Bakı Şəhəri Suraxanı Rayon Məhkəməsi Qərardad — İş №2(010)-1071/2025

Azərbaycan Respublikası adından QƏRARDAD Bakı şəhəri İş № 2(010)-1071/2025 14.04.2025 BAKI ŞƏHƏRİ SURAXANI RAYON MƏHKƏMƏSİ Hakim Talıbova Leyla Oruc qızının sədrliyi, Mahmudov Ruslan Elxan oğlunun katibliyi ilə, İddiaçı2 etibarnamə üzrə nümayəndəsi İddiaçı1, Cavabdeh və onun vəkili Vəkil, X1 iştirakı ilə, İddiaçı2 Cavabdeh qarşı “aliment” tələbinə dair iddia ərizəsı üzrə mülki işə açıq məhkəmə iclasında baxaraq, məhkəmə m ü ə y y ə n e t d i : İddiaçı1 Cavabdeh qarşı iddia ərizəsi ilə məhkəməyə müraciət edərək qızı İddiaçı2 təhsil aldığı universitetin 1700 manat olan illik təhsil haqqının bötüvlükdə ödənilməsi və yaşayış xərcləri üçün hər ay ödənilməli olan 300 manat həcmində əlavə xərclərin ödənilməsinə cəlb edilməsi, ilkin mediasiya sessiyası üçün ödənilmiş 61 manat dövlət rüsumunun cavabdehdən tutularaq iddiaçıya ödənilməsi barədə qətnamə qəbul edilməsini xahiş etmişdir. Daha sonra İddiaçı1 ərizə ilə müraciət edərək İddiaçı1 onun qızı İddiaçı2 ilə əvəz edilməsini xahiş etmişdir. Bakı şəhəri Suraxanı rayon Məhkəməsinin 2(010)-1071/2025 saylı, xx.xx.2025-ci il tarixli qərardadı ilə İddiaçı1 Cavabdeh qarşı aliment tələbinə dair mülki iş üzrə İddiaçı1 əsl İddiaçı2 ilə əvəzləşdirilmişdir. Daha sonra İddiaçı2 etibarnamə üzrə nümayəndəsi İddiaçı1 ərizə ilə məhkəməyə müraciət edərək, iddia ərizəsinin və ona əlavə olunmuş sənədlərin geri qaytarılması barədə qərardad qəbul edilməsini xahiş etmişdir. Cavabdeh işə mahiyyəti üzrə baxılmasını tələb etməməsi barədə ərizə təqdim edərək mülki işin baxılmamış saxlabılmasına etiraz etməmişdir. Azərbaycan Respublikası MPM-nin 259.0.11-ci maddəsinə əsasən iddia ərizəsinin qaytarılması barəsində ərizə verildikdə və cavabdeh işin mahiyyəti üzrə həll olunmasını tələb etmədikdə məhkəmə ərizəni baxılmamış saxlayır. Məhkəmə iş materiallarını araşdırıb hesab edir ki, İddiaçı2 Cavabdeh qarşı “aliment” tələbinə dair iddia ərizəsi Azərbaycan Respublikası MPM-in 259.0.11-ci maddəsinə əsasən baxılmamış saxlanılmalıdır. Şərh olunanlara əsasən və Azərbaycan Respublikası MPM-nin 259.0.11, 260, 263- 264, 266-268-ci maddələrini rəhbər tutaraq, məhkəmə q ə r a r a a l d ı : İddiaçı2 Cavabdeh qarşı “aliment” tələbinə dair iddia ərizəsi baxılmamış saxlanılsın. İddia ərizəsi və ona əlavə edilmiş sənədlər İddiaçı2 geri qaytarılsın. Qərardaddan, qərardad tərəfə rəsmi qaydada verildikdən sonra 10 gün müddətində “Elektron məhkəmə” informasiya sistemində yaradılan elektron kabinet vasitəsilə Bakı şəhəri Suraxanı Rayon Məhkəməsinə şikayət verilə bilər. Sədrlik edən: Leyla Talıbova