Yevlax Rayon Məhkəməsi Qərardad — İş №2(039)-2839/2022

Azərbaycan Respublikası adından QƏRARDAD Yevlax Rayou İş № 2(039)-2839/2022 07.12.2022 YEVLAX RAYON MƏHKƏMƏSİ Hakim Əliyev Toğrul Məhəmməd oğlunun sədrliyi ilə, İddiaçı Cavabdeh qarşı aliment tələbinə dair iddia ərizəsinə Yevlax Rayon Məhkəməsinin inzibati binasında baxaraq, müəyyən etdi: İddiaçı Cavabdeh qarşı iddia ərizəsi ilə Yevlax Rayon Məhkəməsinə müraciət edərək azyaşlı qızı xx.xx.2013-cü il təvəllüdlü X1 yetkinlik yaşına çatanadək saxlanılması üçün hər ay sabit pul məbləğində 200 manat alimentin ondan tutulub verilməsinə dair qətnamə çıxarılmasını xahiş edilmişdir. İddiaçı tərəfindən təqdim edilən sənədləri nəzərdən keçirərək məhkəmə hesab edir ki, iddia ərizəsi və ona əlavə edilən sənədlər geri qaytarılmalıdır. Mülki Prosessual Məcəllə: Maddə 149.2.4-1 ərizədə “Mediasiya haqqında” Azərbaycan Respublikasının Qanununa uyğun olaraq, tərəflərin məhkəməyə müraciət etməzdən əvvəl mediasiya prosesində iştirakı tələb olunduğu halda, həmin tələbə riayət edilməsinə dair məlumat göstərilməlidir. Maddə 150.0.8 “Mediasiya haqqında” Azərbaycan Respublikasının Qanununa uyğun olaraq, tərəflərin məhkəməyə müraciət etməzdən əvvəl mediasiya prosesində iştirakı tələb olunduğu halda, həmin tələbə riayət edilməsini təsdiq edən sənəd iddia ərizəsinə əlavə edilməlidir. Maddə 152.1.6-1 “Mediasiya haqqında” Azərbaycan Respublikasının Qanununa uyğun olaraq, tərəflərin məhkəməyə müraciət etməzdən əvvəl mediasiya prosesində iştirakı tələb olunduğu halda, həmin tələbə riayət edilməsini təsdiq edən sənəd təqdim edilmədikdə, iddia ərizəsi və ona əlavə edilmiş sənədlər geri qaytarılır. “Mediasiya haqqında” Azərbaycan Respublikası Qanunu: Maddə 3.1.2. ailə münasibətlərindən irəli gələn mübahisələr üzrə mediasiya tətbiq edilir. Maddə 28.1 kommersiya mübahisələri, həmçinin ailə və əmək münasibətlərindən irəli gələn mübahisələr üzrə məhkəməyə müraciət etməmişdən əvvəl tərəflər ilkin mediasiya sessiyasında iştirak etməlidirlər. Beləliklə, mülki prosessual qanunvericiliyin yuxarıda qeyd edilən normalarının tələbləri baxımından iddiaçı qeyd olunan iddia tələbi üzrə məhkəməyə müraciət etməzdən əvvəl mediasiya prosesində iştirakla bağlı tələbə riayət edilməsini təsdiq edən sənədi iddia ərizəsinə əlavə etməlidir. Lakin, iddiaçı buna dair sənədi iddia ərizəsinə əlavə etməmişdir. İddiaçı tərəfindən 25 aprel 2022-ci il tarixli İlkin mediasiya sessiyasına iştirak edilməməsi barədə arayış təqdim edilsə də, müəyyən olunur ki, həmin arayış tərəflər arasında digər iş üzrədir. Qeyd olunanlara əsasən, iddia ərizəsi və ona əlavə olunmuş sənədlər geri qaytarılmalıdır. İddiaçıya izah edilməlidir ki, hazırkı iddia ərizəsi ilə məhkəməyə müraciət etməzdən öncə “Mediasiya haqqında” Azərbaycan Respublikası Qanununun tələblərinə uyğun olaraq müvafiq mediatora müraciət etməlidir. İddia ərizəsinin qaytarılması, nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Şərh olunanlara əsasən və Azərbaycan Respublikası Mülki Prosessual Məcəllənin 152, 263-264, 268-ci maddələrini rəhbər tutaraq, məhkəmə qərara aldı: İddiaçı Cavabdeh qarşı aliment tələbinə dair iddia ərizəsi geri qaytarılsın. Qərardaddan, rəsmi qaydada verildikdən sonra, 10 gün müddətində Yevlax Rayon Məhkəməsinə şikayət verilə bilər. Hakim Toğrul Əliyev