Yevlax Rayon Məhkəməsi Məhkəmə əmri — İş №2(039)-2293/2021

Azərbaycan Respublikası adından MƏHKƏMƏ ƏMRİ Yevlax Rayou İş № 2(039)-2293/2021 08.10.2021 YEVLAX RAYON MƏHKƏMƏSİ Yevlax Rayon Məhkəməsinin hakimi Əlizadə Ruslan Əliyar oğlunun Baki şəhəri, Nərimanov rayonu, Hidayətzadə küçəsi 36-da yerləşən Kreditor MMC-nin Borclu qarşı borcun tutulması tələbi haqqında məhkəmə əmrinin verilməsinə dair ərizəsini və ərizəyə əlavə olunmuş sənədləri nəzərdən keçirərək, MÜƏYYƏN ETDİ Kreditorun məhkəməyə təqdim etdiyi məhkəmə əmrinin verilməsinə dair ərizəsindən və ərizəyə əlavə edilmiş sənədlərdən görünür ki, Kreditor MMC ilə Borclu arasında 30 mart 2021-ci il tarixdə bağlanmış ******* saylı alqı-satqı müqaviləsinə əsasən borcluya 12 ay müddətinə ümumi qiyməti 1094.04 manat olan televizor Hisense H40B5600 smart TV, smartfon Xiaomi POCO M3 4/128GB blue verilmişdir. Borclu ödəniş cədvəlinə əsasən ödəməli olduğu borcu ödəməkdən yayınır və beləliklə borc müqaviləsinin tələblərini pozaraq üzərinə düşən öhdəliyi yerinə yetirmir. Borclunun cəmiyyətə olan borcunun ödənilməsi barədə dəfələrlə xəbərdarlıq edilməsinə və bildiriş göndərilməsinə baxmayaraq hazırkı vaxtadək onun cəmiyyətə olan borcu ödənilməmiş qalır. Hazırda borclunun Kreditor MMC-yə 1094.04 manat borcu yaranmışdır. Müqaviləyə əsasən müəyyən edilən müddətlər borc alan tərəfindən gecikdirildikdə, habelə icra edilmədikdə və ya lazımınca icra edilmədikdə kreditor pul öhdəliyinin vaxtından əvvəl icrasını tələb edə bilər. Azərbaycan Respublikası MPM-nin 276.1-ci maddəsinə əsasən, kreditorun tələbi aşkardırsa və ya həmin tələb borclunun barəsində mübahisə edilməyən vəzifəsinə əsaslanırsa, bu hallarda məhkəmə əmri verilə bilər. Azərbaycan Respublikası MPM-nin 281.1, 281.1.6-cı maddəsinə əsasən, dəbbə pulunun məbləği, əgər onun alınması qanunla və ya müqavilə ilə nəzərdə tutulmuşdursa məhkəmə əmrində göstərilməlidir. Ərizəyə əlavə olunmuş sənədlərlə Kreditor MMC-nin tələbinin aşkar olduğu və həmin tələbin borcluların mübahisə edilməyən vəzifəsinə əsaslandığı təsdiq olunur. Tələb sadə yazılı formada bağlanmış əqdə əsaslandığından, həmin tələb üzrə məhkəmə əmri verilməsini mümkün hesab edirəm. Yuxarıda göstərilənləri nəzərə alaraq və Azərbaycan Respublikası MPM-nin 275, 276, 280 və 281-ci maddələrini rəhbər tutaraq, ƏMR ETDİ: 1094.04 manat borc və ödənilmiş 20 manat məbləğində dövlət rüsumu xx xxxx 1968ci il tarixdə Gəncə şəhərində doğulmuş, Yevlax şəhəri, R.İbrahimov küçəsi mənzil 1-də qeydiyyatda olan Borclu alınaraq Kreditor MMC-yə ödənilsin. Borclu məhkəmə əmrini aldığı gündən 10 gün müddətinə verilmiş tələbə və ya onun hissəsinə qarşı əmri vermiş məhkəməni yazılı xəbərdar etməklə etiraz edə bilər. Məhkəmə əmri qətnamə qüvvəsinə malikdir. Məhkəmə əmrindən şikayət verilə bilməz. Hakim Ruslan Əlizadə