Ağcabədi Rayon Məhkəməsi Qərardad — İş №2(017)-148/2023

Azərbaycan Respublikası adından QƏRARDAD Ağcabədi rayonu İş № 2(017)-148/2023 28.03.2023 AĞCABƏDİ RAYON MƏHKƏMƏSİ Ağcabədi Rayon Məhkəməsi hakim Quliyev Etibar Bəhrəm oğlunun sədrliyi, məhkəmə iclasının katibi X2, iddiaçılar X1, İddiaçı2 və İddiaçı3 iştirakları ilə İddiaçılar X1, İddiaçı2, İddiaçı3 və İddiaçı4 cavabdehlər Ağcabədi Regional “Asan Xidmət” Mərkəzinin Notariat ofisinə və Cavabdeh2 qarşı alqı-satqı müqaviləsinin və onun əsasında verilmiş çıxarışın etibarsız hesab edilməsi tələbinə dair mülki işə açıq məhkəmə iclasında baxaraq, m ü ə y y ə n e t d i: İddiaçılar X1, İddiaçı2, İddiaçı3 və İddiaçı4 cavabdehlər Ağcabədi Regional “Asan Xidmət” Mərkəzinin Notariat ofisinə və Cavabdeh2 qarşı alqı-satqı müqaviləsinin və onun əsasında verilmiş çıxarışın etibarsız hesab edilməsi tələbinə dair iddia ərizəsi ilə məhkəməyə müraciət etmişdir. Məhkəmə iclasında iddiaçılar X1, İddiaçı2 və İddiaçı3 məhkəməyə ərizə ilə müraciət edərək, hazırda işə mahiyyəti üzrə baxılması istəmədiklərini, iddia ərizəsinin baxılmamış saxlanılmasını və sənədlərin əslinin onlara geri qaytarılmasını xahiş etmişlər. Cavabdehlərə məhkəmə iclasının yeri və vaxtı barədə dəfələrlə lazımi qaydada xəbərdarlıq edilməsinə baxmayaraq, məhkəmə iclasına gəlməmiş və gəlməməsinin səbəbi barədə məhkəməyə məlumat verməmişdir. Məhkəmə Azərbaycan Respublikası Mülki Prosessual Məcəlləsinin 185.5-ci maddəsinə əsasən işə cavabdehin iştirakı olmadan baxılmasını mümkün hesab edir. Məhkəmə Azərbaycan Respublikası Mülki Prosessual Məcəlləsinin 259.0.11-ci maddəsinə əsasən iddia ərizəsinin qaytarılması barədə ərizə verildikdə və cavabdeh işin mahiyyəti üzrə həll olunmasını tələb etmədikdə ərizəni baxılmamış saxlayır. Yuxarıda göstərilənlərə əsasən və Azərbaycan Respublikası Mülki Prosessual Məcəlləsinin 259-260-cı və 263-268-ci maddələrini rəhbər tutaraq, məhkəmə q ə r a r a a l d ı: İddiaçılar X1, İddiaçı2, İddiaçı3 və İddiaçı4 cavabdehlər Ağcabədi Regional “Asan Xidmət” Mərkəzinin Notariat ofisinə və Cavabdeh2 qarşı alqı-satqı müqaviləsinin və onun əsasında verilmiş çıxarışın etibarsız hesab edilməsi tələbinə dair iddia ərizəsi baxılmamış saxlanılsın. Qərardaddan 10 gün müddətində Ağcabədi Rayon Məhkəməsinə şikayət verilə bilər. Hakim Etibar Quliyev