Biləsuvar Rayon Məhkəməsi Məhkəmə əmri — İş №2(022)-914/2025

Azərbaycan Respublikası adından MƏHKƏMƏ ƏMRİ Biləsuvar rayonu İş № 2(022)-914/2025 24.04.2025 BİLƏSUVAR RAYON MƏHKƏMƏSİ Hakim Rəsulova Mədinə Camal qızı, Kreditor X3 (Biləsuvar şəhəri, 1 May küçəsi, ev 14B) Borclu (Biləsuvar rayonu, Çaylı kəndi) qarşı “pul tələbi” barədə məhkəmə əmrinin verilməsinə dair ərizəsini və ərizəyə əlavə olunmuş sənədləri nəzərdən keçirərək, MÜƏYYƏN ETDİ: Kreditor X1 Rayon Məhkəməsinə ərizə ilə müraciət edərək, Borclu 10 fevral 2023-cü il tarixli, YK0002836 saylı nisyə alqı-satqı müqaviləsinə əsasən 925 (doqquz yüz iyirmi beş) manat məbləğində əsas borcun, 92 (doxsan iki) manat məbləğində cərimə borcunun və 100 (yüz) manat məbləğində dövlət rüsumunun, cəmi 1117 (min yüz on yeddi) manat pulun tutularaq kreditor X4 ödənilməsinə dair məhkəmə əmrinin çıxarılmasını xahiş etmişdir. İş materiallarına əlavə edilmiş sənədlər: 10 fevral 2023-cü il tarixli, YK0002836 saylı nisyə alqı-satqı müqaviləsinə və ona əlavə edilmiş ödəniş cədvəlinə əsasən Borclu kreditor X2 “Samsung” markalı televizor almışdır. Borclu 15 ay müddətinə hər ay 102 manat pulu ödəməyi öz öhdəsinə götürmüşdür. Toplam məbləğ (ilkin ödəniş daxil olmaqla) 1630 (min altı yüz otuz) manat məbləğindədir. 10 fevral 2023-cü il tarixli bildirişə əsasən, 10 fevral 2023-cü il tarixli, YK0002836 saylı müqavilənin bütün şərtləri qəbul edilmiş, müştəri öz imzası ilə bildirişi oxumuş və məzmunu ilə tanış olmuş, bunu öz imzası ilə təsdiq etmişdir. Tətbiq edilən hüquq: Azərbaycan Respublikasının Mülki Məcəlləsinin: 385.1-ci maddəsinə görə öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkətləri etməlidir, məsələn, pul ödəməli, əmlak verməli, iş görməli, xidmətlər göstərməli və i.a. və ya müəyyən hərəkətdən çəkinməlidir, kreditorun isə borcludan vəzifəsinin icrasını tələb etmək hüququ vardır; 427.3-ci maddəsinə əsasən əgər öhdəlik onun icrası gününü və ya icra edilməli olduğu vaxt dövrünü nəzərdə tutursa və ya müəyyənləşdirməyə imkan verirsə, öhdəlik həmin gün və ya bu cür dövr ərzində istənilən an icra edilməlidir və həmin Məcəllənin 448.2-ci maddəsinə əsasən borclu öz öhdəliklərinin hər bir təqsirli pozuntusu üçün məsuliyyət daşıyır; 442-ci maddəsinə görə öhdəliyin icra edilməməsi dedikdə onun pozulması və ya lazımınca icra edilməməsi (vaxtında icra edilməməsi, mallarda, işlərdə və xidmətlərdə qüsurlarla və ya öhdəliyin məzmunun ilə müəyyənləşdirilmiş digər şərtləri pozmaqla icra edilməsi) başa düşülür; 443.1 maddəsinə görə öhdəliyini icra etməyən borclu kreditora dəymiş zərərin əvəzini ödəməyə borcludur; 445.1-ci maddəsinə görə icranı gecikdirmiş borclu gecikdirmə nəticəsində vurduğu zərər üçün kreditor qarşısında məsuliyyət daşıyır. Həmin Məcəllənin 445.2.1-ci maddəsinə görə öhdəliyin onun icrası üçün müəyyənləşdirilmiş müddətdə icra edilməməsi borclunun icranı gecikdirməsi sayılır; 448.1-ci maddəsinə əsasən əgər bu Məcəllə ilə və müqavilə ilə ayrı qayda müəyyənləşdirilməyibsə, borclu onun risk dairəsinə daxil olan öhdəliklərin icra edilmədiyi bütün hallar üçün cavabdehdir; 462.1-ci maddəsinə əsasən dəbbə pulu (cərimə, penya) müqavilə ilə müəyyənləşdirilən, öhdəliyin icra edilmədiyi və ya lazımınca icra edilmədiyi, o cümlədən icranın gecikdirildiyi halda borclunun kreditora ödəməli olduğu pul məbləğidir. Azərbaycan Respublikasının Mülki-Prosessual Məcəlləsinin: 275.1-ci maddəsinə əsasən, müəyyən pul məbləğinin ödənilməsi tələbləri və ya əmlakın tələb edilməsi üzrə işlərə baxılmasının bu fəslə uyğun olaraq sadələşdirilmiş qaydasına yol verilir; 276.1-ci maddəsinə əsasən kreditorun tələbi aşkardırsa və ya həmin tələb borclunun mübahisə edilməyən vəzifəsinə