Gəncə Şəhəri Nizami Rayon Məhkəməsi Qətnamə — İş №2(044)-2689/2020

Azərbaycan Respublikası adından QƏTNAMƏ Gəncə şəhəri İş № 2(044)-2689/2020 02.11.2020 GƏNCƏ ŞƏHƏRİ NİZAMİ RAYON MƏHKƏMƏSİ Hakim Hünmətov Zaur Adil oğlunun sədrliyi, Əsgərov Yadigar Əsgər oğlunun katibliyi, İddiaçı Bəhmən qızının, Cavabdeh X2 iştirakı ilə , İddiaçı Bəhmən qızının cavabdeh X4 qarşı “aliment” tələbinə dair iddia ərizəsi üzrə mülki işə açıq məhkəmə iclasında baxaraq məhkəmə, M Ü Ə Y Y Ə N E T D İ: İddiaçı Bəhmən qızı cavabdeh X4 qarşı “aliment” tələbinə dair iddia ərizəsi ilə məhkəməyə müraciət edərək, xx.xx.2012-ci il təvəllüdlü X5 yetkinlik yaşlarına çatanadək saxlanılması üçün hər ay 200 manat sabit pul məbləğində alimentin və əlavə xərclər üçün hər ay 100 manat pulun cavabdeh X1 tutulub ona verilməsinə dair qətnamə çıxarılmasını xahiş etmişdir. İŞİNHALLARİ İddiaçı tələbini onunla əsaslandırmışdır ki, o cavabdeh X8 ilə xx.xx.2010-cu il tarixdə, Gəncə şəhər Kəpəz rayon Qeydiyyat şöbəsində ailə qurmuş, birgə nikaharından xx.xx.2011-ci il təvəllüdlü X10, xx.xx.2012-ci il təvəllüdlü X11 və 24.05.201-cı il təvəllüdlü X9 doğulmuşdur. Cavabdehlə xasiyyətləri uyğun gəlmədiyi üçün Gəncə şəhəri Nizami rayon Məhkəməsinin xx.xx.2019-cu il tarixli qətnaməsinə əsasən aralarındakı nikah pozulmuşdur. Eyni zamanda Gəncə şəhər Nizami rayon Məhkəməsinin xx.xx.2019-cu il tarixli 2(044)-2814/19 saylı qətnaməsinə əsasən iddia təmin edilmiş, doğum Nikah haqqında şahadətnamənin notarial qaydada təsdiq olunmuş surətindən görünür ki, xx.xx.2012-ci ildə X7 Vilayətində anadan olmuş X5 atasının xx.xx.1988-ci il tarixdə, Gədəbəy rayonu, Əmiraslanlı kəndində anadan olmuş Cavabdeh müəyyən edilmişdir. Uşaqlar onun himayəsindədirlər və onların saxlanılması üçün maddi çətinlik çəkir. Ona görə də, aliment tələbi ilə məhkəməyə müraciət etməyə məcbur olmuşdur. İş materiallarında olan aşağıda sadalanan sənədlər məhkəmə araşdırmasının predmetini təşkil etmişdir. Həmin sənədlərin məzmununa istinad edilir: Saratov vilayəti VVAQ işləri üzrə Balakovo şəhəri və Balokovo rayonu ezrə VVAQ şöbəsi tərəfindən verilmiş xx xxxxxxxx 2012-ci il tarixli İİ-PY 701093 saylı doğum haqqında şahadətnamənin notarial qaydada təsdiq edilmiş surətindən görünür ki, X11 xx.xx.2012-ci ildə Saratov Vilayəti, Balakovo şəhərində anadan olmuşdur. Bu barədə akt qeydləri kitabında 1656 nömrə ilə qeyd edilmişdir. Ana qrafasında İddiaçı Bəhmən qızı göstərilmişdir; Gəncə şəhər Nizami rayon Məhkəməsinin xx.xx.2019-cu il tarixli 2(044)- 2814/19 saylı qətnaməsindən görünür ki, iddia təmin edilmiş, doğum Nikah haqqında şahadətnamənin notarial qaydada təsdiq olunmuş surətindən görünür ki, xx.xx.2012-ci ildə X7 Vilayətində anadan olmuş