Bərdə Rayon Məhkəməsi Qərardad — İş №2(021)-547/2022

Azərbaycan Respublikası adından QƏRARDAD Bərdə rayonu İş № 2(021)-547/2022 15.02.2022 BƏRDƏ RAYON MƏHKƏMƏSİ Məhkəmənin hakimi Məhərrəm Ələkbə oğlu Allahverdiyevin sədrliyi Hətəm Şahmar oğlu Hətəmxanlının katibliyi İddiaçı nümayəndəsi (vəkili) Xanım Yusf qızı İsayevanın iştirakı ilə İddiaçı Cavabdeh qarşı torpağın naturada ayrılması və torpaqdan çıxarılma tələbinə dair mülki işə açıq məhkəmə iclasında baxaraq MÜƏYYƏN ETDİ: İddiaçı məhkəməyə iddia ərizəsi ilə müraciət edərək, 31 avqust 2017-ci il tarixdə **********8 nömrə ilə qeydə alınmış çıxarış əsasında olan, Bərdə rayonu Mollalı kəndində yerləşən 1,86 ha torpaq sahəsindən mərhum həyat yoldaşı X1, övladının və onun payının ayrılıb naturada tanınmasına və icarə əsasında verilmiş torpaqdan cavabdeh Bərdə rayonu Mollalı kənd sakini Cavabdeh çıxarılmasına dair qətnamə çıxarılmasını xahiş etmişdir. İddiaçı nümayəndəsi (vəkili) X2 məhkəməyə ərizə təqdim edərək ərizəsində uyğunsuzluq olduğundan məhkəmə hazırlıq iclasından sənədlərinin özünə geri qaytarılmasını xahiş etmişdir. Cavabdeh məhkəmə iclasının vaxtı və yeri barədə qanunla müəyyən edilmiş qaydada məlumat verilsə də məhkəmə iclasına gəlməmişdir. Məhkəmə işə cavabdehin iştirakı olmadan baxılmasını mümkün saymışdır. Məhkəmə mülki işin materiallarını nəzərədən keçirib, İddiaçı nümayəndəsinin (vəkilinin) ərizəsini müzakirə edib, hesab edir ki, ərizə Azərbaycan Respublikası MPM-nin 170.1-ci maddəsinin tələbinə əsasən ərizəçiyə qaytarılmalıdır. Azərbaycan Respublikası MPM-nin 170.1-ci maddəsində qeyd edilmişdir ki, bu Məcəllənin 254, 255, 261.0.1-261.0.3 və 261.0.6-261-0.8-ci maddələrində göstərilən əsaslar olduqda, məhkəmə baxışına hazırlığın icraatı dayandırıla və ya xitam verilə bilər, yaxud iddiaçının vəsatəti ilə ərizə qaytarıla bilər. Şərh olunanlara əsasən və Azərbaycan Respublikası MPM-nin 170.1, 263-264, 267-ci maddələrini rəhbər tutaraq, məhkəmə QƏRARA ALDİ: İddiaçı Cavabdeh qarşı torpağın naturada ayrılması və torpaqdan çıxarılma tələbinə dair vermiş olduğu iddia ərizəsi İddiaçı qaytarılsın. Qərardaddan 10 (on) gün müddətində Bərdə Rayon Məhkəməsinə şikayət verilə bilər.