Quba Rayon Məhkəməsi Qətnamə — İş №2(027)-1898/2025

Azərbaycan Respublikası adından QƏTNAMƏ Quba şəhəri İş № 2(027)-1898/2025 09.10.2025 QUBA RAYON MƏHKƏMƏSİ Hakim Məmmədov Samir Əlibala oğlunun sədrliyi Muradov Əli Şakir oğlunun katibliyi ilə İddiaçı ilə İddiaçı Cavabdeh-nə qarşı “əməkhaqqı pulu” tələbinə dair iddia ərizəsi üzrə mülki işə açıq məhkəmə iclasında baxaraq, MÜƏYYƏN ETDİ: İddiaçı Cavabdeh-nə qarşı “əməkhaqqı pulu” tələbinə dair iddia ərizəsi ilə məhkəməyə müraciət edərək, Cavabdeh-nin ona borclu olduğu 5500 (beş min) manat əmək haqqının və 60 (altmış) manat məbləğində ödənilmiş dövlət rüsumunun alınaraq ona verilməsi barədə qətnamə çıxarılmasını məhkəmədən xahiş etmişdir. İddiaçı iddiasını onunla əsaslandırmışdır ki, o, cavabdeh təşkilatda suvarma operatoru vəzifəsində çalışmış və aylıq 400-550 manat əmək haqqı almışdır. 2023-cü ilin əvvəlindən başlayaraq, işdən çıxana qədər dövrdə son 10 ayın əmək haqqını almamışdır. 2024-cü ildə MMC-nin sahibi İsaməddin Dəmirov, şirkətin səhmlərini satdıqdan sonra, MMC tərəfindən ona ödəməli olduğu ümümilikdə 5500 manat əməkhaqqı pulunu verilməmişdir. Onda olan məlumata görə, həmin MMC digər şəxsə satılmışdır. Bundan sonra dəfələrlə "xxxx" MMC-nin əvvəlki və indiki rəhbərliyinə rəsmi və şifahi müraciət edərək ona ödəməli son 10 ayın əmək haqqı ödənilmədiyini bildirmişdir. "xxxx" MMC-nin sabiq direktoru Famil Yaqubov, şirkət təzə atılan dövrlərdə bildirmişdir ki, alqı-satqının haqq-hesabı onlara çatdıqdan sonra, digər borclu qaldıqları işçilər kimi, onun da borcunu ödəyəcəklərini və müəssisənin rəhbəri X4 yaxın vaxtlarda onun əməkhaqqımı ödəyəcyinə söz vermişdir. Lakin onun dəfələrlə etdiyim müraciətlərə baxmayaraq cavabdeh bu günə kimi əməkhaqqımı ödəməmişdir. Məhkəmə iclasında İddiaçı iddianı müdafiə edərək bildirdi ki, əvvəl amək haqqını əlbələl almış, sonra əmək haqqının ödənilməsi kart üzərindən həyata keçirilmişdir. Əvvəl əmək haqqısı 450 (dörd yüz əlli) manat olmuş, sonra 550 (beş yüz əlli) manat müəyyən edilmişdir. Ona son 10 ayın əməkhaqqısı olan 5500 (beş min) manat ödənilməmişdir. Bununla bağlı dəfələrlə Cavabdehnin sabiq direktoru Fazil Yaqubova müarciət etmiş, sonuncu isə ödənilməmiş əməkhaqqının tələbi ilə bağlı MMC-nin sahibi İsaməddin Dəmirova müraciət etməsini demişdir. Bugünədək ödənilməmiş əməkhaqqını ala bilmir. Göstərilənləri nəzərə alaraq, iddianın təmin olunmasını xahiş edir. Cavabdeh məhkəmə iclasının vaxtı və yeri barədə lazımi qaydada xəbərdar edilməsinə baxmayaraq, cavabdehin nümayəndəsi məhkəmə iclaslarına gəlməmiş və gəlməməsinin səbəbi barədə məhkəməyə məlumat verməmişdir. Məhkəmə Azərbaycan Respublikası Mülki Prosessual Məcəlləsinin 185.5-ci maddəsinə