əsaslanırsa, bu hallarda məhkəmə əmri verilə bilər; 276.2.2-ci maddəsinə əsasən tələb sadə yazılı formada bağlanmış əqdə əsaslanırsa, məhkəmə əmri verilə bilər; 280-ci maddəsinə əsasən məhkəmə əmri, irəli sürülmüş tələb məhkəməyə daxil olan gündən 3 gün ərzində, məhkəmə baxışı keçirilmədən və izahatları dinlənilmək üçün tərəflər çağırılmadan çıxarılır; 282-ci maddəsinə əsasən borclu məhkəmə əmrini aldığı gündən 10 gün müddətində verilmiş tələbə və ya onun hissəsinə qarşı əmri vermiş məhkəməni yazılı xəbərdar etməklə etiraz edə bilər. Məhkəmənin mövqeyi: Məhkəmə hesab edir ki, kreditor X3 ərizəsi əsaslıdır və təmin olunmalıdır. Belə ki, kreditor X6 tərəfindən məhkəməyə təqdim edilmiş məhkəmə əmrinin verilməsinə dair ərizəsindən və ona əlavə edilmiş sənədlərdən görünür ki, Borclu ilə kreditor X6 arasında bağlanmış 10 fevral 2023-cü-cü il tarixli nisyə alqı-satqı müqaviləsinə əsasən kreditor X6 ümumi dəyəri 1530 manat olan “Samsung” markalı televizoru 100 manat ilkin ödəniş ödənildikdən sonra, 12 ay müddətində hissə-hissə ödəmək şərtilə borcluya satmışdır. Lakin borclu aldığı məhsula görə cəmi 605 manat məbləğində ödəniş etsə də, ödənişlərin ödənilməsi üçün müəyyən edilmiş müddətin keçməsinə baxmayaraq, hazırda 925 manat təşkil edən qalıq borcunu ödəməmişdir. Tərəflər arasında bağlanmış müqavilənin 3.1.5-ci bəndinə əsasən cədvəldə göstərilən müddətdə malın pulu ödənilmədikdə mal alan hər gecikdirlmiş gün üçün malın dəyərinin 2 faiz miqdarında cərimə ödəməlidir. Nəticədə borclunun kreditora 925 manat məbləğində qalıq borcu, 92 manat isə cərimə borcu yaranmışdır. Beləliklə, məhkəməyə təqdim edilmiş məhkəmə əmrinin verilməsinə dair ərizədən və əlavə edilən sənədlərdən görünür ki, borclu müqavilənin şərtlərini pozaraq ödəniş cədvəli üzrə yuxarıda göstərilən borcun ödənilməsini təmin etməmiş və bununla da üzərinə düşən öhdəliyi yerinə yetirməmişdir. Belə olan halda məhkəmə hesab edir ki, Azərbaycan Respublikasının Mülki- Prosessual Məcəlləsinin 276-cı maddəsinə əsasən məhkəmə əmri verilə bilər. Belə ki, ərizədən və əlavə olunan sənədlərdən görünür ki, kreditor X3 borcun qaytarılması tələbi aşkardır. Həmin tələb borclunun mübahisə edilməyən vəzifəsinə və sadə yazılı formada bağlanmış əqdə əsaslanır. Məhkəmə xərcləri: Məhkəmə hesab edir ki, kreditorun məhkəməyə ərizə verərkən dövlət rüsumu kimi ödədiyi 100 manat məbləğində pul vəsaiti də borcludan kreditorun xeyrinə tutulmalıdır. Belə ki, Azərbaycan Respublikasının Mülki-Prosessual Məcəlləsinin: 107-ci maddəsinə əsasən məhkəmə xərcləri dövlət rüsumundan və işə baxılması ilə əlaqədar olan məsrəflərdən ibarətdir; 119.1-ci maddəsinə əsasən məhkəmə xərcləri ödənilmiş tələblərin məbləğinə mütənasib olaraq işdə iştirak edən şəxslərə aid edilir. Yuxarıda göstərilənlərə əsaslanaraq və Azərbaycan Respublikasının Mülki- Prosessual Məcəlləsinin 275, 276, 280-282. və 284-cü maddələrini rəhbər tutaraq, məhkəmə, ƏMR ETDİ: Biləsuvar rayonu, Çaylı kəndində qeydiyyatda olan, 26 avqust 2000-ci il tarixdə Biləsuvar rayonu, Çaylı kəndində doğulmuş Borclu kreditor X3 xeyrinə 10 fevral 2023-cü il tarixli YK0002836 saylı nisyə alqı-satqı müqaviləsinə əsasən 925 (doqquz yüz iyirmi beş) manat məbləğində əsas borcun, 92 (doxsan iki) manat məbləğində cərimə borcunun və 100 (yüz) manat məbləğində dövlət rüsumunun, cəmi 1117 (min yüz on yeddi) manat məbləğində pul vəsaiti tutulsun. Borclu məhkəmə əmrini aldığı gündən 10 gün müddətində verilmiş tələbə və ya onun hissəsinə qarşı Biləsuvar Rayon Məhkəməsini yazılı xəbərdar etməklə etiraz edə bilər. Məhkəmə əmri qətnamə qüvvəsinə malikdir. Məhkəmə əmrindən şikayət verilə bilməz. Məhkəmə əmri icra sənədi hesab edilir. HAKİM: Mədinə Rəsulova