İmişli Rayon Məhkəməsi Qətnamə — İş №2(036)-2330/2024

Azərbaycan Respublikası adından QƏTNAMƏ İmişli rayonu İş № 2(036)-2330/2024 03.12.2024 İMİŞLİ RAYON MƏHKƏMƏSİ İmişli Rayon Məhkəməsinin hakimi Mahmud Orxan Əlövsət oğlunun sədrliyi, Məhkəmə iclas katibi Şiralıyeva Günel Mirzə qızının katibliyi ilə, İddiaçı, Cavabdehin Cavabdeh iştirakı ilə, İddiaçı - Cavabdeh qarşı “aliment” tələbinə dair mülki işə məhkəmənin inzibati binasında açıq məhkəmə iclasında baxaraq, məhkəmə MÜƏYYƏNETDİ: İddiaçı - Cavabdeh qarşı “aliment” tələbinə dair iddia ərizəsi ilə məhkəməyə müraciət edərək, 22 avqust 2022-ci il təvəllüdlü X1 üçün uşaq yetkinlik yaşına çatana qədər hər ay cavabdehdən 235 manat aliment və həmçinin uşaq 3 yaşına çatana qədər onun saxlanılması üçün 100 manat sabit pul məbləği tutularaq İddiaçı ödənilməsi barədə qətnamə qəbul edilməsini xahiş etmişdir. İddia ərizəsi onunla əsaslandırılmışdır ki, iddiaçı ilə Cavabdeh rəsmi nikah olmadan ailə həyatı qurmuşlar. Birgə nikahlarından 22 avqust 2022-ci il təvəllüdlü X6 dünyaya gəlmişdir. Bir müddət cavabdehlə mehriban ailə yaşadıqdan sonra ailə münasibətləri pozulub. Hazırda cavabdehlə faktiki olaraq ayrılmış uşaq ananın himayəsində qalmışdır. Cavabdeh uşağa heç bir maddi yardım göstərməmişdir. Əlavə olaraq qeyd edib ki, Cavabdeh Bakı şəhəri Nizami RİH-də işləyir və əmək haqqı alır. Cavabdeh iddia ərizəsinə etirazında bildirmişdir ki, İddiaçı ona qarşı "aliment" tələbinə dair iddia ərizəsi ilə məhkəməyə müraciət etmişdir. İddiaçı iddia ərizəsində göstərmişdir ki, bildirir ki, o, Cavabdeh ilə 2020-ci ildə faktiki nikah münasibətinə girərək ailə həyatı qurmuşdur. Faktiki nikahlarından 1 uşağı var. 22 avqust 2022-ci il təvəllüdlü X6. Bir müddət cavabdehlə mehriban ailə kimi yaşadıqdan sonra ailə münasibətləri pozuldu. Hazırda cavabdehlə faktiki olaraq ayrılmışlar. O, uşağa baxmır, uşaq onun himayəmdədir. Cavabdeh uşağa heç bir maddi yardım göstərmir. Əlavə olaraq qeyd edir ki, cavabdeh Bakı şəhər Nizami Rayon İcra Hakimiyyətində işləyir və əmək haqqı alır. Hazırda hesab edir ki, uşağın saxlanılması üçün cavabdehdən hər ay 235 manat sabit pul məbləğində aliment və uşaq üç yaşına qədər ona baxmağına görə onun saxlanılmağı üçün hər ay 100 manat pul tutulub ona verilməlidir. Əlavə olaraq qeyd edir ki, uşaq xəstədir, ona görə hər ay o, mütəmadi olaraq müalicə almalıdır. Hesab edir iddia ərizəsində göstərilən dəlillər əsassızdır. Belə ki, ilk öncə onu qeyd edir ki, onun İddiaçı ilə rəsmi nikahı olmamışdır. Bunu iddia ərizəsinə qoşma olaraq əlavə olunan sənədlər siyahısında "atalığın müəyyən olunması haqqında" şəhadətnamədən də görmək olar. Bundan başqa, iddiaçı qeyd edir ki, guya o, uşağa baxmır,heç bir maddi yardım göstərmir. Bu tamamilə ağ yalandır. Çünki, iddiaçıya məxsus olan karta dəfələrlə müxtəlif vaxtlarda məbləğlərdə pullar köçürmüşdür. Əlavə etdiyi "WhatsApp" yazışmalarındanda görmək olar: Belə ki, iddiaçıya tərəfindən xx.xx.2024-cü il tarixində 25 manat, 16 avqust 2024-cü il tarixində 40 manat, 19 avqust 2024-cü il tarixində 15 manat, 08 sentyabr 2024cü il tarixində 50 manat, 18 oktyabr 2024-cü il tarixində 50 manat pul göndərişləri olmuşdur. Bundan başqa, iddiaçı qeyd edir ki, cavabdeh Bakı şəhər Nizami Rayon İcra Hakimiyyətində işləyir və əmək haqqı alır. Halbuki, bu da yalandır. Belə ki, o, Bakı şəhər İcra Hakimiyyəti Yaşıllaşdırma Təsərrüfatı Birliyi X14 və Təmiri Xidməti Müəssisəsində usta olaraq işləyir və əmək haqqı kartınada 546 manat pul köçürülür. Lakin, nədənsə iddiaçı onun rəsmi iş yeri olduğunu bilə-bilə hər ay sabit pul məbləğində 235 manat alimentin tutulmasını istəmişdir. Halbuki, aliment rəsmi iş yeri olduğundan Ailə Məcəlləsinin 76.1.1-ci maddəsinə əsasən 1 uşağa görə qazancın və (və ya) valideynlərin başqa gəlirlərinin dörddə bir hissəsi qədərində tutulmalıdır. Bundan başqa, iddiaçı qeyd edir ki, əlavə olaraq qeyd edirəm ki, uşaq xəstədir, ona görə hər ay o mütəmadi olaraq müalicə almalıdır. Buna görə də, uşağın saxlanılması üçün hər ay 100 manat pul tutulub ona verilməlidir. Bununla bağlı qeyd etmək istəyir ki, övladı X4 heç bir ağır xəstəliyi yoxdur, mütəmadi olaraq da müalicəyə ehtiyyacı olsun. Bu iddiaçının ondan pul qoparması üçün uydurmalarıdır. Adətən bu kimi məsələlərdə alimentdən savayı əlavə pul tutulmaları üçün müəyyən tibbi sənədlərin (epikriz) olması tələb olunur. Lakin, iddiaçı iddia ərizəsində qeyd etdiyi kimi uşağın xəstəliyi ilə bağlı tibbi sənəd və ya sənədlər təqdim etmək əvəzinə məhkəməyə resseptlər təqdim etmişdir. Ümumiyyətlə övladının hansı əsaslarla müalicə olunmasını iddia ərizəsində əsaslandırmamışdır. Bundan başqa, qeyd etmək istəyir ki, onun ilk evlilikdən 01 may 2018-ci il təvəllüdlü X11 adlı övladı vardır. Salyan Rayon Məhkəməsinin 25 fevral 2020-ci il tarixli, 2(057)-346/2020 saylı qətnaməsinə əsasən nikah pozulmuş və xx.xx.2018-ci ildə anadan olmuş Zəhra adlı uşağın yetkinlik yaşına çatana kimi saxlanılması üçün ondan 21 yanvar 2020-ci ildən başlayaraq ayda qazancın və başqa gəlirlərin dörddə bir hissəsi və 20 manat sabit pul məbləğində alimentin tutulub iddiaçı X7 ödənilməsi qət edilmişdir. Hal-hazırda X11 adlı övladına görə 140 manat dəyərində aliment ödəyir. Qəbz qoşma olaraq əlavə olunur. Yekunda bildirmək istəyir ki, onun da özünə aid xərcləri vardır. Belə ki, dünya bazarında hər şeyin qiymətinin qalxdığı bir zamanda aldığı məvacib kifayət etmədiyindən, eləcə də müəyyən hissəsidə alimentə çıxıldığından bankdan kredit götürmək məcburiyyətində qalmışdır. Qoşma olaraq