Balakən Rayon Məhkəməsi Qərardad — İş №2(019)-599/2020

Azərbaycan Respublikası adından QƏRARDAD Balakən Rayonu İş № 2(019)-599/2020 28.07.2020 BALAKƏN RAYON MƏHKƏMƏSİ Balakən Rayon Məhkəməsinin hakimi Tahirov Zamin Cəbrayıl oğlu, İddiaçı x1 qarşı alqı-satqı müqaviləsinin bağlanmış hesab olunması tələbinə dair iddia ərizəsini və ona əlavə edilmiş sənədləri araşdıraraq, müəyyən etdim: İddiaçı cavabdeh x1 qarşı məhkəməyə iddia ərizəsi ilə müraciət edərək, cavabdeh x2 ilə İddiaçı arasında Balakən rayonu, Tülü kəndində yerləşən RX ******* seriya nömrəli 0.669 ha həyətyanı və həmin torpaq sahəsinə bitişik olan RX ******* seriya nömrəli 0.0635 ha kənd təsərrüfatı təyinatlı torpaq sahələrinə dair alqı-satqı müqaviləsinin bağlanmış hesab edilməsi barədə qətnamə çıxarılmasını xahiş etmişdir. Azərbaycan Respublikası Mülki-Prosessual Məcəlləsinin (bundan sonra Azərbaycan Respublikası MPM) 151.1-ci maddəsinə əsasən iddia ərizəsi bu Məcəllənin tələblərinə riayət edilməklə verildikdə, onun məhkəmə icraatı mümkündür. Hazırki ərizənin məhkəmə icraatının mümkünlüyü yoxlanılarkən müəyyən edilmişdir ki, ərizənin Azərbaycan Respublikası MPM-nin 149-cu maddəsi ilə müəyyən olunmuş formasına və məzmununa riayət olunmamışdır. Belə ki, Azərbaycan Respublikası MPM-nin 149.2.3-cü maddəsinə əsasən ərizədə iddiaçının tələbi və Azərbaycan Respublikası MPM-nin 149.2.4-cü maddəsinə əsasən müqavilə ilə və ya həmin kateqoriya işlər üçün qanunla bu, nəzərdə tutulmuşsa, cavabdehlə mübahisənin məhkəməyə qədər (pretenziya) qaydada nizama salınmasına riayət edilməsinə dair məlumat göstərilməlidir. Azərbaycan Respublikası MPM-nin 150.0.5-ci maddəsinə əsasən iddiaçının öz tələblərini əsaslandırdığı hallara dair sənədlər, əgər bu sənədlərin surətləri cavabdehlər və üçüncü şəxslərdə yoxdursa, onlara verilmək üçün bu sənədlərin surətləri və Azərbaycan Respublikası MPM-nin 150.0.7-ci maddəsinə əsasən müqavilə ilə və ya həmin kateqoriya mübahisələr üçün qanunla bu nəzərdə tutulmuşsa, cavabdehlə mübahisənin məhkəməyə qədər və ya pretenziya qaydasında nizama salınmasına riayət edilməsini təsdiq edən sənəd iddia ərizəsinə əlavə edilməlidir. Lakin hazırki iddia ərizəsində bu tələblərə əməl edilməmiş; ərizədə iddiaçının tələbi düzgün göstərilməmiş (xx xxx 2005-ci il tarixədək qüvvədə olmuş Mülki Məcəllənin 335.2ci maddəsində məhkəmə qaydasında əqdin bağlanmış hesab edilməsi deyil, əqdin etibarlı hesab edilməsindən söhbət gedir), iddiaçının cavabdehlə mübahisənin məhkəməyə qədər (pretenziya) qaydada nizama salınmasına riayət edilməsinə dair məlumat göstərilməmiş, bu barədə hər hansı sənəd ərizəyə əlavə edilməmiş, həmçinin tərəflər arasında 0,0669 ha həyətyanı və 0,0635 ha kənd təsərrüfatı təyinatlı torpaq sahələrinə dair hansı tarixli sadə yazılı alqı-satqı müqaviləsinin bağlanmasını təsdiq edən sənəd (müqavilənin əsli və ya təsdiq edilmiş surəti) və qeyd edilən 0,0669 ha həyətyanı və 0,0635 ha kənd təsərrüfatı təyinatilı torpaq sahələrinin Cavabdeh xüsusi mülkiyyətində olması və onun həmin torpaq sahələri üzərində sərəncam vermək (o cümlədən həmin torpaq sahələrini satmaq) hüququnun olmasını təsdiq edən sənədlər iddia ərizəsinə əlavə edilməmişdir. Qeyd olunanlar da hazırki iddia ərizəsinin qaytarılması üçün əsasdır. Belə ki, Azərbaycan Respublikası MPM-nin 152.1.1-ci maddəsinə əsasən iddia ərizəsinin bu Məcəllənin 149-cu maddəsilə müəyyən olunmuş formasına və məzmununa riayət edilmədikdə hakim iddia ərizəsini və ona əlavə olunmuş sənədləri geri qaytarır. Azərbaycan Respublikası MPM-nin 152.4-cü maddəsinə əsasən iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Ona görə də hesab edirəm ki, İddiaçı cavabdeh x1 qarşı alqı-satqı müqaviləsinin bağlanmış hesab olunması tələbinə dair ərizəsi geri qaytarılmalı və İddiaçı iddia ərizəsinin qaytarılmasına səbəb olmuş nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etmək hüququ izah edilməlidir. Göstərilənlərə əsasən və Azərbaycan Respublikası MPM-nin 149-152, 263-264 və 266- 268-ci maddələrini rəhbər tutaraq, q ə r a r a a l d ı m: İddiaçı cavabdeh x1 qarşı alqı-satqı müqaviləsinin bağlanmış hesab olunması tələbinə dair iddia ərizəsi geri qaytarılsın; İddiaçı iddia ərizəsinin qaytarılmasına səbəb olmuş nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etmək hüququ izah edilsin. Qərardaddan onun surəti tərəfə rəsmi qaydada verildikdən sonra 10 (on) gün müddətində Balakən Rayon Məhkəməsinə şikayət verilə bilər. Hakim: Zamin Tahirov