əsasən işə cavabdehin iştirakı olmadan baxılmasını mümkün hesab etmişdir. Məhkəmə iddiaçının izahatını dinləyib, iş materiallarını araşdırıb, toplanmış və məhkəmə iclasında araşdırılmış sübutlara məcmu halda hüquqi qiymət verərək hesab edir ki, iddia tələbi qismən təmin edilməlidir. İş materiallarında olan və məhkəmə baxışında tədqiq olunmuş sübutlarla müəyyən olunmuşdur ki: Azərbaycan Respublikası Əmək və Əhalinin Sosial Müdafiəsi Nazirliyi yanında X5 yanında X5 Xidməti Quba-Xaçmaz Regional şöbəsinin İddiaçı ünvanladığı xx.xx.2023-cü il tarixli məktubunun surətindən və məzmunundan görünür ki, onun Cavabdeh tərəfindən əmək hüquqlarınızın pozulması ilə bağlı Azərbaycan Respublikası Əmək və Əhalinin Sosial Müdafiəsi Nazirliyinin “142” Çağrı mərkəzinə Azərbaycan Respublikası Əmək və Əhalinin Sosial Müdafiəsi Nazirliyinin yanında X5 Xidmətinə, Azərbaycan Respublikası Prezidentinin Administrasiyasına və Azərbaycan Respublikası Baş Prokurorluğuna ünvanladığı müraciətlərə X5 Xidmətininin Quba-Xaçmaz regional şöbəsində baxılmışdır. Müraciətində qeyd edilən məsələnin araşdırılması məqsədilə Cəmiyyətin Quba rayonu, Dəlləkli kəndində yerləşən ünvanına xx.xx.2023-ci il tarixli 3-17-5/2-41658/2023 nömrəli məktubla müraciət olunaraq İddiaçı aid olan sənədlərin “Vətəndaşları-ı müraciətləri haqqında” Azərbaycan Respublikası Qanununun 7.9-cu maddəsinə müvafiq olaraq təqdim edilməsi xahiş olunmuşdur. Bununla əlaqədar Cəmiyyətin direktoru DƏMX-nin Quba- Xaçmaz regional şöbəsi iiə teleron əlaqəsi saxlayaraq qeyd olunan sənədlərin ya i günlərdə şöbəyə təqdim olunacağını bildirmişdir. Lakin, Cəmiyyət tərəfindən müraciətiniz ə əiaqədar aidiyyəti sənədlər hal-hazıradək təqdim edilmədiyindən İddiaçı müraciətinin araşdırılmasını başa çatdırmaq mümkün olmamışdır. “Sahibkarlıq sahəsində aparılan yoxlamaların dayandırmas -aqqında” Azərbaycan Respublikasının Qanununa əsasən Azərbaycan Respublikasının ərazisində sahibkarlıq sahəsində aparılan yoxlamalar dayandırıldığından müraciətin yerində araşdırılması mümkün olmamışdır. Müvafiq iddia tələbi ilə bağlı məhkəməyə müraciət etmək hüququnun olması izah edilmişdir; Azərbaycan Respublikası Əmək və Əhalinin Sosial Müdafiəsi Nazirliyi yanında X5 yanında X5 Xidməti Quba-Xaçmaz Regional şöbəsinin İddiaçı ünvanladığı xx.xx.2023-cü il tarixli məktubunun surətindən və məzmunundan görünür ki, aparılan araşdırma zamanı Cavabdeh-nin işəgötürəninin xx.xx.2023-cü il tarixli 24/23 nömrəli məktubu ilə təqdim olunmuş sənədlərə əsasən məlum olmuşdur ki, İddiaçı xx.xx.2018-ci il tarixdə müddətli əmək müqaviləsi üzrə cəmiyyətin xx.xx.2018-ci il tarixli, 31/18 nömrəli əmri ilə cəmiyyətə fəhlə işinə qəbul edilmişdir. xx.xx.2023-cü