Ağcabədi Rayon Məhkəməsi Qətnamə — İş №2(017)-798/2024

Azərbaycan Respublikası adından QƏTNAMƏ Ağcabədi rayonu İş № 2(017)-798/2024 18.04.2024 AĞCABƏDİ RAYON MƏHKƏMƏSİ Ağcabədi Rayon Məhkəməsi hakim Quliyev Etibar Bəhrəm oğlunun sədrliyi, məhkəmə iclas katibi X4, İddiaçı və cavabdeh Mustafayeva (Quliyeva) Telli Muxtar qızının iştirakları ilə, İddiaçı cavabdeh Mustafayeva (Quliyeva) Telli Muxtar qızına qarşı "aliment" tələbinə dair iddia ərizəsi üzrə mülki işə məhkəmənin binasında açıq məhkəmə iclasında baxaraq müəyyən etdi: İddiaçı cavabdeh Mustafayeva (Quliyeva) Telli Muxtar qızından bir uşağın saxlanması üçün 150 manat sabit pul məbləğində alimentin alınaraq ona verilməsinə dair iddia ərizəsi ilə məhkəməyə müraciət etmişdir. Məhkəmə iclasında İddiaçı iddia tələbini müdafiə edərək izahatında bildirdi ki, cavabdeh Mustafayeva (Quliyeva) Telli Muxtar qızı rəsmi nikaha daxil olmaqla ailə qurmuş, onların nikahından xx.xx.2016-cı il tarixdə X5 və xx.xx.2019-cu il tarixdə X6 adlı uşaqları anadan olmuşdur. Aralarında olan nikah münasibətləri məkəmə qaydasında pozulmuş, uşaqlardan Damla onun, Yusif isə anasının yanında saxlanılmış, Yusifin saxlanması üçün aliment təyin edilmiş, lakin Damlanın saxlanması üçün aliment təyin edilməmişdir. Ona görə də xx.xx.2016-cı il tarixdə X1 yetkinlik yaşına çatanadək saxlanması üçün hər ay cavabdeh Mustafayeva (Quliyeva) Telli Muxtar qızından 150 manat sabit pul məbləğində alimentin alınaraq ona verilməsi haqqında qətnamə çıxarılmasını xahiş etdi. Məhkəmə iclasında cavabdeh Mustafayeva (Quliyeva) Telli Muxtar qızı iddia tələbini qəbul etmədi və verdiyi izahatında göstərdi ki, iddiaçı ilə rəsmi nikaha daxil olmaqla ailə qurmuş, onların nikahından xx.xx.2016-cı il tarixdə X5 və xx.xx.2019-cu il tarixdə X6 adlı uşaqları anadan olmuşdur. Aralarında olan nikah münasibətləri məhkəmə qaydasında pozulmuş, uşaqlardan Yusif onun, Damla isə atasının yanında saxlanılmışdır. Aralarında olan nikah pozulduqdan sonra “Mustafayeva” soyadını qəbul etmişdir. Hazırda aliment ödəməyə imkanı yoxdur. Bakı şəhərində kirayədə qalır. Nikahlarından xx.xx.2019-cu il tarixdə doğulmuş X3 güclə saxlayır. Eyni zamanda onun xəstəliyi vardır. Odur ki, göstərilən xüsusatları nəzərə alaraq iddianın təmin edilməməsini xahiş etdi. Məhkəmə iddiaçının və cavabdehin izahatlarını dinləyib iş materiallarını araşdıraraq hesab edir ki, aşağıda göstərilənlərə əsasən iddia qismən təmin edilməlidir. Belə ki, iş materiallarına əlavə olunmuş doğum haqqında şəhadətnamələrin surətindən görünür ki, tərəflərin nikahından xx.xx.2016-cı il tarixdə X5 və xx.xx.2019-cu il tarixdə X6 adlı uşaqları anadan olmuşdur. İş materiallarına əlavə olunmuş xx.xx.2023-cü il tarixli qətnamənin surətindən görünür ki, İddiaçı ilə cavabdeh Mustafayeva (Quliyeva) Telli Muxtar qızının nikahları pozulmuş, xx.xx.2016-cı il tarixdə doğulmuş X5 atasının, xx.xx.2019-cu il tarixdə anadan olmuş X6 anasının yanında saxlanılmış və xx.xx.2019-cu il tarixdə anadan olmuş X2 yetkinlik yaşına çatanadək saxlanması üçün 120 manat aliment təyin edilmiş, alimentin tutulması xx.xx.2023-cü il tarixdən hesablanmaqla İddiaçı hər ay 120 manat məbləğində aliment alınaraq Mustafayeva (Quliyeva) Telli Muxtar qızına verilməsi qət olunmuşdur. Azərbaycan Respublikası Konstitusiyasının 17-ci maddəsinə əsasən uşaqların qayğısına qalmaq və onları tərbiyə etmək valideynlərin borcudur. «Uşaq hüquqları» haqqında Azərbaycan Respublikası qanunun 19-cu maddəsinə əsasən valideynlərin uşağın tərbiyəsində bərabər hüquq və vəzifələri vardır. Uşağın qabiliyyətinin inkişaf etdirilməsi, onun