kredit müqaviləsini və ödəniş cədvəlini etiraza əlavə edir. İddiaçı ona qarşı "aliment" tələbinə dair iddiasını alimentin sabit pul məbləğində 235 manat deyil, Ailə Məcəlləsinin 76.1.1-ci maddəsinin tələblərinə əsasən 1 uşağa görə qazancın və (və ya) valideynlərin başqa gəlirlərinin dörddə bir hissəsi qədərində tutulması barədə qətnamə çıxarasınız. İddiaçı iclasında iştirak edən İddiaçı iddia ərizəsini müdafiə edərək ailə münasibətlərinin pozulduğunu, ayrı yaşadığını, Cavabdeh uşağa baxmadığını və iddia tələbinin təmin edilməsi barədə qətnamə qəbul edilməsini məhkəmədən xahiş etmişdir. Məhkəmə iclasında iştirak edən Cavabdeh etiraza uyğun izahat verərək, iddianın qimsən təmin edilməsini məhkəmədən xahiş etmişdir. Məhkəmə iş materiallarını araşdıraraq hesab edir ki, iddia qismən təmin edilməlidir. İş materiallarına əlavə olunmuş 5 saylı Bakı “ASAN Xidmət” X10 tərəfindən verilmiş AZ-İV seriyalı, 803497 nömrəli doğum haqqında şəhadətnamənin surətindən görünür ki, 22 avqust 2022-ci il tarixdə X2 rayonunda anadan olmuşdur. Ata qrafasında Cavabdeh, ana qrafasında İddiaçı qeyd edilmişdir. İş materiallarına əlavə olunmuş “Atalığın müəyyən edilməsi haqqında” AZ-İ 437794 nömrəli şəhadətnamədən görünür ki, Cavabdeh 22 avqust 2022-ci il təvəllüdlü X4 atası hesab edilmişdir. İş materiallarına əlavə olunmuş Bakı şəhər İcra Hakimiyyəti Yaşıllaşdırma Təsərrüfatı Birliyi X14 və Təmiri Xidməti Müəssisəsinin xx.xx.2024-cü il tarixli 19 nömrəli arayışından görünür ki, Cavabdeh xx.xx.2022-ci il tarixdən X14 və Təmiri Xidməti Müəssisəsində işləyir və hazırda o, SQİTXM-nin usta peşəsini tutur. X14 və Təmiri Xidməti Müəssisəsinin X18 uyğun olaraq, əmək haqqı 661 (altı yüz altmış bir) manat təşkil edir, əmək haqqı kartına vergilər tutulduqdan sonra 546 (beş yüz qırx altı) manat köçürülür. İş materiallarına əlavə olunmuş Salyan Rayon Məhkəməsinin 2(057)-346/2020 saylı, xx.xx.2020-ci il tarixli qətnaməsindən görünür ki, Cavabdeh ilə X3 Rayon Qeydiyyat Şöbəsində xx.xx.2015-ci ildə 151 nömrə ilə qeydə alınmış nikah pozulsun. xx.xx.2018-ci ildə anadan olmuş Zəhra adlı uşaq yetkinlik yaşına çatanadək iddiaçı X5 himayəsində saxlanılsın. xx.xx.2018-ci ildə anadan olmuş Zəhra adlı uşağın yetkinlik yaşına çatana kimi saxlanılması üçün Cavabdeh xx.xx.2020-ci ildən başlayaraq ayda qazancın və başqa gəlirlərin dörddə bir hissəsi və 20 manat sabit pul məbləğində aliment tutulub iddiaçı X7 verilsin. İş materiallarına əlavə olunmuş Azərbaycan Beynəlxalq Bankının xx.xx.2024-cü il tarixli ödəniş cədvəlindən görünür ki, Cavabdeh Azərbaycan Beynəlxalq Bankından 8400 (səkkiz min dörd yüz) manat kredit götürmüş və aylıq ödənişi 233,7 (iki yüz otuz üçün manat yeddi qəpik) manat təşkil edir. Məhkəmə araşdırması zamanı müəyyən