il tarixdə İddiaçı ilə bağlanılmış əmək müqaviləsinə sonuncunun şəxsi ərizəsi ilə Azərbaycan Respublikasının Əmək Məcəlləsinin 68-ci maddəsinin 2-ci hissəsinin “a” bəndinə (tərəflərdən birinin təşəbbüsü) əsasən xitam verilmiş və cəmiyyət tərəfindən əmək müqavilənizə xitam verilərkən İddiaçı çatacaq son haqq-hesabı hal-hazıradək ödənilmədiyindən Əmək Məcəlləsinin 83-cü maddəsinin 2-ci hissəsinin (Əmək müqaviləsinə xitam verilməsi barədə işəgötürənin əmri (sərəncamı, qərarı) onun tərəfindən imzalanmalı və müəssisənin möhürü ilə təsdiqlənməlidir. Bu əmrin surəti, işçinin əmək kitabçası və işəgötürənin son haqq-hesabı (istifadə edilməmiş əmək məzuniyyətinə görə pul əvəzi, işçiyə ödənilməli əmək haqqı və digər ödəmələr) ilə birlikdə sonuncu iş günü işçiyə verilməlidir) və 172-ci maddəsinin 4-cü hissəsinin (İşçiyə ödənilməli son haqq-hesabı (istifadə edilməmiş əmək məzuniyyətinə görə pul əvəzi, əmək haqqı və digər ödəmələr) tam məbləğdə işdən çıxdığı gün işçiyə verilməlidir) tələbləri pozulmuşdur. Bu səbəbdən də, Cavabdeh-nin direktoru X4 barəsində İnzibati Xətalar Məcəlləsinin 192-ci maddəsinin 4-cü hissəsinə (İşçinin əmək və məzuniyyət haqlarının, ezamiyyə xərclərinin, əmək qanunvericiliyində nəzərdə tutulmuş müavinət və digər ödənişlərin hesablanmasında və ödənilməsində, riyazi hesablamalar nəticəsində yol verilən nöqsanlar istisna olmaqla, qanun pozuntularına yol verilməsinə görə) əsasən xx.xx.2023-cü il tarixdə inzibati xəta haqqında protokol tərtib edilmişdir. İddiaçı çatacaq son haqq-hesabı hesablanaraq ödənilməsinin təmin edilməsi məqsədilə cəmiyyətə xx.xx.2023-cü il tarixli, 3-17-5/2-Z-46606/3/2023 nömrəli göstəriş məktubu göndərilmişdir. Azərbaycan Respublikasının İnsan Hüquqları Üzrə Müvəkkilinin (Ombudsmanın) X1 ünvanladığı xx.xx.2025-ci il tarixli məktubunun görünür ki, İddiaçı işlədiyi "xxxx" MMC tərəfindən bir illik əmək haqqının verilməməsi, bununla bağlı X5 Xidmətinin Quba-Xaçmaz Regional şöbəsinə müraciətləri nəticəsiz qalması barədə Azərbaycan Respublikasının İnsan Hüquqları üzrə Müvəkkilinə (Ombudsmana) ünvanladığı şikayətdə əks etdirilmiş halların yoxlanılması Azərbaycan Respublikası Əmək və Əhalinin Sosial Müdafiəsi Nazirliyi yanında X5 Xidmətinə tapşırılmışdır. Cəmiyyətin rəhbərliyi tərəfindən Xidmətə təqdim edilmiş sənədlərə və Azərbaycan Respublikası Əmək və Əhalinin Sosial Müdafiəsi Nazirliyinin Mərkəzləşdirilmiş elektron informasiya sisteminin (MEİS) “Əmək və Məşğulluq” altsisteminə baxış keçirilərkən Cəmiyyətin rəhbərliyi ilə oğlunuz İddiaçı arasında 21,06.2018-ci il tarixində bağlanmış əmək müqaviləsinə xx.xx.2023-cü il tarixində Azərbaycan Respublikası Əmək Məcəlləsinin 68-ci maddəsinin 2-ci hissəsinin “a” bəndinə (tərəflərdən birinin təşəbbüsü) əsasən öz ərizəsi ilə xitam verildiyi məlum olmuşdur. Eyni zamanda Cəmiyyətin rəhbərliyi tərəfindən Xidmətə təqdim edilmiş sənədlərdən İddiaçı əmək müqaviləsinə xitam verilməsinə baxmayaraq, son haqq-hesabın verilməsində Azərbaycan Respublikası Əmək Məcəlləsinin 172-ci maddəsinin 4-cü hissəsinin tələblərinin (işçi işdən çıxarkən ona düşən bütün ödənclər tam məbləğdə işdən çıxdığı gün verilir) pozulduğu müəyyən edilmiş, bu səbəbdən Cəmiyyətin direktoru X4 barəsində Azərbaycan Respublikası İnzibati Xətalar Məcəlləsinin 192.4-cü maddəsinə əsasən inzibati tənbeh vermə haqqında qərar qəbul edilmişdir. Qeyd edilmişdir ki, oğlunuzun son haqq-hesabının hesablanıb ödənilməsi məqsədilə Cəmiyyətin rəhbərliyinə göstəriş verilmişdir. Əlavə olaraq bildirilmişdir ki, müraciətinizdə qeyd etdiyiniz məsələlərin həlli ilə əlaqədar İddiaçı məhkəməyə müraciət etmək hüququ vardır. ilkin mediasiya sessiyasında iştirak edilməməsi barədə xx.xx.2025-ci il tarixli arayışdan görünür ki, Cavabdeh mediasiya sessiyasında iştirak etməmişdir. xx.xx.2025-ci il tarixli 29615 nömrəli mədaxil qəbzindən görünür ki, İddiaçı müvafiq iddia tələbi ilə məhkəməyə müraciət etmək üçün 60 (altmış) manat məbləğində dövlət rüsumu ödəmişdir. Məhkəmə ilk növbədə iddia tələbinə mülki və mülki prosessual qanunvericiliyin tələblərinə uyğun hüquqi qiymət verilməsini zəruri hesab edir. Belə ki, Azərbaycan Respublikası Konstitusiyasının: 12-ci maddəsinə əsasən insan və vətəndaş hüquqlarının və azadlıqlarının təmin edilməsi dövlətin ali məqsədidir. Bu Konstitusiyada sadalanan insan və vətəndaş hüquqları və azadlıqları Azərbaycan Respublikasının tərəfdar çıxdığı beynəlxalq müqavilələrə uyğun tətbiq edilir; 35-ci maddəsinə əsasən hər kəsin təhlükəsiz və sağlam şəraitdə işləmək, heç bir ayrı-seçkilik qoyulmadan öz işinə görə dövlətin müəyyənləşdirdiyi minimum əmək haqqı miqdarından az olmayan haqq almaq hüququ vardır. Azərbaycan Respublikası Əmək Məcəlləsinin: 12-ci maddəsinin 1-ci bəndinin b yarımbəndinə əsasən, Əmək Məcəlləsinin və əmək qanunvericiliyinə dair digər normativ hüquqi aktların tələblərini yerinə yetirmək işəgötürənin əsas vəzifəsidir; 195-ci maddəsinin d bəndinə əsasən, işçinin əmək haqqı və digər ödənişləri işəgötürən tərəfindən düzgün müəyyən edilmədikdə, habelə əsassız və qanunsuz olaraq verilmədikdə işəgötürən işçiyə vurulan ziyana görə tam maddi məsuliyyət daşıyır; 287-ci maddəsinə əsasən, fərdi əmək mübahisələri, işəgötürənlə işçi arasında əmək müqaviləsinin, kollektiv müqavilənin şərtlərinin, habelə əmək qanunvericiliyinin və digər normativ hüquqi aktların tətbiqi zamanı yaranan və bu Məcəllə ilə müəyyən edilmiş qaydada, üsullarla