Beyləqan Rayon Məhkəməsi Qətnamə — İş №2(020)-1098/2023

Azərbaycan Respublikası adından QƏTNAMƏ Beyləqan rayon İş № 2(020)-1098/2023 07.08.2023 BEYLƏQAN RAYON MƏHKƏMƏSİ Beyləqan rayon məhkəməsinin hakimi Seyfullayev Seyfəli İzzət oğlunun sədrliyi, Xankişiyev Tural Şahsuvar oğlunun katibliyi ilə İddiaçı iştirakı ilə İddiaçı Cavabdeh qarşı sabit pul məbləğində aliment tələbinə dair işə açıq məhkəmə iclasında baxaraq MüəyyənEtdi: İddiaçı iddia ərizəsi ilə məhkəməyə müraciət edərək Cavabdeh onun xeyrinə 21 mart 2009-cu ildə anadan olan Qoşqarın saxlanması üçün hər ay 250 manat sabit pul məbləğində alimentin alınıb ona verilməsi barədə qətnamə çıxarılmasını xahiş etmişdir. Məhkəmə iclasında İddiaçı iddianı müdafiə etdi və izahatında göstərdi ki, o, X3 ilə nikahlarını rəsmiləşdirərək ailə qurmuşdur. Birgə nikahlarından 21 mart 2009-ci ildə Qoşqar adlı bir uşaqları anadan olmuşdur. Beyləqan Rayon Məhkəməsinin qətnaməsi ilə Mirzə ilə aralarındakı nikah pozulmuş, birgə nikahlarından olan Qoşqarın iddiaçının yanında saxlanılması və Qoşqarın yetkinlik yaşına çatana kimi saxlanılması üçün X1 iddiaçının xeyrinə hər ay sabit pul məbləğində 150 manat aliment tutulması qərara alınmışdır. Qeyd edilən 150 manat alimenti X3, ödəməmişdir. Mirzə Əliyevin borcu yığılmışdır. Hazırda uşağı iddiaçının himayəsində yaşayır. Heç yerdə işləmir, uşaq azyaşlıdır, iddiaçının uşağını saxlamaq üçün maddi yardına ehtiyacı vardır. Nə uşağının atası Mirzə Əliyev, nə də cavabdeh uşağın saxlanması üçün ona heç bir maddi yardım göstərmirlər. Cavabdeh uşağın babasıdır, onun nəvəsinə kömək etmək üçün yetərincə maddi imknları vardır. Ona görə də, iddiaçı hazırkı iddia ilə məhkəməyə müraciət etmişdir. Odur ki, cavabdehlər Cavabdehdan iddiaçının xeyrinə bir nəfər uşağın saxlanması üçün hər ay 250 manat sabit pul məbləğində alimentin alınıb iddiaçıya verilməsinə dair qətnamə çıxarılmasını xahiş etdi. Cavabdehlər Cavabdeh Mirzə oğluna məhkəmə iclasının vaxtı və yeri barədə qanunla nəzərdə tutulmuş qaydada xəbərdarlıq edilməsinə baxmayaraq heç bir üzürlü səbəb göstərmədən məhkəmə iclasına gəlməmişlər. Azərbaycan Respublikası MPM-nin 185.1-ci maddəsinə əsasən işdə iştirak edən şəxslər, məhkəməyə gəlməyə və ya gəlməməyin səbəbini və ya mümkünsüzlüyünü bildirməyə və bu səbəblərin üzürlü olması barədə sübutlar təqdim etməyə borcludurlar. Həmin Məcəllənin 185.5-ci maddəsinə görə məhkəmə iclasının vaxtı və yeri haqqında lazımi qaydada xəbərdar edilmiş cavabdehin gəlməməsinin səbəbləri haqqında məlumat olmadıqda və ya məhkəmə gəlməməyin səbəblərini üzürsüz hesab etdikdə, yaxud məhkəmə cavabdehin icraatı qəsdən yubandırdığını aşkar etdikdə, işə baxmağa haqlıdır. Bu halda qətnamə çəkişmə şəraitində qəbul edilmiş kimi qiymətləndirilərək cavabdehə apellyasiya qaydasında şikayət etmək hüququ verilir. Məhkəmə iclasının vaxtı və yeri haqqında lazımi qaydada məlumatlandırılmış cavabdeh məhkəmə iclasına gəlmədiyindən, lakin əvvəlki məhkmə iclaslarında iştirak etdiyindən məhkəmə cavabdehin iştirakı olmadan işə baxmağı mümkün hesab edir. İşdə olan Beyləqan Rayon Məhkəməsinin 07 sentyabr 2021-cı il tarixli qətnaməsindən görünür ki, İddiaçı ilə X3 arasında başğlanmış nikah pozulmuşdur. X1 İddiaçı xeyrinə bir uşağın saxlanılması üçün sabit pul məbləğində 150 manat aliment qət edilmişdir. İşdə olan doğum haqqında şəhadətnamədən çıxarışdan görünür ki, İddiaçı ilə X2 birgə nikahlarından 21 mart 2009-ci ildə Qoşqar adlı uşaqları anadan olmuşdur. Məhkəmə iddiaçının izahatını dinləyib, iş materiallarını araşdıraraq hesab edir ki, iddia aşağıdakı əsaslara görə qismən təmin edilməlidir. Belə ki, məhkəmə tədqiqində müəyyən oldu ki, İddiaçı ilə cavabdehin oğlu Mirzə Əliyevin birgə nikahlarından 21 mart 2009-ci il tarixdə Qoşqar adlı uşaqları anadan olmuşdur. Beyləqan Rayon Məhkəməsinin 07 sentyabr 2021-cı il tarixli qətnaməsinə əsasən İddiaçı ilə Mirzə Əliyev arasındakı nikah pozulmuş, tərəflərin birgə nikahlarından olan Qoşqar adlı uşağın İddiaçı yanında saxlanılması müəyyən edilmiş və oğlunun yetkinlik yaşına çatana kimi saxlanılması üçün X1 iddiaçının xeyrinə hər ay sabit pul məbləğində 150 manat aliment tutulması qət edilmişdir. X5 uşağın saxlanması üçün iddiaçıya heç bir yardım göstərməmişdir. İddiaçı himayəsində olan uşağı təkbaşına saxlaya bilmədiyindən uşağın babasına qarşı 250 manat məbləğində aliment tələbinə dair iddia qaldırmışdır. Azərbaycan Respublikası Ailə Məcəlləsinin 89-cu maddəsinə görə yardıma ehtiyacı olan yetkinlik yaşına çatmayan nəvələr saxlanmaq üçün öz valideynlərindən maddi yardım ala bilmədikdə, buna zəruri vəsaitə malik baba və nənədən məhkəmə qaydasında aliment almaq hüququna malikdirlər. Əmək qabiliyyəti olmayan və yardıma ehtiyacı olan yetkinlik yaşına çatan nəvələr saxlanmaq üçün valideynlərindən, yaxud da ərdən (arvaddan) maddi yardım ala bilmədikdə, onlara da eyni hüquq verilir. Azərbaycan Respublikası Ailə Məcəlləsinin 76, 78 və 112-ci maddələrinin şərh edilməsinə dair Azərbaycan Respublikası Konstitutsiya Məhkəməsinin Plenumunun 27 iyul 2016-cı il tarixli Qərarında qeyd edilmişdir ki, aliment ödənilməsi barədə saziş olmadıqda məhkəmə Azərbaycan Respublikası Ailə Məcəlləsinin 76.2 və 78.2-ci maddələrinə bu Qərarda formalaşmış hüquqi mövqeyə uyğun olaraq, hər iki tərəfin maddi və ailə vəziyyəti və diqqətəlayiq digər hallarla yanaşı, uşağın əvvəlki təminatının səviyyəsinə də qiymət verilir. Bu qərarın 1-ci bəndində göstərilən hallara qiymət verərək məhkəmə həmçinin nəzərə almalıdır ki, “Uşaq hüquqları haqqında” Azərbaycan Respublikası Qanununun 13cü maddəsinə uyğun olaraq uşağın Azərbaycan Respublikasının