edilmişdir ki, İddiaçı Cavabdeh ilə 2023-cü il tarixdə rəsmi nikah olmadan ailə həyatı qurmuşlar. xx.xx.2022-ci il təvəllüdlü X6 anadan olmuşdur. “Atalığın müəyyən edilməsi haqqında” AZ-İ 437794 nömrəli şəhadətnaməyə əsasən Cavabdeh 22 avqust 2022-ci il təvəllüdlü Hüseynzadə (Salmanlı) Mirdavud Cavid oğlunun atası hesab edilmişdir. Tərəflər hazırda faktiki olaraq ayrı yaşayırlar. Uşaq anası ilə yaşayır, cavabdeh uşağın saxlanılması üçün iddiaçıya maddi köməklik göstərmir. Məhkəmə iddia tələbi ilə bağlı aşağıdakıları qeyd edir: Azərbaycan Respublikası Konstitusiyasının 17-ci maddəsinə əsasən uşaqların qayğısına qalmaq və onları tərbiyə etmək valideynlərin borcudur. “Uşaq hüquqları haqqında” Azərbaycan Respublikası Qanununun 13-cü maddəsinə əsasən, uşağın Azərbaycan Respublikası qanunvericiliyi ilə müəyyən edilmiş minimum dolanacaq xərclərindən az olmayan maddi təminat almaq hüququ vardır. “Uşaq hüquqları haqqında” Azərbaycan Respublikası Qanununun 19-cu maddəsinə əsasən valideynlər uşağın tərbiyəsində bərabər hüquq və vəzifələri vardır. Uşağın qabiliyyətinin inkişaf etdirilməsi, onun maddi və mənəvi tələbatlarının təmin edilməsi, hüquq və mənafelərinin mühafizəsi valideynlərin əsas vəzifələridir. Azərbaycan Respublikası Ailə Məcəlləsinin 75.1, 75.4-cü maddələrinə əsasən valideynlər uşaqlarını saxlamağa borcludurlar. Valideynlər uşaqlarını saxlamadıqda uşaqların saxlanması üçün vəsait (aliment) valideynlərdən məhkəmə qaydasında tutulur. Həmin Məcəllənin 76.1-ci maddəsinə əsasən, aliment ödənilməsi barədə razılıq olmadıqda uşaqlar üçün onların valideynlərindən məhkəmə tərəfindən hər ay aşağıdakı miqdarda aliment tutulur: 1 uşağa görə—qazancın və (və ya) valideynlərin başqa gəlirlərinin dörddə bir hissəsi; 2 uşağa görə—qazancın (başqa gəlirlərin) üçdə bir hissəsi; və daha çox uşağa görə—qazancın (başqa gəlirlərin) yarısı. Bu payların miqdarı məhkəmə tərəfindən tərəflərin ailə və maddi vəziyyəti, eləcə də diqqətəlayiq olan başqa hallar nəzərə alınmaqla azaldıla və artırıla bilər. (AM 76.2) Həmin Məcəllənin 100.2-ci maddəsinə əsasən, aliment məhkəməyə müraciət edildiyi vaxtdan tutulur. xx.xx.2022-ci il tarixli 650 nömrəli atalığın müəyyən edilməsi haqqında şəhadətnamədən görünür ki, iş üzrə Cavabdeh xx.xx.2022-ci il təvəllüdlü Hüseynzadə (Salmanlı) Mirdavud Cavid oğlununun atası olması işin mübahisəsiz halıdır. Ona görə də, İddiaçı cavabdehə qarşı aliment tələbi ilə məhkəməyə müraciət etməkdə haqlı olmuşdur. Alimentin miqdarını müəyyən edərkən məhkəmə uşağın mənafeyini, onun təminat səviyyəsinin mümkün qədər maksimal saxlanılmasını, eyni zamanda tərəflərin maddi və sosial vəziyyətini nəzərə alaraq hesab edir ki, tərəflərin azyaşlı oğlunun yetkinlik yaşına çatana qədər saxlanılması üçün hər ay