Bakı Şəhəri Xətai Rayon Məhkəməsi Qərardad — İş №2(011)-4997/2022

Azərbaycan Respublikası adından QƏRARDAD Bakı şəhəri İş № 2(011)-4997/2022 23.09.2022 BAKI ŞƏHƏRİ XƏTAİ RAYON MƏHKƏMƏSİ Hakim Hacıyeva Sahibə Cavid qıznın sədrliyi, Əliyeva Nailə Namiq qızının katibliyi ilə İddiaçı cavabdeh Bank ”BTB” ASC-nə qarşı “ipoteka müqaviləsinin etibarsız hesab edilməsi” barədə iddiasına dair mülki işə açıq məhkəmə iclasında baxaraq müəyyənetdi: İddiaçı cavabdeh Bank ”BTB” ASC-nə qarşı “ipoteka müqaviləsinin etibarsız hesab edilməsi” barədə iddia ərizəsi ilə məhkəməyə müraciət etmişdir. İddiaçı ərizə ilə məhkəməyə müraciət edərək cavabdeh Bank ”BTB” ASC ilə aralarında qarşlıqlı razılaşma əldə edildiyini, həmin razılaşmaya əsasən, müqavilə imzalandığını bildirmişdir. Qeyd olunanları nəzərə alaraq, icraatda olan mülki işin baxılmamış hesab edilməsini xahiş etmişdir. Cavabdeh Bank ”BTB” ASC məhkəmə iclasının vaxtı və yeri barəsində lazımı qaydada xəbərdar edilməklə məhkəmə iclasına çağırılmış, lakin cavabdehin nümayəndəsi məhkəmə iclasına təkrar gəlməmiş və işə iştirakı olmadan baxılmasını xahiş etməmişdir. Məhkəmə hesab edir ki, iddiaçının işə baxılmamış saxlanılması barəsində ərizəsinə əsasən iddia ərizəsi və ona əlavə olunmuş sənədlər geri qaytarılmalı və iş baxılmamış saxlanılmalıdır. Azərbaycan Respublikası MPM-nin 259.0.11-ci maddəsinə əsasən, iddia ərizəsinin qaytarılması barəsində ərizə verildikdə və cavabdeh işin mahiyyəti üzrə həll olunmasını tələb etmədikdə ərizə baxılmamış saxlanır. Göstərilən qanunvericilik aktı normasına əsasən iddiaçı iddia ərizəsinin baxılmamış saxlanılması barəsində ərizə verdiyindən, cavabdehin qanuni nümayəndəsinin isə iştirakı olmadan baxılması mümkün olmadığından iddia ərizəsi baxılmamış saxlanılmalıdır. Belə ki, Azərbaycan Respublikası MPM-nin 260.4-cü maddəsinə əsasən, iddianın baxılmamış saxlanması üçün səbəb olan şərait aradan qaldırıldıqdan sonra maraqlı şəxs ümumi qaydada ərizə ilə yenidən məhkəməyə müraciət etməyə haqlıdır. Azərbaycan Respublikası MPM-nin 114.1.5-ci maddəsinə əsasən, bu Məcəllə ilə nəzərdə tutulmuş əsaslarla ərizə baxılmamış saxlanılarsa ödənilmiş dövlət rüsumu qaytarılır. Şərh olunanlara əsaslanaraq və Azərbaycan Respublikası MPM-nin 259-260, 263- 264 və 266-268-ci maddələrini rəhbər tutaraq, məhkəmə qəraraaldı: İddiaçı cavabdeh Bank ”BTB” ASC-nə qarşı “ipoteka müqaviləsinin etibarsız hesab edilməsi” barədə iddia ərizəsi baxılmamış saxlansın. İddiaçı tərəfindən iddia ərizəsi ilə Bakı şəhəri Xətai Rayon Məhkəməsinə müraciət edilməsi üçün ödənilmiş 100 manat məbləğində dövlət rüsumu qaytarılsın. Qərardaddan 10 (on) gün müddətində Bakı şəhəri Xətai Rayon Məhkəməsinə şikayət verilə bilər. Sədrlik edən: Sahibə Hacıyeva