və şərtlərlə tərəflərin hüquq bərabərliyi və qanunun aliliyi prinsipləri əsasında həll edilən fikir ayrılığıdır; 288-ci maddəsinin a, d, h bəndlərinə əsasən, fərdi əmək mübahisələrinin predmetinə, müvafiq olaraq əmək müqaviləsinin bağlanması, ləğv edilməsi və ya onun şərtlərinin dəyişdirilməsi; əmək haqqının, habelə digər ödəmələrin müəyyən edilməsi və hesablanması, yaxud ödənilməsi; işəgötürənin işçiyə vurduğu maddi və ya mənəvi ziyanın məbləğinin müəyyən edilməsi və ödənilməsi daxildir; 290-cı maddəsinin 2-ci bəndinə əsasən, işçinin hüquqlarını və qanuni mənafelərini pozmuş işəgötürən fərdi əmək mübahisəsinin həlli nəticəsində məhkəmə tərəfindən müəyyən edilmiş işçiyə dəyən maddi ziyanı tam məbləğdə ödəməlidir; 292-ci maddəsinin 2-ci bəndinə əsasən, pozulmuş hüquqlarının bərpa edilməsi barədə işçi məhkəməyə, yaxud bu Məcəllənin 294-cü maddəsində nəzərdə tutulmuş məhkəməyə qədər əmək mübahisələrini həll edən müvafiq orqana müraciət edə, habelə bu Məcəllənin 295-ci maddəsi ilə müəyyən edilmiş şərtlərlə və qaydada təkbaşına tətil edə bilər; 299-cu maddəsinə əsasən, fərdi əmək mübahisələri üzrə iddianın məbləğinə, həmçinin onun təmin olunmasına hər hansı məhdudiyyət qoyula bilməz. Məhkəmə baxışında tədqiq olunmuş sübutlarla müəyyən edilmişdir ki, İddiaçı xx.xx.2018-ci il tarixdən xx.xx.2023-cü il tarixədək Cavabdeh Məhdud Məsuliyyətli Cəmiyyətində fəhlə kimi işləmiş, onun aylıq əmək haqqısının 450 (dörd yüz əlli) manat olacağı tərəflər arasında razılaşdırılmış, işlədiyi müddət ərzində 550 (beş yüz əlli) manat məbləğində əmək haqqı almış, onunla əmək müqaviləsi bağlanmışdır. İddiaçı Azərbaycan Respublikası Əmək və Əhalinin Sosial Müdafiəsi Nazirliyinin “142” Çağrı mərkəzinə Azərbaycan Respublikası Əmək və Əhalinin Sosial Müdafiəsi Nazirliyinin yanında X5 Xidmətinə, Azərbaycan Respublikası Prezidentinin Administrasiyasına və Azərbaycan Respublikası Baş Prokurorluğuna Cavabdeh tərəfindən əmək hüquqlarının pozulması ilə bağlı müraciət etmişdir. Aparılmış araşdırma nəticəsində Cavabdeh-nin direktoru X4 barəsində İnzibati Xətalar Məcəlləsinin 192-ci maddəsinin 4-cü hissəsinə (İşçinin əmək və məzuniyyət haqlarının, ezamiyyə xərclərinin, əmək qanunvericiliyində nəzərdə tutulmuş müavinət və digər ödənişlərin hesablanmasında və ödənilməsində, riyazi hesablamalar nəticəsində yol verilən nöqsanlar istisna olmaqla, qanun pozuntularına yol verilməsinə görə) əsasən xx.xx.2023-cü il tarixdə inzibati xəta haqqında protokol tərtib edilmişdir. İddiaçı Cavabdeh Məhdud Məsuliyyətli Cəmiyyətinə qarşı “əmək haqqının ödənilməsi” tələbinə dair iddia ərizəsi ilə məhkəməyə müraciət edərək, Cavabdeh-nin ona borclu olduğu 5500 (beş min beş yüz) manat əmək