maddi və mənəvi tələbatlarının təmin edilməsi, hüquq və mənafelərinin mühafizəsi valideynlərin əsas vəzifələridir. Azərbaycan Respublikası Ailə Məcəlləsinin 75.1, 75.4-cü maddəsinə əsasən valideynlər uşaqlarını saxlamağa borcludurlar. Valideynlər uşaqlarını saxlamadıqda uşaqlarının saxlanması barədə vəsait (aliment) valideynlərdən məhkəmə qaydasında tutulur. Həmin Məcəllənin 78.1-ci maddəsinə əsasən valideynlər arasında yetkinlik yaşına çatmayan uşaqlara aliment ödənilməsi barədə saziş yoxdursa, eləcə də aliment verməyə borclu olan valideynin qazancı (gəliri) qeyri-müntəzəm dəyişən olarsa, ya qazancının (gəlirin) hamısını və ya bir hissəsini həmin valideyn natura və ya xarici valyuta ilə alırsa, yaxud onun qazancı və ya sair gəliri yoxdursa, habelə alimentin valideynin qazancından (gəlirindən) müəyyən hissə kimi tutulması mümkün olmadığı, çətinlik törətdiyi və ya tərəflərdən birinin marağını əhəmiyyətli dərəcədə pozduğu başqa hallarda, uşaqların saxlanması üçün vəsait tutulması tələb edən şəxsin xahişi ilə alimentin miqdarı məhkəmə tərəfindən hər ay ödənilməli olan sabit pul məbləğində və ya eyni zamanda həm sabit pul məbləğində, həm də bu məcəllənin 76-cı maddəsinə uyğun olaraq qazancın (gəlirin) müəyyən hissəsi kimi müəyyən edilə bilər. Həmin Məcəllənin 78.2-ci maddəsinə əsasən sabit pul məbləğinin miqdarı məhkəmə tərəfindən tərəflərin maddi və ailə vəziyyəti, diqqətəlayiq olan digər hallar nəzərə alınmaqla uşağın əvvəlki təminatının səviyyəsinin mümkün qədər maksimal saxlanılması əsas alınaraq müəyyən edilir. Azərbaycan Respublikası Ailə Məcəlləsinin 100.2-ci maddəsinə əsasən aliment məhkəməyə müraciət edildiyi vaxtdan tutulur. Qeyd edilənlərə əsasən, uşaqların əvvəlki təminat səviyyəsinin mümkün qədər maksimal saxlanması və uşaqların mənafeyi ilə üzərinə aliment öhdəliyi qoyulan valideynin maddi imkanları arasında ədalət tarazlığına riayət olunması zərurəti nəzərə alınmaqla, məhkəmə hesab edir ki iddia təmin edilməli, tərəflərin nikahından xx.xx.2016-cı il tarixdə anadan olmuş X1 yetkinlik yaşına çatanadək saxlanılması üçün alimentin miqdarı sabit pul məbləğində müəyyən olunmaqla, hər ay Mustafayeva (Quliyeva) Telli Muxtar qızından 120 manat sabit pul məbləğində aliment alınaraq İddiaçı verilməlidir. İddia qalan hissədə təmin edilməməlidir. Azərbaycan Respublikası MPM-nin 119.2-ci maddəsinə əsasən ödənilən illik alimentin məbləğinə görə 34,4 manat dövlət rüsumu cavabdehdən tutularaq dövlət büdcəsinə keçirilməlidir. Azərbaycan Respublikası Mülki Prosessual Məcəlləsinin 234.2-ci maddəsinə əsasən şəxsin saxlanması üçün vəsaitlərin, o cümlədən alimentlərin alınması haqqında qətnamələr dərhal icra edilir. Göstərilənlərə əsasən və Azərbaycan Respublikası Mülki Prosessual Məcəlləsinin 216-220-ci və 360cı maddələrini rəhbər tutaraq məhkəmə q ə t e t d i: İddia qismən təmin edilsin. xx.xx.2016-cı il tarixdə anadan olmuş X1 yetkinlik yaşına çatanadək saxlanılması üçün alimentin miqdarı sabit pul məbləğində müəyyən olunmaqla, hər ay Mustafayeva (Quliyeva) Telli Muxtar qızından 120 manat məbləğində aliment alınaraq İddiaçı verilsin. İddia qalan hissədə təmin edilməsin. Alimentin tutulması xx.xx.2024-cü il tarixdən hesablansın. Qətnamə dərhal icra edilsin. Cavabdeh Mustafayeva (Quliyeva) Telli Muxtar qızından 34,4 manat dövlət rüsumu tutularaq Hökumət ödəniş portalı vasitəsilə Ağcabədi Rayon Məhkəməsinin hesabına ödənilsin. Qətnamədən rəsmi qaydada verildiyi gündən bir ay müddətinə Ağcabədi Rayon Məhkəməsi vasitəsi ilə Şirvan Apellyasiya Məhkəməsinə apellyasiya şikayəti verilə bilər. Hakim Etibar Quliyev