Abşeron Rayon Məhkəməsi Qərardad — İş №2(012)-3071/2020

Azərbaycan Respublikası adından QƏRARDAD Xırdalan şəhəri İş № 2(012)-3071/2020 22.07.2020 ABŞERON RAYON MƏHKƏMƏSİ Abşeron Rayon Məhkəməsi Hakim Cəmilə İbrahim qızı Səfiyeva İddiaçı İddiaçı cavabdeh Cavabdeh Çəfərqulu oğluna qarşı alimentin artırılması tələbinə dair iddia ərizəsinə xx xxxx 2020-ci il tarixdə, Xırdalan şəhərində, Abşeron Rayon Məhkəməsinin inzibati binasında açıq məhkəmə iclasında baxaraq, M Ü Ə Y Y Ə N E T D İ M: İddiaçı İddiaçı cavabdeh Cavabdeh Çəfərqulu oğluna qarşı alimentin artırılması tələbinə dair iddia ərizəsi ilə məhkəməyə müraciət etmişdir. İddia ərizəsindən və ona əlavə edilən sənədlərdən tərəflərin hər ikisinin qeydiyyatının Naxçıvan MR-nın Ordubad rayonu olduğu müəyyən edilir. İddia ərizəsini və işin materiallarını nəzərdən keçirib hesab edirəm ki, iddia ərizəsi ərazi aidiyyat qaydalarına əsasən düzgün verilmədiyindən MPM-nin 152.1.3 maddəsinə ona əlavə edilmiş sənədlərlə birlikdə geri qaytarılmalıdır. MPM-nin 35-ci maddəsinə görə qanunla başqa hal nəzərdə tutulmayıbsa, iddia cavabdehin rəsmi qeydə alındığı və ya hüquqi ünvanının olduğu yerin məhkəməsinə verilir. Həmin Məcəllənin 36-cı maddəsinə görə alimentin alınmasına dair iddialar iddiaçı tərəfindən özünün və ya cavabdehin yaşayış yerinə görə verilə bilər. Həmçinin, məhkəmə qeyd edir ki, iddia ərizəsi iddiaçı tərəfindən imzalanmamış məhkəməyə verilmişdir. Qeyd edilənlərə əsasən məhkəmə hesab edir ki, iddia ərizəsi geri qaytarılmalı və hazırkı iddia ərizəsi ilə iddiaçının Naxçıvan MR-nın Ordubad rayon məhkəməsinə müraciət etməsi izah olunmalıdır. Göstərilənlərə əsasən və MPM-nin 263,264 və 268-ci maddəsinin tələblərini rəhbər tutaraq, Q Ə R A R A A L D İ M: İddiaçı İddiaçı cavabdeh Cavabdeh Çəfərqulu oğluna qarşı alimentin artırılması tələbinə dair iddia ərizəsi ona əlavə edilmiş sənədlərlə birlikdə geri qayatrılsın. İddiaçıya hazırkı iddia ərizəsi ilə Naxçıvan MR-nın Ordubad rayon məhkəməsinə müraciət etməsi izah olunsun. Qərardadın surəti təqdim edildiyi və ya alındığı gündən 10 (on) gün müddətində qərardadı qəbul edən məhkəməyə şikayət verilə bilər. Hakim: C.İ.Səfiyeva