Bakı Şəhəri Səbail Rayon Məhkəməsi Qərardad — İş №2(009)-144/2021

Azərbaycan Respublikası adından QƏRARDAD Bakı şəhəri İş № 2(009)-144/2021 06.09.2021 BAKI ŞƏHƏRİ SƏBAİL RAYON MƏHKƏMƏSİ Hakim Bağırova Mədinə Ağacavad qızının sədrliyi, Əlizadə Hüseyn Oktay oğlunun katibliyi, İddiaçı Cavabdeh Sığorta Şirkəti ASC-yə qarşı “maddi və mənəvi zərərin ödənilməsi” tələbinə dair mülki işə açıq məhkəmə iclasında baxaraq, məhkəmə MÜƏYYƏN ETDİ: İddiaçı Cavabdeh Sığorta Şirkəti ASC-yə qarşı “maddi və mənəvi zərərin ödənilməsi” tələbinə dair iddia ərizəsi ilə məhkəməyə müraciət etmişdir. İdddiaçı İddiaçı 13.08.2021-ci il tarixdə məhkəməyə ərizə ilə müraciət edərək, Cavabdeh Sığorta Şirkəti ASC-yə qarşı “maddi və mənəvi zərərin ödənilməsi” tələbinə dair müraciət etdiyini, hazırda Cavabdeh Sığorta Şirkəti ASC tərəfindən ona dəymiş ziyan kimi 12000 manat məbləğində pulu könüllü olaraq ödədiyini və o bununla tam razılaşdığı üçün iddiadan imtina etdiyini bildirərək, işə onun iştirakı olmadan baxaraq iş üzrə icraata xitam verilməsini məhkəmədən xahiş etmişdir. Cavabdeh Sığorta Şirkəti ASC 13.08.2021-ci il tarixdə məhkəməyə ərizə ilə müraciət edərək, İddiaçı könüllü olaraq ona dəymiş ziyan kimi 12000 manat məbləğində pulu ödəməyə razı olduğunu, ona görə də, işə onun iştirakı olmadan baxaraq iş üzrə icraata xitam verilməsini məhkəmədən xahiş etmişdir. Məhkəmə ərizəyə baxıb, mülki iş materiallarını tədqiq edib, hesab edir ki, iddiadan imtina ərizəsi təmin edilməli və iş üzrə icraata xitam verilməlidir. Belə ki, Azərbaycan Respublikası Mülki Prosessual Məcəlləsinin 52-ci maddəsinə əsasən iddiaçı iddiadan imtina edə bilər. İddiadan imtina etmə yazılı formada ifadə edilməlidir. Həmin Məcəllənin 261.0.4 maddəsinə əsasən iddiaçı iddiadan imtina etmişsə və bu imtina məhkəmə tərəfindən qəbul olunmuşsa, hakim iş üzrə icraata xitam verir. Məhkəmə hesab edir ki, iddiaçının iddiadan imtina etməsi qanuna zidd olmadığına, başqa şəxslərin hüquqlarını və qanunla qorunan mənafelərini pozmadığına görə qəbul edilməli və iş üzrə icraata xitam verilməlidir. Göstərilənlərə əsasən və Azərbaycan Respublikası Mülki Prosessual Məcəlləsinin 261, 263-264 maddələrini rəhbər tutaraq, məhkəmə QƏRARA ALDİ: İddiaçı Cavabdeh Sığorta Şirkəti ASC-yə qarşı “maddi və mənəvi zərərin ödənilməsi” tələbinə dair iddia ərizəsindən imtinası qəbul edilsin və iş üzrə icraata xitam verilsin. Ekspertiza tədqiqatının dəyəri 50 (əlli) manat Cavabdeh Sığorta Şirkəti ASC-dən tutularaq AR Ədliyyə Nazirliyinin Məhkəmə Ekspertizası Mərkəzinin aşağıdakı hesabına köçürülsün: X1, kod 210005, VÖEN:**********, Müxbir hesab:AZ41NABZ********************, SFİFT:BİK CTREAZ22, MEM, VÖEN:**********, Hesab: AZ34CTRE********************. Qərardaddan 10 gün müddətinə Səbail Rayon Məhkəməsinə şikayət verilə bilər. Hakim: Mədinə Bağırova