Cavabdeh 180 manat aliment və həmçinin iddiaçının saxlanılması üçün 50 manat məbləğində alimentin tutulması uşağın mənafeyi baxımından məqsədə uyğundur. Məhkəmə hesab edir ki, iddia tələbi təmin edilərək Azərbaycan Respublikası Ailə Məcəlləsinin 100.2-ci maddəsinin tələbinə uyğun olaraq alimentin tutulmasının əvvəli iddiaçı məhkəməyə müraciət etdiyi vaxtdan, yəni xx.xx.2024-cü il tarixdən hesablanmalıdır. Bununla yanaşı məhkəmə qeyd edir ki, Azərbaycan Respublikası MPM-nin 233.4-cü maddəsinə əsasən cavabdehdən vaxtaşırı ödəmələrin alınmasını qət edən qətnamə qanuni qüvvəyə mindikdən sonra, ödəmələrin miqdarını müəyyənləşdirən və ya onların davam etməsinə təsir edən hallar dəyişərsə, hər bir tərəf yeni iddia vermək yolu ilə ödəmələrin miqdarını və müddətlərini dəyişdirməyi tələb etməyə haqlıdır. Azərbaycan Respublikası Ailə Məcəlləsinin 84.1-ci maddəsinə əsasən ər və arvad bir-birinə maddi cəhətdən kömək etməlidirlər. 84.2. Bu köməyin göstərilməsindən imtina edildikdə və ər-arvad arasında alimentin ödənilməsi barədə saziş olmadıqda aşağıdakılar buna zəruri vəsaitə malik olan digər tərəfin aliment ödəməsini məhkəmə qaydasında tələb etmək hüququna malikdirlər: 84.2.1. əmək qabiliyyəti olmayan və maddi yardıma ehtiyacı olan ər və ya arvad; 84.2.2. hamiləliyi dövründə və ümumi uşaqlarının doğulduğu gündən üç il ərzində arvad; 84.2.3. 18 yaşınadək əlilliyi müəyyən edilmiş və ya orqanizmin funksiyalarının 81-100 faiz pozulmasına görə əlilliyi müəyyən edilmiş 18 yaşından yuxarı ümumi uşağa qulluq edən və ehtiyacı olan ər və ya arvad; Həmin Məcəllənin 85.1-ci maddəsinə əsasən aşağıdakı şəxslər nikah pozulduqdan sonra məhkəmə qaydasında buna zəruri vəsaitə malik olan keçmiş ərdən (arvaddan) aliment ödəməyi tələb etmək hüququna malikdirlər: 85.1.1. hamiləlik dövründə və ümumi uşaqlarının doğulduğu gündən 3 il ərzində keçmiş arvad; 85.1.2. 18 yaşınadək əlilliyi müəyyən edilmiş və ya 18 yaşına çatanadək əlilliyi müəyyən edilmiş 18 yaşından yuxarı orqanizmin funksiyalarının 81-100 faiz pozulmasına görə əlilliyi müəyyən edilmiş ümumi uşağa qulluq edən və maddi yardıma ehtiyacı olan keçmiş ər (arvad); 85.1.3. nikah pozulana qədər və ya nikah pozulduğu gündən bir il ərzində əmək qabiliyyətini itirən və maddi yardıma ehtiyacı olan keçmiş ər (arvad); 85.1.4. ər-arvad uzun müddət nikahda olmuşlarsa, nikah pozulduğu andan 5 il müddətindən gec olmayaraq pensiya yaşına çatan və maddi yardıma ehtiyacı olan keçmiş ər (arvad). Məhkəmə hesab edir ki, uşaq 3 yaşına çatanadək cavabdehdən alimentin alimentin tutulması hissəsində iddia əsaslıdır. Yuxarıda qeyd edilən maddi hüquq normasından da görünür ki, hamiləlik dövründə və uşaq doğulduğu gündən 3 il ərzində arvadın keçmiş ərindən aliment tələb etməsi üçün əsas