Qax Rayon Məhkəməsi Məhkəmə əmri — İş №2(024)-158/2023

Azərbaycan Respublikası adından MƏHKƏMƏ ƏMRİ Qax rayonu İş № 2(024)-158/2023 17.01.2023 QAX RAYON MƏHKƏMƏSİ Hakim Qarayev Malik İbrəhim oğlu. Kreditor Borclu Niyazi oğluna qarşı “məhkəmə əmrinin çıxarılmasına dair” ərizəsini və ərizəyə əlavə edilmiş sənədləri nəzərdən keçirib, MÜƏYYƏN ETDİM: Kreditorun məhkəmə əmrinin verilməsinə dair məhkəməyə təqdim etdiyi ərizədən və ərizəyə əlavə edilmiş sənədlərdən görünür ki, borclu Osmanov X1 (Rabitel) ilə 08 oktyabr 2021-ci il tarixli müqaviləsinə əsasən Samsung A12 (64 gb) markalı mobil telefon almışdır. Mobil telefonun qiyməti 390(üç yüz doxsan) manat olmuş, lakin ilkin ödəniş kimi Borclu Niyazi oğlu 50(əlli) manat ödəniş etmişdir. Alıcı ilə yerdə qalan 340(üç yüz qırx) manat pulu 07 ay müddətinə hissə-hissə hər ay 48.57(qırx səkkiz manat əlli yeddi qəpik) manat ödəmək şərti ilə 08 oktyabr 2021-ci il tarixdə 6533 nömrəli müqavilə bağlanmışdır. Ödəniş cədvəlinin 2-ci bəndinə görə Borclu Niyazi oğlu ödənişləri gecikdirdikdə hər gecikdirilmiş gün üçün ödəniş məbləğinin 1% həcmində cərimə faizi hesablanır. Borclu Niyazi oğluna ödəniş cədvəli təqdim edilsə də, heç bir ödəniş etməmişdir. Bununla bağlı dəfələrlə xəbərdarlıq edilmiş və ünvanına bildiriş göndərilmişdir. Lakin Borclu Niyazi oğlu müqavilənin şərtlətini pozmuş və nəticədə alqısatqı müqaviləsinə əsasən 15 iyun 2022-ci il tarixə 350(üç yüz əlli) manat əsas borc və 71(yetmiş bir) manat faiz borcu hesablanmışdır. Azərbaycan Respublikası Mülki Məcəlləsinin 600.1-ci maddəsinə görə alqı-satqı müqaviləsində əşyanın alıcıya verildikdən müəyyən müddət sonra ödənilməsinin (əşyaların nisyə satışının) nəzərdə tutulduğu halda alıcı ödənişi müqavilədə nəzərdə tutulan müddətdə, müqavilədə belə müddət nəzərdə tutulmadıqda isə bu Məcəllənin 427-ci maddəsinə uyğun müəyyənləşdirilmiş müddətdə həyata keçirməlidir. Azərbaycan Respublikası Mülki-Prosessual Məcəlləsinin 275.1-ci maddəsinə əsasən müəyyən pul məbləğinin ödənilməsi tələbləri və ya əmlakın tələb edilməsi üzrə işlərə baxılmasının sadələşdirilmiş qaydasına yol verilir. Həmin Məcəllənin 275.2-ci maddəsinə əsasən bu işlər üzrə hakimin aktı məhkəmə əmri formasında çıxarılır və bu akt icra sənədi hesab edilir. Həmin Məcəllənin 276-cı maddəsinə əsasən kreditorun tələbi aşkardırsa və ya həmin tələb borclunun mübahisə edilməyən vəzifəsinə əsaslanırsa, bu hallarda məhkəmə əmri verilə bilər. Həmin Məcəllənin 280-ci maddəsinə əsasən məhkəmə əmri irəli sürülmüş tələb məhkəməyə daxil olan gündən 3(üç) gün ərzində, məhkəmə baxışı keçirilmədən və izahatları dinlənilmək üçün tərəflər çağırılmadan çıxarılır. Göstərilənləri nəzərə alaraq, məhkəmədən xahiş edir, Borclu Niyazi oğlundan kreditor Rabitel (Narmobile) Kreditor xeyrinə 08 oktyabr 2021-ci tarixli müqavilə üzrə Samsung A12 (64 gb) markalı telefon üçün 350(üç yüz əlli) manat əsas borc və 71(yetmiş bir) faiz borcu, ümumilikdə 421(dörd yüz iyirmi bir) manat və 30(otuz) manat məbləğində ödənilmiş dövlət rüsumunun tutulması barədə məhkəmə əmri çıxarılsın. Yuxarıdakılara əsasən və Azərbaycan Respublikası Mülki Məcəlləsinin 442, 443, 445, 448, 449, 453, 460, 465.2, 275-280-ci maddələrini rəhbər tutaraq, ƏMR ETDİM: xx.xx.1979-cu ildə Qax şəhərində doğulmuş, Qax şəhəri, H.Əliyev Pr 346 ünvanında pasport qeydiyyatında olan Borclu Niyazi oğlundan kreditor Rabitel (Narmobile) Kreditor xeyrinə 08 oktyabr 2021-ci tarixli müqavilə üzrə Samsung A12 (64 gb) markalı telefon üçün 350(üç yüz əlli) manat əsas borc və 71(yetmiş bir) faiz borcu, ümumilikdə 421(dörd yüz iyirmi bir) manat və 30(otuz) manat məbləğində ödənilmiş dövlət rüsumu alınaraq kreditor Rabitel (Narmobile) Kreditor verilsin. Borclu məhkəmə əmrinin surətini aldığı gündən 10 gün müddətində verilmiş tələbə və ya onun hissəsinə qarşı əmr vermiş məhkəməni yazılı xəbərdarlıq etməklə etiraz edə bilər. Məhkəmə əmri qətnamə qüvvəsinə malikdir. Məhkəmə əmrindən şikayət verilə bilməz. Hakim: Malik Qarayev