Bərdə Rayon Məhkəməsi Qərardad — İş №2(021)-1066/2025

Azərbaycan Respublikası adından QƏRARDAD Bərdə rayonu İş № 2(021)-1066/2025 14.01.2025 BƏRDƏ RAYON MƏHKƏMƏSİ Hаkim Babaşov Fuad Bəhruz oğlu, İddiaçı cavabdehlər X2-Xidmət Mərkəzi və "xxxx" Açıq Səhmdar Cəmiyyətinə qarşı “X2 Xidmət Mərkəzində Notariat Konturunun 8İ-25098 nömrəli, xx.xx.2024-cü il tarixli icra sənədinin ləğv edilməsi” tələbinə dair iddia ərizəsinə və ona əlavə edilmiş sənədlərə baxaraq, məhkəmə M Ü Ə Y Y Ə N E T D İ: İddiaçı cavabdehlər X2-Xidmət Mərkəzi və "xxxx" Açıq Səhmdar Cəmiyyətinə qarşı iddia ərizəsi ilə məhkəməyə müraciət edərək “X2 Xidmət Mərkəzində Notariat Konturunun 8İ-25098 nömrəli, xx.xx.2024-cü il tarixli icra sənədinin ləğv edilməsi və məhkəmədə iddia icraatı qaydasında baxılması barədə qərar qəbul edilməsini xahiş etmişdir. Məhkəmə ərizəni və ona əlavə edilmiş sənədləri nəzərdən keçirib belə hesab edir ki, aşağıda göstərilənlərə əsasən ərizə geri qaytarılmalıdır. iş materiallarında ərizəçi tərəfindən dövlət rüsumunun ödənilməsini təsdiq edən və ya ərizəçinin dövlət rüsumunun ödənilməsindən azad edilən kateqoriyaya aid olan şəxs olmasını göstərən sənəd mövcud deyildir. Belə olan halda iddia ərizəsi geri qaytarılmalıdır. Hazırki ərizə qiymətləndirilməyən iddia ərizəsi olduğundan 100 manat dövlət rüsumunun ödənilməsi tələb olunur. Yalnız dövlət rüsumu ödənildikdən və bu haqda sənəd iş materiallarına əlavə edildikdən sonra hazırki ərizəyə baxıla bilər. Belə ki, Azərbaycan Respublikası Mülki Prosessual Məcəlləsinin (bundan sonra MPM) 150.0.2-ci maddəsinə əsasən dövlət rüsumunun ödənilməsi haqqında sənəd iddia ərizəsinə əlavə edilir. MPM-in 152.1.5-ci maddəsinə əsasən müəyyən edilmiş qaydada və məbləğdə dövlət rüsumunun ödənilməsini təsdiq edən sənəd təqdim edilmədikdə hakim iddia ərizəsini və ona əlavə edilmiş sənədləri geri qaytarır. Məhkəmə xatırladır ki, “X1” Azərbaycan Respublikası Qanunun 1-ci maddəsinə əsasən dövlət rüsumu dövlət orqanlarının müəssisə, təşkilat və fiziki şəxslərə göstərdikləri xidmətlərə və hüquqi hərəkətlərə görə dövlət büdcəsinə ödənilən məcburi ödənişdir. Həmin qanunun 8.2-ci bəndinə əsasən qiymətləndirilməyən iddia ərizəsinin, məhkəmə əmri haqqında ərizənin, xüsusi icraat qaydasında baxılan iş üzrə ərizənin verilməsinə görə 100 manat dövlət rüsumu ödənilir. MPM-in 152.2-ci maddəsinə əsasən, iddia ərizəsinin qaytarılması haqqında hakim qərardad çıxarır. MPM-in 152.4-cü maddəsinə əsasən, iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. İddiaçı cavabdehlər X2-Xidmət Mərkəzi və "xxxx" Açıq Səhmdar Cəmiyyətinə qarşı “X2 Xidmət Mərkəzində Notariat Konturunun 8İ-25098 nömrəli, xx.xx.2024-cü il tarixli icra sənədinin ləğv edilməsi” tələbinə dair iddia ərizəsi və ona əlavə edilmiş sənədlər ərizəçiyə geri qaytarılmalıdır. Şərh olunanlara əsasən və MPM-in 149-152-ci maddələrini rəhbər tutaraq, məhkəmə QƏRARA ALDİ: İddiaçı cavabdehlər X2-Xidmət Mərkəzi və "xxxx" Açıq Səhmdar Cəmiyyətinə qarşı “X2 Xidmət Mərkəzində Notariat Konturunun 8İ-25098 nömrəli, xx.xx.2024-cü il tarixli icra sənədinin ləğv edilməsi” tələbinə dair iddia ərizəsi və ona əlavə edilmiş sənədlər iddiaçıya geri qaytarılsın. İddiaçıyə izah edilsin ki, ərizənin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Qərardaddan rəsmi qaydada verildikdən sonra 10 gün müddətinə yazılı şəkildə qərardadı qəbul edən məhkəməyə şikayət verilə bilər. Hаkim:Fuad Babaşov