Bərdə Rayon Məhkəməsi Qərardad — İş №2(021)-2956/2025

Azərbaycan Respublikası adından QƏRARDAD Bərdə rayonu İş № 2(021)-2956/2025 10.07.2025 BƏRDƏ RAYON MƏHKƏMƏSİ Mən, Bərdə Rayon Məhkəməsinin hakimi Abdullayev Ziya Yaşar oğlu, İddiaçı Amrahbank ASC-yə qarşı “müqavilənin ləğvi” tələbinə dair iddia ərizəsini nəzərdən keçirib, məhkəmə M Ü Ə Y Y Ə N E T D İ: İddiaçı ərizə ilə məhkəməyə müraciət edərək, məhkəmədən Amrahbank ASC-nin Bərdə filialı ilə Hacıyev Niyaməddin Qəzənfər oğlunun kredit öhdəliyinin təmin edilməsi üçün aralarında bağlanmış xx.xx.2014-cü il tarixli, 4239 saylı zaminlik müqaviləsi üzrə onun zaminlik öhdəliyindən çıxarılması barədə qətnamə çıxarılmasını xahiş etmişdir. Ərizəni və ona əlavə edilmiş sənədləri nəzərdən keçirib belə hesab edirəm ki, aşağıda göstərilənlərə əsasən ərizə geri qaytarılmalıdır. Belə ki, Azərbaycan Respublikasının Mülki Prosessual Məcəlləsinin 150.0 və 150.0.2ci maddələrinə əsasən ərizəsinə dövlət rüsumunun ödənilməsi haqqında sənəd əlavə edilir. İddiaçı qeyd olunan maddələrin tələblərinə əməl etməyərək, iddia tələbi üzrə müəyyən olunmuş qiymətləndirilməyən iddia üzrə rüsumunun ödənilməsi barədə qəbzi iş materiallarına əlavə etməmiş, MPM-nin 152.1.5-ci maddəsinin tələbini pozmuşdur. Bundan başqa, iddiaçı dövlət rüsumunun ödənilməsindən azad olmaya dair hər hansı sənəd əlavə etməmişdir. Azərbaycan Respublikasının Mülki Prosessual Məcəlləsinin 152.1, 152.1.5 və 152.1.7-ci maddələrinə əsasən iddia ərizəsinə müəyyən edilmiş qaydada və məbləğdə dövlət rüsumunun ödənilməsini təsdiq edən sənəd əlavə edilmədikdə məhkəmə iddia ərizəsini və ona əlavə edilmiş sənədləri geri qaytarır. Bu Məcəllənin 152.2-ci maddəsinə əsasən iddia ərizəsinin qaytarılması haqqında hakim qərardad çıxarır. Göstərilən Məcəllənin 152.3-cü maddəsinə əsasən iddia ərizəsinin qaytarılması haqqında qərardaddan şikayət verilə bilər. Qərardad ləğv edildikdə, iddia ərizəsi məhkəməyə müraciət edildiyi gündən verilmiş hesab edilir. Göstərilən maddələrin tələblərinə əsasən, İddiaçı Amrahbank ASC-yə qarşı “müqavilənin ləğvi” tələbinə dair ərizəsi geri qaytarılmalıdır. Şərh olunanlara əsasən Azərbaycan Respublikasının Mülki Prosessual Məcəlləsinin 149-152-ci maddələrini rəhbər tutaraq QƏRARVERDİM: İddiaçı Amrahbank ASC-yə qarşı “müqavilənin ləğvi” tələbinə dair ərizəsi geri qaytarılsın. Qərardaddan 10 gün müddətinə yazılı şəkildə qərardadı qəbul edən məhkəməyə şikayət verilə bilər. Hakim: Ziya Abdullayev