Ağdaş Rayon Məhkəməsi Qərardad — İş №2(014)-1754/2020

Azərbaycan Respublikası adından QƏRARDAD Ağdaş rayonu İş № 2(014)-1754/2020 09.10.2020 AĞDAŞ RAYON MƏHKƏMƏSİ Ağdaş Rayon Məhkəməsinin hakimi F.Nəsibov, İddiaçı iddia ərizəsini və ona əlavə edilmiş sənədləri araşdıraraq, MÜƏYYƏN ETDİM: İddiaçı Cavabdeh MMC-nin Ağdaş rayon filialına qarşı müqavilənin ləğv edilməsi tələbi haqqında iddia ərizəsi ilə məhkəməyə müraciət edərək Cavabdeh MMC ilə arasında bağlanılmış xx.xx.2019-cu il tarixli AGK02108 nömrəli nisyə alqı-satqı müqaviləsinin ləğv edilməsi və ona verilən keyfiyyətsiz məhsul olan BOSCH markalı \/\/AK2426SME modeli paltaryuyan üçün ödəniş etdiyi məbləğin geri qaytarılması barədə qətnamə qəbul edilməsini xahiş etmişdir. Lakin İddiaçı Azərbaycan Respublikası Mülki Prosessual Məcəlləsinin 149-150-ci maddələrinin tələbinə əməl etməmiş, yəni xx.xx.2019-cu il tarixli AGK02108 nömrəli nisyə alqı-satqı müqaviləsi onunla hüquqi ünvanı ünvan 1 olan Cavabdeh MMC arasında bağlanılsa da Cavabdeh MMC-ni deyil, ünvanını ünvan 2 göstərdiyi Cavabdeh MMC-nin Ağdaş rayon filialını cavabdeh kimi göstərmiş, cavabdeh kimi göstərdiyi Cavabdeh MMC-nin Ağdaş rayon filialının ünvanını tam yazmamış, geri tələb etdiyi pulun məbləğini göstərməmişdir. Azərbaycan Respublikası Mülki Prosessual Məcəlləsinin 151.1-ci maddəsinə əsasən iddia ərizəsi bu Məcəllənin tələblərinə əməl edilməklə verildikdə, onun məhkəmə icraatı mümkündür. Həmin Məcəllənin 152.1.1-ci maddəsinə əsasən iddia ərizəsinin bu Məcəllənin 149-cu maddəsi ilə müəyyən olunmuş formasına və məzmunua əməl edilmədikdə, hakim iddia ərizəsinin və ona əlavə edilmiş sənədlərin geri qaytarılması haqqında qərardad çıxarır. Həmin Məcəllənin 152.4-cü maddəsinə əsasən iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Buna görə də hesab edirəm ki, iddia ərizəsi və ona əlavə edilmiş sənədlər geri qaytarılmalı və iddiaçıya izah edilməlidir ki, qeyd olunan nöqsanları aradan qaldırdıqdan sonra ümumi qayda ikinci dəfə iddia ərizəsi ilə məhkəməyə müraciət edə bilər. Qeyd olunanlara əsaslanaraq və Azərbaycan Respublikası Mülki Prosessual Məcəlləsinin 263-264-cü maddələrini rəhbər tutaraq, QƏRARA ALDİM: İddiaçı iddia ərizəsi və ona əlavə edilmiş sənədlər geri qaytarılsın. Qərardad tərəfə qəsmi qaydada verildikdən sonra 10 gün müddətində Ağdaş Rayon Məhkəməsinə şikayət verilə bilər.(Qərardad ondan şikayət vermək hüququna malik olan şəxslərin yanında elan edilmişdirsə, şikayət vermə müddəti qərardadın elan olunduğu vaxtdan hesablanır). Məhkəmənin hakimi: Famil Nəsibov.