İmişli Rayon Məhkəməsi Qətnamə — İş №2(036)-2179/2022

Azərbaycan Respublikası adından QƏTNAMƏ İmişli rayonu İş № 2(036)-2179/2022 06.12.2022 İMİŞLİ RAYON MƏHKƏMƏSİ İmişli Rayon Məhkəməsi Qənbərov Ülvi Oktay oğlunun sədrliyi, Məmmədli Nadir Cabir oğlunun katibliyi, İddiaçı və Cavabdeh iştirakı ilə, İddiaçı Cavabdeh qarşı nikahın pozulması və aliment tələbi barədə iddiasına dair mülki işə açıq məhkəmə iclasında baxaraq M Ü Ə YY Ə N E T D İ: İddiaçı Cavabdeh qarşı nikahın pozulması və aliment tələbi barədə iddia ərizəsi ilə məhkəməyə müraciət edib cavabdehlə aralarında bağlanmış xx.xx.2013-cü il tarixli 127 saylı nikah akt qeydinin pozulması, birgə nikahdan doğulmuş xx.xx.2013-cü il təvəllüdlü X2 yetkinlik yaşına çatanadək saxlanılması üçün Cavabdeh hər ay 175 manat sabit pul məbləğində aliment tutulub xeyrinə ödənilməsi haqqında qətnamə çıxarılmasını xahiş etmişdir. İddiaçı göstərmişdir ki, o, Cavabdeh ilə 2012-cü ildə faktiki surətdə evlənərək Bakı şəhəri Sulutəpə qəsəbəsində onunla ər-arvad kimi birlikdə yaşamış və nikahları xx.xx.2013-cü il tarixdə rəsmi surətdə qeydə alınmışdır.Onların xx.xx.2013-cü il təvəllüdlü X3 adında uşaqları olmuş və bir müddətdən sonra münasibətləri pozulduğundan birdəfəlik ayrılmışdır.Cavabdeh ilə aralarındakı ər-arvad münasibətlərinin bundan sonra bərpa olunması mümkün deyil.Ona görə də ərizə verib Cavabdeh ilə aralarında bağlanmış nikahın pozulması, xx.xx.2013-cü il təvəllüdlü X2 onun yanında qalması və yetkinlik yaşına çatanadək saxlanmasından ötrü Cavabdeh onun xeyrinə hər ay 175 manat sabit pul məbləğində aliment tutulması haqqında iddia qaldırmışdır. Cavabdeh izahatında göstərmişdir ki, o, İddiaçı ilə 2012-cü ildə faktiki surətdə evlənərək Bakı şəhəri Sulutəpə qəsəbəsində onunla ər-arvad kimi birlikdə yaşamış və nikahları xx.xx.2013-cü il tarixdə rəsmi surətdə qeydə alınmışdır.Onların xx.xx.2013-cü il təvəllüdlü X3 adında uşaqları olmuş və iki il bundan əvvəl münasibətləri pozulduğundan ayrılsalar da, aralarındakı ər-arvad münasibətlərinin bərpasını mümkün hesab edir və boşanmaq istəmir.3-cü qrup əlil olmaqla epilepsiya xəstəliyindən əziyyət çəkir və aliment ödəmək imkanı yoxdur. İşdə olan №05/69-79 «nikah haqqında şəhadətnaməyə» əsasən Cavabdeh ilə İddiaçı xx.xx.2013-cü ildə rəsmi nikaha daxil olmaqla evlənmişdir. İşdə olan №05/69-100 «doğum şəhadətnaməsi»nin surətinə əsasən İddiaçı doğulmuş xx.xx.2013-cü il təvəllüdlü X1 Yaşıd Musaxan oğlundan törəmişdir. AR MPM-nin 76.1-ci maddəsinə əsasən tərəflərin tələb və etirazlarını əsaslandıran halların və işi düzgün həll etmək üçün əhəmiyyəti olan başqa halların mövcud olduğunu və ya olmadığını məhkəmə müəyyən edərkən bu Məcəllədə və başqa qanunlarda müəyyən olunmuş qaydada əldə etdiyi məlumatlar sübutlar hesab olunur. Həmin Məcəllənin 76.2-ci maddəsinə əsasən bu məlumatlar yazılı və maddi sübutlarla, ekspertlərin rəyləri ilə, yerində müayinə keçirməklə, səs və video yazıları ilə, şahidlərin ifadələri ilə, işdə iştirak edən şəxslərin izahatları ilə müəyyən edilir. Məhkəmədə tədqiq olunmuş sübutlara əsasən müəyyən edilmişdir ki, tərəflər arasında olan ər-arvad münasibətləri pozulmuş və onlara verilmiş 3 ay müddət ərzində aralarında barışıq əldə olunmamışdır.İddiaçı ilə Cavabdeh arasında olan ər-arvad münasibətlərinin bundan sonra bərpa edilməsini mümkün deyil. Azərbaycan Respublikası Ailə Məcəlləsinin 20.1-ci maddəsinə əsasən ər-arvadın birgə yaşamasının və ailənin saxlanmasının qeyri-mümkünlüyü məhkəmə tərəfindən müəyyən edildikdə, nikah məhkəmə qaydasında pozulur. Həmin Məcəllənin 20.2-ci maddəsinə əsasən tərəflərdən birinin nikahın pozulması haqqında razılığı olmadıqda, məhkəmə ər-arvadın barışması üçün 3 ay müddət müəyyən etməklə işi təxirə sala bilər.Barışıq olmadıqda və ya onlar (onlardan biri) nikahın pozulmasına təkid etdikdə nikah pozulur. Həmin Məcəllənin 22.2.1-ci maddəsinə əsasən nikah məhkəmə qaydasında pozularkən ər-arvad arasında razılıq olmadıqda məhkəmə yetkinlik yaşına çatmayan uşaqların valideynlərdən hansının yanında qalmasını müəyyən etməlidir. Həmin Məcəllənin 22.2.2-ci maddəsinə əsasən nikah məhkəmə qaydasında pozularkən məhkəmə uşaqlar üçün alimentin hansı valideyindən və hansı miqdarda tutulduğunu müəyyən etməlidir. Həmin Məcəllənin 75-ci maddəsinə görə valideynlər uşaqlarını saxlamağa borcludurlar.Uşaqlarını saxlamağın qayda və formasını valideynlər müstəqil müəyyən edirlər. Həmin Məcəllənin 75.4-cü maddəsinə görə valideynlər uşaqlarını saxlamadıqda uşaqların saxlanması üçün vəsait (aliment) valideynlərdən məhkəmə qaydasında tutulur. Həmin Məcəllənin 76.1-ci maddəsinə görə alimentin ödənilməsi barədə razılıq olmadıqda uşaqlar üçün onların valideynlərindən məhkəmə tərəfindən hər ay bir uşağa görə qazancının və ya başqa gəlirlərinin dörddə bir hissəsi, iki uşağa görə üçdə bir hissəsi, üç və daha çox uşağa görə isə qazancının aliment verməyə borclu olan valideynin qazancının və ya başqa gəlirlərinin yarısı miqdarında aliment tutulur. Həmin Məcəllənin 78.1-ci maddəsinə görə valideynlər arasında yetkinlik yaşına çatmayan uşaqlara aliment ödənilməsi barədə saziş yoxdursa, eləcə də aliment verməyə borclu olan valideynlərin qazancı (gəliri) qeyri-müntəzəm dəyişən olarsa, yaxud onun qazancı və sair gəliri yoxdursa uşaqların saxlanılması üçün vəsait tutulmasını tələb edən şəxsin xahişi ilə alimentin miqdarı məhkəmə tərəfindən hər ay ödənilməli olan sabit pul məbləğində müəyyən edilə bilər. Həmin Məcəllənin 78.2-ci maddəsinə görə sabit pul məbləğinin miqdarı məhkəmə tərəfindən tərəflərin maddi və ailə vəziyyəti, diqqətə layiq olan digər hallar nəzərə alınmaqla uşağın əvvəlki təminatının səviyyəsinin mümkün qədər maksimal saxlanması əsas tutularaq müəyyən edilir. Azərbaycan Respublikasında 2022-ci il üçün yaşayış minimumu haqqında Azərbaycan Respublikası Qanununa əsasən 2022-ci il üçün yaşayış minimumu ölkə üzrə uşaqlar üçün 193 (yüz doxsan üç) manat məbləğində müəyyən edilmişdir. Məhkəmə hesab edir ki, İddiaçı ilə Cavabdeh arasında xx.xx.2013-cü il təvəllüdlü X3 azyaşlı olduğundan ana qayğısına daha çox ehtiyacı olduqu üçün İddiaçı yanında qalmalı, uşağın yetkinlik yaşına çatanadək saxlanılmasından ötrü İddiaçı xeyrinə Cavabdeh hər ay sabit pul məbləğində aliment tutulmalı və alimentin miqdarı müəyyən edilərkən ölkə üzrə uşaqlar üçün yaşayış minimumu nəzərə alınmalıdır. Yuxarıda göstərilənlərə əsasən Azərbaycan Respublikası MPM-nin 216-220,227,233,357 və 360-cı maddələrini rəhbər tutaraq QƏTETDİ: İddia tələbi təmin edilsin. İddiaçı ilə Cavabdeh arasında xx.xx.2013-cü il tarixdə 127 nömrəli nikah akt qeydi ilə bağlanmış rəsmi nikah pozulsun. Birgə nikahdan doğulmuş xx.xx.2013-cü il təvəllüdlü X3 İddiaçı yanında saxlansın və uşağın yetkinlik yaşına çatanadək saxlanılmasından ötrü İddiaçı xeyrinə Cavabdeh hər ay 175 (yüz yetmiş beş) manat sabit pul məbləğində aliment tutulsun. Alimentin tutulması 06 dekabr 2022-ci il tarixdən hesablansın. Qətnamədən 1 (bir) ay müddətində İmişli Rayon Məhkəməsi vasitəsi ilə Azərbaycan Respublikası Şirvan Apellyasiya məhkəməsinə apellyasiya şikayəti verilə bilər. Hakim: Ülvi Qənbərov.