə yol verilmir. Məhkəmə qeyd edir ki, iş üzrə icraata xitam verilməsi hüquq və azadlıqların və ya qanuni mənafeyin müdafiəsi üçün məhkəməyə müraciət etmiş şəxsin həmin iş üzrə məhkəmə müdafiəsi hüququnun olmaması, itirilməsi və ya bu hüquqa xitam verilməsi ilə əlaqədar məhkəmənin mülki işə baxılması üzrə prosessual fəaliyyətinin qətnamə çıxarılmadan başa çatdırılmasıdır. Məhkəmə həmçinin qeyd edir ki, məhkəmədə mülki işin başlanılması üçün əsas olan iddianın verilməsi iddiaçının birtərəfli iradə ifadəsi olduğu üçün, həmin iddia üzrə mülki işin davam etdirilməsi də bir qayda olaraq iddiaçının belə bir arzusunun olmasından asılıdır. İddiaçının iddiadan imtina etməsi onun iddiasına əsasən başlanılmış işin məhkəmə icraatını davam etdirmək arzusunun olmadığını təsdiq edir. İddianın verilməsi kimi iddiadan imtina da iddiaçının hüququdur. İddiaçı iddiadan imtina etməklə irəli sürdüyü tələbin məhkəmədə müdafiəsi hüququndan da imtina edir. Məhz bu səbəbdən qanunvericilik iddiadan imtinanın məhkəmə tərəfindən qəbul olunmasını həmin iddiaya əsasən başlanılmış mülki işin icraatına xitam verilməsini prosessual hüquqi əsası kimi müəyyən edir. Məhkəmə hesab edir ki, iddiaçının iddia tələbindən imtina etməsi qanuna zidd olmadığından, hər hansı bir şəxsin hüquqlarını və qanunla qorunan mənafeyini pozmadığından, məhkəmə tərəfindən qəbul edilməli və işin icraatına xitam verilməlidir. Şərh olunanlara əsasən və AR MPM-nin 261.0.4 və 264-cü maddələrini rəhbər tutaraq məhkəmə… QƏRARA ALDİ: İddiaçı Cavabdeh MMC-yə qarşı ayrı-ayrılıqda gecə saatları, iş normasından artıq cəlb edilən işlərə, habelə karantin tədbirləri çərçivəsində cəmiyyətdən təcrid olunma günlərinə görə 20.000 manat məbləğində əmək haqqına əlavə, habelə əmək fəaliyyəti ilə bağlı vurulmuş mənəvi ziyana görə 5.000 manat pul vəsaitin tutulması, cavabdeh tərəfindən ödənişin gecikdirilməsinə görə ödəniş vaxtı təyin edildikdən sonra ertəsi gün hər gecikdirilmiş gün üçün ümumi məbləğin 1% məbləğində kompensasiya tutularaq onun xeyrinə ödənilməsi tələblərinə dair mülki işin icraatına iddiaçının iddiadan imtina etməsi ilə əlaqədar xitam verilsin. Qərardaddan 10 gün müddətində Səbail rayon Məhkəməsinə şikayət verilə bilər. Qeyd: Şikayət elektron sistem vasitəsi ilə verilmədikdə AR MPM-nin 363.1.5-ci maddəsinə əsasən geri qaytarılacaqdır. Hakim Şahin Abdullayev