dispozitiv şərti keçmiş ərin həmin alimenti ödəmək üçün zəruri vəsaitə malik olmasıdır. Hazırki iş üzrə cavabdeh gəlirə malikdir. Məhkəmə qeyd edir ki, hər bir halda uşaqların yetkinlik yaşına çatanadək saxlanması, eləcə də, uşağın 3 yaşı tamam olanadək ödənilməsi nəzərdə tutulmuş alimentin valideyndən tutulması uşaqların maddi rifahının, müəyyən dərəcədə yüksək təmin edilməsi məqsədini daşıyır. Uşaqları saxlamaq, mümkün qədər onların maddi təminatlarının ödənilməsi hər bir valideynin konstitusiyon vəzifəsi kimi nəzərdə tutulmuşdur. Ona görə də məhkəmə hesab edir ki, xx.xx.2022-ci il təvəllüdlü X6 yetkinlik yaşına çatanadək cavabdehdən hər ay 180 manat məbləğində alimentin və ananın saxlanılması üçün 50 manat pul məbləğinin tutulması uşağın maddi rifahının təmin edilməsi baxımından məqsədə uyğundur. Azərbaycan Respublikası Mülki-Prosessual Məcəlləsinin 220.4-cü maddəsinə əsasən qətnamənin əsaslandırıcı hissəsində işin məhkəmə tərəfindən müəyyən edilən halları, işin halları barədə məhkəmənin əsaslandırıldığı sübutlar və məhkəmənin bu və ya digər sübutları və iclasda iştirak edən şəxslərin istinad etdiyi qanun və digər hüquqi aktları rədd etmək üçün gətirdiyi dəlillər, habelə məhkəmənin qətnamə çıxararkən rəhbər tutduğu qanunlar və digər hüquqi aktlar göstərilməlidir. Cavabdeh tərəfindən iddia tələbi etiraf edildikdə qətnamənin əsaslandırıcı hissəsində yalnız iddianın etiraf edilməsi və onun məhkəmə tərəfindən qəbul edilməsi göstərilə bilər. Hazırki iş üzrə cavabdeh iddia tələbi ilə qismən razılaşdığını və ədalətli alimentə heç bir etirazı olmadığını bildirmişdir. Beləliklə, məhkəmə mülki iş üzrə araşdırılmış sübutlara məcmu halda hüquqi qiymət verərək hesab edir ki, iddia qismən təmin edilməli, xx.xx.2022-ci il təvəllüdlü X4 yetkinlik yaşına çatana qədər saxlanılması üçün 10 oktyabr 2024-cü il tarixdən hesablanaraq hər ay Cavabdeh 180 manat məbləğində aliment və X6 3 yaşına çatanadək iddiaçının saxlanılması üçün hər ay 50 manat məbləğində aliment tutularaq İddiaçı ödənilməlidir. Şərh olunanlara əsasən və Azərbaycan Respublikası MPM-nin 119, 216-220, 227 və 360-cı maddələrini rəhbər tutaraq, məhkəmə QƏTETDİ: İddia qismən təmin edilsin. xx.xx.2022-ci il təvəllüdlü X4 yetkinlik yaşına çatana qədər saxlanılması üçün 10 oktyabr 2024-cü il tarixdən hesablanaraq hər ay Cavabdeh 180 manat məbləğində aliment və X6 3 yaşına çatanadək iddiaçının saxlanılması üçün hər ay 50 manat məbləğində aliment tutularaq İddiaçı ödənilsin. Qətnamə dərhal icra edilsin. Qətnamədən rəsmi qaydada verildiyi gündən 1 (bir) ay müddətində İmişli Rayon Məhkəməsi vasitəsi ilə (elektron məhkəmə sistemi vasitəsilə) Şirvan Apellyasiya Məhkəməsinin mülki kollegiyasına apellyasiya şikayəti verilə bilər. Hakim Orxan Mahmud