Gəncə Şəhəri Nizami Rayon Məhkəməsi Qətnamə — İş №2(044)-2277/2020

Azərbaycan Respublikası adından QƏTNAMƏ Gəncə şəhəri İş № 2(044)-2277/2020 10.09.2020 GƏNCƏ ŞƏHƏRİ NİZAMİ RAYON MƏHKƏMƏSİ Hakim Şirinov Gündüz Əhməd oğlunun sədrliyi, Orucov Maarif Arif oğlunun katibliyi, İddiaçı iştirakı ilə, İddiaçı cavabdeh Sadıqova (Qasımova) Ruhanə Rüstəm qızına qarşı «aliment» tələbinə dair iddiası üzrə mülki işə Gəncə şəhəri Nizami Rayon Məhkəməsinin binasında açıq məhkəmə iclasında baxaraq, MÜƏYYƏN ETDİ: İddiaçı cavabdeh Sadıqova (Qasımova) Ruhanə Rüstəm qızına qarşı «aliment» tələbinə dair iddia ərizəsi ilə məhkəməyə müraciət edərək, cavabdeh xx.xx.2009-cu il təvəllüdlü X1 yetkinlik yaşına çatana kimi saxlanması üçün onun məhkəməyə müraciət etdiyi gündən hesablanaraq, məhkəmə qaydasında Cavabdeh, hər ay 170 manat sabit pul məbləğində aliment və 31 manat dövlət rüsumu alınaraq ona verilməsi barədə qətnamə çıxarılmasını xahiş etmişdir. İddiaçı məhkəmə iclasında bildirdi ki, Gəncə şəhəri Nizami Rayon Məhkəməsinin xx.xx.2013-cü il tarixli 2(044)-1754/2014 saylı qətnaməsinə Qasımova (Sadıqova) Ruhanə Rüstəm qızı ilə aralarında olan nikah pozulmuş, nikah pozulduqdan sonra xx.xx.2009-cu il təvəllüdlü X1 onun yanında saxlanması qət edilmişdir. O, övladının tərbiyəsi ilə və bütün xərclərini tək qarşılayır, cavabdeh ana olmasına baxmayaraq, uşağın tərbiyəsi ilə qəti olaraq maraqlanmamışdır. Uşaq məktəbdə oxuyur, onun hazırlıq, gəzinti, geyim və sair xərcləri onun tərəfindən təmin olunur. Məhkəmədən iddia tələbinin təmin olunması barədə qətnamə çıxarılmasını xahiş etdi. Cavabdeh Sadıqova (Qasımova) Ruhanə Rüstəm qızı məhkəmə iclasının vaxtı və yeri barədə xəbərdar olunmasına baxmayaraq gəlməmişdir. Məhkəmə Azərbaycan Respublikası MPM-nin 185.5-ci maddəsinə əsasən işə cavabdehin iştirakı olmadan baxılmasını mümkün hesab etdi. Məhkəməiddiaçının izahatını dinləyib,iş materiallarını araşdıraraq, hesab edir ki, iddiaqismən təmin edilməlidir. Belə ki, Gəncə şəhəri Nizami Rayon Məhkəməsinin xx.xx.2013-cü il tarixli 2(043)- 1754/2014 saylı qətnaməsinin surətindən görünür ki, iddia tələbi təmin edilmiş, X2 ilə İddiaçı aralarında xx xxxxxxx 2007-ci il tarixdə Gəncə şəhəri Nizami rayon Qeydiyyat şöbəsində 216 saylı akt qeydi ilə rəsmiləşdirilmiş nikah pozulmuş, nikah pozulduqdan sonra xx xxxxxx 2009-cu il tarixdə anadan olmuş X3 atası İddiaçı yanında saxlanılması qət edilmişdir. Azərbaycan Respublikası Ailə Məcəlləsinin 78.1-ci maddəsinə əsasən valideynlər arasında yetkinlik yaşına çatmayan uşaqlara aliment ödənilməsi barədə saziş yoxdursa, uşaqların saxlanması üçün vəsait tutulmasını tələb edən şəxsin xahişi ilə alimentin miqdarı məhkəmə tərəfindən hər ay ödənilməli olan sabit pul məbləğində müəyyən edilə bilər. Azərbaycan Respublikası Ailə Məcəlləsinin 100.2-ci maddəsinə əsasən aliment məhkəməyə müraciət edildiyi vaxtdan tutulur. Məhkəmə cavabdeh Sadıqova (Qasımova) Ruhanə Rüstəm qızından xx xxxxxx 2009-cu il tarixdə anadan olmuş X1 yetkinlik yaşına çatanadək saxlanması üçün xx.xx.2020-ci il tarixdən başlayaraq, hər ay 100 manat sabit pul məbləğində alimentin tutularaq iddiaçıya verilməsini məqsədə uyğun hesab edir. Şərh olunanlara əsasən və Azərbaycan Respublikası MPM-in 216-220, 227, 233, 360-cı maddələrini rəhbər tutaraq, məhkəmə QƏT ETDİ: İddia qismən təmin edilsin. Cavabdeh Sadıqova (Qasımova) Ruhanə Rüstəm qızından xx xxxxxx 2009-cu il tarixdə anadan olmuş X1 yetkinlik yaşına çatanadək saxlanması üçün xx.xx.2020-ci il tarixdən başlayaraq, hər ay 100 manat sabit pul məbləğində alimentin tutularaq, İddiaçı verilsin. İddia tələbi qalan hissədə təmin edilməsin. Cavabdeh Sadıqova (Qasımova) Ruhanə Rüstəm qızından 30 (otuz) manat dövlət rüsumu tutulub Azərbaycan Respublikasının dövlət büdcəsinə köçürülsün. Qətnamə dərhal icra edilsin. Qətnamədən bir ay müddətində Gəncə şəhəri Nizami Rayon Məhkəməsi vasitəsi ilə Gəncə Apellyasiya Məhkəməsinə apellyasiya şikayəti verilə bilər. Hakim: Gündüz Şirinov