haqqının tutularaq İddiaçı xeyrinə ödənilməsi barədə qətnamə çıxarılmasını məhkəmədən xahiş etmişdir. Məhkəmə iddia ərizəsinin “Cavabdeh-nin ona borclu olduğu 5500 (beş min beş yüz) manat məbləğində ödənilməmiş əmək haqqının onun xeyrinə tutulması” hissəsinə hüquqi qiymət verərkən, hesab edir ki, iddia ərizəsi həmin hissədə qismən təmin edilməlidir. Belə ki, işin mübahisəlindirilməyən halı ondan ibarətdi ki, iddiaçı şəxs Cavabdeh-də xx.xx.2018-ci il tarixdən xx.xx.2023-cü il tarixədək, yəni 5 il 5 ay işləmişdir. İddiaçı tərəf izahatında bildiririr ki, aylıq əmək haqqı əvvəl 450 (dörd yüz əlli) manat, sonradan isə 550 (beş yüz əlli) manat müəyyən edilmişdir və son 10 aya qədər müntəzəm olaraq əməkhaqqı almışdır. Əməkhaqqı əvvəl hər ay karta köçürülmüşdür. Sonradan əldən verilməyə başlanılmışdır. Son 10 ayda işdə olsa da ona əməkhaqqı ödənilməmişdir. MMC-nin tərəfindən ona cəmi 5500 (beş min beş yüz) manat ödənilməlidir. İşçi (İddiaçı) ilə işəgötürən (Cavabdeh) arasında əmək münasibətlərinin olması iç materialları ilə sübut olunsa da, iddiaçının aylıq əməkhaqqısına dair hər hansı sənəd (arayış, qrafik, çıxarış və s.) əlavə edilmədiyindən məhkəmə hesab edir ki, iddiaçıya MMC tərəfindən ödənilməli olan məbləğin dəqiqliyi ilə müəyyən edilməsi qeyri-mümkündür. Bu baxımdan məhkəmə hesab edir ki, iddia ərizəsi qismən təmin edilməli, Cavabdehdən ödənilməli olan və ödənilməmiş əmək haqqı İddiaçı ödənilməli, iddia ərizəsi qalan hissədə təmin edilməməlidir. Bundan başqa, Azərbaycan Respublikası Mülki Prosessual Məcəlləsinin: 107-ci maddəsinə əsasən, məhkəmə xərcləri dövlət rüsumundan və işə baxılması ilə əlaqədar olan məsrəflərdən ibarətdir; 119.1-ci maddəsinə əsasən məhkəmə xərcləri ödənilmiş tələblərin məbləğinə münasib olaraq işdə iştirak edən şəxslərə aid edilir. Məhkəmə xərcləri ilə əlaqədar məsələyə münasibətdə məhkəmə belə qənaətə gəlir ki, iddia tələbi qismən təmin edildiyindən, iddiaçı tərəfindən ödənilmiş 60 (altmış) manat məbləğində dövlət rüsumu cavabdehdən iddiaçının xeyrinə tutulmalıdır. Göstərilənlərə əsasən və Azərbaycan Respublikası Mülki-Prosessual Məcəlləsinin 216-220-ci maddələrini rəhbər tutaraq, məhkəmə qət etdi: İddia qismən təmin edilsin. Cavabdeh-dən ödənilməli olan və ödənilməmiş əmək haqqı İddiaçı ödənilsin. Dövlət büdcəsinə köçürülmüş dövlət rüsumunun əvəzi olan 60 manat məbləğində pul cavabdehdən alınaraq iddiaçıya verilsin. İddia qalan hissədə təmin edilməməlidir. Qətnamə rəsmi qaydada verildiyi gündən 1 (bir) ay müddətində “Elektron məhkəmə” informasiya sistemində yaradılan elektron kabinet vasitəsilə Sumqayıt Apelyasiya Məhkəməsinin mülki kollegiyasına apelyasiya şikayəti verilə bilər. Hakim: Samir Məmmədov