Qəbələ Rayon Məhkəməsi Qərardad — İş №2(025)-987/2025

Azərbaycan Respublikası adından QƏRARDAD Qəbələ şəhəri İş № 2(025)-987/2025 11.08.2025 QƏBƏLƏ RAYON MƏHKƏMƏSİ Qəbələ Rayon Məhkəməsinin hakimi X4 və Məmmədova Gülanə Elmdar qızının katibliyi ilə, İddiaçı Cavabdeh qarşı “aliment” tələbi barədə iddiasına dair mülki işə baxaraq M Ü Ə Y Y Ə N E T D İ: İddiaçı Cavabdeh qarşı “aliment” tələbinə dair iddia ərizəsi ilə məhkəməyə müraciət edərək, birgə nikahdan doğulmuş 14 iyun 2023-cü il təvəllüdlü X2 və 27 may 2014-cü il təvəllüdlü X1 yetkinlik yaşına çatanadək saxlanılmasından ötrü hər bir uşaq üçün 246 (iki yüz qırx altı) manat olmaqla, cəmi 492 (dörd yüz doxsan iki) manat sabit pul məbləğində aliment tutulması barədə qətnamə çıxarılmasını xahiş etmişdir. İş üzrə baxış iclası 01 avqust 2025-ci il tarixə, saat 10:00-a təyin olunaraq işdə iştirak edən şəxslərə məhkəmə iclasının vaxtı və yeri barədə məlumat verilmiş, tərəflər gəlmədiyindən baxış iclası 11 avqust 2025-ci il tarixə, saat 10:30-a təxirə alınmış, lakin eyni səbəbdən keçirilməsi baş tutmamışdır. AR MPM-nin 185.1-ci maddəsinə əsasən işdə iştirak edən şəxslər məhkəməyə gəlməyə və ya gəlməməyin səbəbini və ya mümkünsüzlüyünü bildirməyə və bu səbəblərin üzürlü olması barədə sübutlar təqdim etməyə borcludurlar. Həmin Məcəllənin 259.0.6-cı maddəsinə əsasən işə onların iştirakı olmadan baxmağı xahiş etməmiş tərəflər məhkəməyə gəlmədikdə iddia ərizəsi baxılmamış saxlanılır. Məhkəmə hesab edir ki, tərəflərin iştirakı olmadan işin baxılması mümkün olmadığından İddiaçı Cavabdeh qarşı “aliment” tələbinə dair iddia ərizəsi baxılmamış saxlanılmalıdır. Qeyd olunanlara əsasən və Azərbaycan Respublikasının Mülki Prosessual Məcəlləsinin 259.0.6, 260, 263-264, 266-268-ci maddələrini rəhbər tutaraq məhkəmə Q Ə R A R A A L D İ: İddiaçı Cavabdeh qarşı “aliment” tələbinə dair iddia ərizəsi baxılmamış saxlanılsın. Qərardadın surəti təqdim edildiyi və ya alındığı gündən 10 gün müddətində Qəbələ Rayon Məhkəməsinə şikayət verilə bilər. Hakim: Ülvi Qənbərov.