Qubadlı Rayon Məhkəməsi Qərardad — İş №2(028)-709/2025

Azərbaycan Respublikası adından QƏRARDAD Sumqayıt şəhəri İş № 2(028)-709/2025 28.11.2025 QUBADLI RAYON MƏHKƏMƏSİ X1 İddiaçı Cavabdehnə qarşı Şöbənin üzərinə alimentin ödənilməsi vəzifəsinin qoyulması tələbinə dair iddia ərizəsini nəzərdən keçirib, m ü ə y y ə n e t d i: İddiaçı məhkəməyə müraciət edərək, Cavabdeh zərinə borclunun tutulması və indiyə qədər qalan ödənilməmiş 1750 manat aliment borcunun ödənilməsi vəzifəsi qoyulması barədə qərar çıxarılmasını xahiş etmişdir. Məhkəmə iddia ərizəsini və ona əlavə edilmiş sənədləri nəzərdən keçirərək belə nəticəyə gəlir ki, iddiaçının ərizəsinin qəbul edilməsindən imtina edilməlidir. Belə ki, iddiaçı məhkəmədən icra orqanının üzərinə alimentin ödənilməsi vəzifəsini qoymasını xahiş edir. Məhkəmə qeyd edir ki, icra məmurunun hərəkətlərindən razılaşmayan tərəf icra məmurunun hərəkətlərindən məhkəməyə şikayət verə bilər. Qanunda bu qaydada şikayət vermək imkanının nəzərdə tutulması mübahisəli məsələyə iddia icraatı qaydasında baxılmasını istisna edir. Azərbaycan Respublikasının “İcra haqqında Qanunu”nun: - 26-cı maddəsinə əsasən icra sənədlərinin vaxtında və düzgün icra edilməsinə nəzarət icra qurumunun rəhbəri və məhkəmə tərəfindən öz səlahiyyətləri daxilində həyata keçirilir. - 87.1-ci maddəsinə əsasən icra sənədinin icra olunması ilə bağlı icra məmurunun hərəkətlərindən və ya hərəkətsizliyindən tələbkar və ya borclu icra məmurunun olduğu yer üzrə inzibati məhkəməyə şikayət verə bilər. Bu Qanunun digər maddələrində başqa müddət müəyyən edilməyibsə, icra məmurunun hərəkətlərindən şikayət müvafiq hərəkətin edildiyi vaxtdan 10 gün müddətində verilir. Azərbaycan Respublikası Mülki Prossesual Məcəlləsinin: - 153.3-cü maddəsinə əsasən hakim ərizəni qəbul etməkdən imtina barədə əsaslandırılmış qərardad çıxarır. İşə məhkəmə qaydasında və ya mülki məhkəmə icraatı qaydasında baxılmalı deyildirsə, iddiaçının hansı orqana və ya məhkəməyə müraciət etməli olmasını orada göstərir. - 153.5-ci maddəsinə əsasən ərizəni qəbul etməkdən imtina edilməsi ərizəçiyə həmin cavabdehə qarşı, həmin predmet barəsində və həmin əsaslarla yenidən iddia qaldırmağa mane olur. Məhkəmə eyni zamanda qeyd edir ki, iddiaçı icra məmurunun hərəkətlərində inzibati məhkəməyə müraciət edə bilər. Yuxarıda göstərilənləri və Azərbaycan Respublikası MPM-nin 153-cü və 263-268-ci maddələrini rəhbər tutaraq, qərara aldı: İddiaçı Cavabdehnə qarşı Şöbənin üzərinə alimentin ödənilməsi vəzifəsinin qoyulması tələbinə dair iddia ərizəsinin qəbulundan imtina edilsin. İddiaçıya iddia tələbi ilə əlaqədar olaraq inzibati məhkəməyə müraciət etmək hüququ izah olunsun. Qərardaddan şikayət qərardad tərəfə rəsmi qaydada verildikdən sonra 10 gün müddətində Qubadlı Rayon Məhkəməsinə (“Elektron məhkəmə” informasiya sistemində yaradılan elektron kabinetdən istifadə edilməklə) verilə bilər. HAKİM RAMİZ QULİYEV