qanunvericiliyi ilə müəyyən edilmiş minimum dolanacaq xərclərindən az olmayan maddi təminat almaq hüququ vardır. Məhkəmədə müəyən edildi ki, İddiaçı bir azyaşlı uşağı ilə birlikdə yaşayır və heç yerdə işləmir. Uşağın atası Mirzə Əliyevdən, həmçinin uşağın babası uşağın saxlanması üçün iddiaçıya maddi yardım göstərmirlər. Məhkəmə tərəfindən qət olunmuş alimenti Mirzə Əliyev ödəmir, qaçıb gizləndiyinə görə barəsində axtarış işi açılmışdır. Məhkəmə hesab edir ki, azyaşlı uşağın saxlanması üçün cavabdehlərdən alimentin tutulması sabit pul məbləğində müəyyən edilməlidir. Lakin iddiaçının tələb etdiyi məbləğ cavabehlər üçün çoxluq təşkil edir. Çünki onlar heç yerdə işləmir, pensiya alırlar. İddiaçı onların başqa qazanclarının olmasına dair məhkəməyə sübut təqdim etməmişdir. Azərbaycan Respublikası MPM-nin 14.2-ci maddəsinin tələbinə görə məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. Azərbaycan Respublikası MPM-nin 77-ci maddəsinin tələbinə görə «hər bir tərəf öz tələblərinin əsası kimi istinad etdiyi halları sübut etməlidir.» Beləliklə məhkəmə İddiaçı yanında qalan bir nəfər azyaşlı uşağın əvvəlki təminat səviyyəsini, iddiaçının özünün uşağın tərbiyəsi ilə məşğul olmaqla bağlı heç yerdə işləməməsini və cavabdehin maddi imkanın nəzərə almaqla hər ay 21 mart 2009-ci ildə anadan olmuş Cavabdeh Mirzə oğlunun yetkinlik yaşına çatana kimi saxlanılması üçün Cavabdeh 100 (bir yüz) manat sabit pul məbləğində aliment alınaraq İddiaçı verilməsini qanunamüvafiq hesab edir. Azərbaycan Respublikası Ailə Məcəlləsinin 100.2-ci maddəsinə görə aliment məhkəməyə müraciət edildiyi vaxtdan tutulur. İş materiallarından görünür ki, iddiaçı hazırkı tələblə 10 may 2023-ci il tarixdə məhkəməyə müraciət etmişdir. Ona görə də cavabdehdən tutulan aliment iddiaçının məhkəməyə ərizə ilə müraciət etdiyi vaxtdan, yəni 10 may 2023-ci il tarixdən hesablanmalıdır. Göstərilənlərə əsasən və Azərbaycan Respublikası MPM-nin 212-220, 227, 233.1 və 234-cü maddələrini rəhbər tutaraq məhkəmə QƏTETDİ: İddia qismən təmin edilsin. 21 mart 2009-cu ildə anadan olmuş Cavabdeh Mirzə oğlunun yetkinlik yaşına çatana kimi saxlanılması üçün Cavabdeh 100 (yüz) manat manat sabit pul məbləğində aliment alınaraq Beyləqan rayon Əlinəzərli kəndində qeydiyyatda olan və yaşayan İddiaçı verilsin. Alimentin tutulmasının başlanğıcı 10 may 2023-cü il tarixdən hesablansın. Qətnamə alimentin tutulmasına dair hissədə dərhal icra edilsin. Qətnamədən tərəflər onun surətni rəsmi qaydada aldıqları gündən 1(bir) ay müddətində Beyləqan rayon məhkəməsi vasitəsilə Şirvan Apellyasiya Məhkəməsinin Mülki Kollegiyasına apellyasiya şikayəti verilə bilər. Qətnamədən göstərilən müddət ərizində apellyasiya şikayəti verilmədikdə qətnamə həmin müddət bitdikdən sonrakı gün qanuni qüvvəyə minir. Hakim: Seyfəli Seyfullayev