Kürdəmir Rayon Məhkəməsi Qərardad — İş №2(041)-1791/2024

Azərbaycan Respublikası adından QƏRARDAD Kürdəmir rayon İş № 2(041)-1791/2024 08.08.2024 KÜRDƏMİR RAYON MƏHKƏMƏSİ Mən Kürdəmir rayon məhkəməsinin hakimi Bayramov Müseyib Seyfəddin oğlu, İddiaçı cavabdeh X3 qarşı qızıl-zinət əşyalarının tələbinə dair iddia ərizəsinə və ona əlavə edilmiş sənədlərə baxaraq, müəyyən etdim: İddiaçı məhkəməyə iddia ərizəsi ilə müraciət edərək evi tərk edərkən cavabdehdə saxlanılan və ona təhvil verilməyən 2620 manat dəyərində qızıl-zinət əşyaları, 46,2 manat dövlət rüsumu, sənədlərin hazırlanmasına xərclədiyi 50 manat, Mediasiya təşkilatına ödədiyi 50 manatın 25 manatı, cəmi 2696,2 manat pulun cavabdeh X1 tutularaq ona ödənilməsi barədə qətnamə çıxarılmasını xahiş etmişdir. İddia ərizəsinə əlavə edilmiş Bakı şəhəri Səbail rayon məhkəməsinin xx.xx.2024-cü il tarixli, 2(009)-1555/2024 nömrəli qərardadından görünür ki, iddiaçı X2 cavabdeh X3 qarşı qızıl-zinət əşyaları tələbinə dair iddia ərizəsi ilə Yasamal rayon məhkəməsinə müraciət etmiş və Yasamal rayon məhkəməsinin hesabına 46,20 manat məbləğində dövlət rüsumu ödəmişdir. Yasamal rayon məhkəməsinin qeyd edilən qərardadına əsasən cavabdeh E.E.İsayevin ünvan 1 ünvanda qeydiyyatda olduğu müəyyən edilmiş və iddiaçı tərəfindən Səbail rayon məhkəməsinin hesabına ödənilmiş 46,20 manat məbləğində dövlət rüsumu iddiaçıya geri qaytarılmaqla, ərazi aidiyyəti üzrə müraciət edilməsi üçün iddia ərizəsi ona əlavə edilmiş sənədlərlə birlikdə iddiaçıya qaytarılmışdır. İddia ərizəsi və ona əlavə edilmiş sənədlər araşdırılarkən müəyyən edildi ki, iddiaçı hazırki iddia tələbi ilə Kürdəmir rayon məhkəməsinə müraciət etsədə o, iddia ərizəsi verilməsi üçün qanunla müəyyən edilmiş məğləğdə dövlət rusumunu Kürdəmir rayon məhkəməsinin hesabına ödəmədən Səbail rayon məhkəməsinin hesabına ödədiyi dövlət rüsumu haqqında mədaxil qəbzini iddia ərizəsinə əlavə etmişdir. Bu da həmin işə Kürdəmir rayon məhkəməsində baxılmasını mümkünsüz edir. Azərbaycan Respublikası Mülki Prosessual Məcəlləsinin 150.1.2-ci maddəsinin tələbinə görə ərizəyə dövlət rüsumunun ödənilməsini təsdiq edən sənəd əlavə edilir. Həmin Məcəllənin 152.1.1-ci maddəsinə əsasən iddia ərizəsinin bu Məcəllənin 149-cu maddəsi ilə müəyyən olunmuş formasına və məzmununa riayət edilmədikdə və ya bu Məcəllənin 150.1.1-ci maddəsində göstərilən sənədlər iddia ərizəsinə əlavə hakim iddia ərizəsini və ona əlavə edilmiş sənədləri geri qaytarır. Ona görə də hesab edirəm ki, iddia ərizəsi AR MPM-nin 149-cu maddəsi ilə müəyyən olunmuş forma və məzmununa riayət edilməməklə verildiyinə və onun məhkəmə icraatı mümkün olmadığına görə İddiaçı cavabdeh X3 qarşı qızıl-zinət əşyalarının tələbinə dair iddia ərizəsi geri qaytarılmalıdır. Azərbaycan Respublikası Mülki Prosessual Məcəlləsinin 152.2-ci maddəsinə əsasən iddia ərizəsinin qaytarılması haqqında hakim qərardad çıxarır. Həmin Məcəllənin 152.4-cü maddəsinə əsasən iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Yuxarıda göstərilənləri və Azərbaycan Respublikası Mülki Prosessual Məcəlləsinin 152, 263, 264, 266-269-cu maddələrini rəhbər tutaraq, QƏRARA ALDİ: İddiaçı cavabdeh X3 qarşı qızıl-zinət əşyalarının tələbinə dair iddia ərizəsi İddiaçı qaytarılsın. İddiaçı göstərilən nöqsanlar aradan qaldırıldıqdan sonra ümumi qaydada məhkəməyə müraciət etmək hüququ izah edilsin. Qərardaddan qərardad tərəflərə təqdim edildikdən və ya tərəf onu aldıqdan sonra 10 gün müddətinə qərardadı çıxaran məhkəməyə şikayət verə bilər. Hakim: Müseyib Bayramov