X5 atasının xx.xx.1988-ci il tarixdə, Gədəbəy rayonu, Əmiraslanlı kəndində anadan olmuş Cavabdeh müəyyən edilmişdir; Gəncə şəhər Nizami rayon Məhkəməsinin xx.xx.2020-ci il tarixli 2(044)-1848/20 saylı qətnaməsindən görünür ki, iddia qismən edilmiş, Gəncə şəhər Nizami rayon Məhkəməsinin xx.xx.2019-cu il tarixli 2(044)-2813/19 saylı qətnaməsi ilə müəyyən olunmuş aıimentin miqdarı artırılaraq X6 və X3 yetkinlik yaşına çatanadək saxlanılmaları üçün Cavabdeh hər ay hər uşaq üçün 150 manat, cəmi 300 manat sabit pul məbləğində aliment tutularaq İddiaçı xeyrinə ödənilmişdir. ETİRAZİN DƏLİLLƏRİ VƏ TƏRƏFLƏRİN İZAHATLARİ Məhkəmə iclasında iştirak edən İddiaçı Bəhmən qızı iddia ərizəsinin məzmununa uyğun izahat verərək, məhkəmədən iddia ərizəsinin təmin edilməsinə dair qətnamə qəbul edilməsini xahiş etdi. Cavabdeh X8 iddia tələbini qəbul etməyərək məhkəmədən iddianın rəddedilməsinə dair qətnamə qəbul edilməsini məhkəmədən xahişetdi. HÜQUQİ MƏSƏLƏLƏR Məhkəmə, tərəflərin izahatını dinləyərək, iş materiallarını araşdıraraq, iddia tələbində göstərilənləri, iş materiallarında olan iş üzrə təqdim olunmuş digər sübutlarla yanaşı yoxlayaraq, işdə olan sübutları işin bütün faktiki hallarının tam, hərtərəfli və obyektiv araşdırılmasına əsaslanmaqla qiymətləndirərək belə hesab edir ki, iddia qismən təmin edilməlidir. Belə ki, Azərbaycan Respublikası Konstitusiyasının 17-ci maddəsinə əsasən uşaqların qayğısına qalmaq və onları tərbiyə etmək valideynlərin borcudur. Azərbaycan Respublikası Konstitusiyasının 34.4-cü maddəsinə əsasən ər ilə arvadın hüquqları bərabərdir. Uşaqlara qayğı göstərmək, onları tərbiyə etmək valideynlərin həm hüququ, həm də borcudur. “Uşaq hüquqları haqqında” Azərbaycan Respublikası Qanununun 19-cu maddəsinə görə valideynlərin uşağın tərbiyəsində bərabər hüquq və vəzifələri vardır. Onlar uşağı sağlam böyütməli, ümumbəşəri və milli dəyərlər əsasında tərbiyə etməli, müstəqil həyata hazırlamalıdırlar. Uşağın qabiliyyətinin inkişaf etdirilməsi, onun maddi və mənəvi təlabatlarının təmin edilməsi, hüquq və mənafelərinin mühafizəsi valideynlərin əsas vəzifələridir. Azərbaycan Respublikası Ailə Məcəlləsinin 75.1-ci maddəsinə əsasən valideynlər uşaqlarını saxlamağa borcludurlar.Həmin Məcəllənin 75.4-cü maddəsinə əsasən, valideynlər uşaqlarını saxlamadıqda uşaqların saxlanılması üçün vəsait (aliment) valideynlərdən məhkəmə qaydasında tutulur. Azərbaycan Respublikasının Ailə Məcəlləsinin 78.1-ci maddəsinə görə, valideynlər arasında yetkinlik yaşına çatmayan uşaqlara aliment ödənilməsi barədə saziş yoxdursa, eləcə də aliment verməyə borclu olan valideynin qazancı (gəliri) qeyri-müntəzəm, dəyişən olarsa, ya qazancın (gəlirin) hamısını və ya bir hissəsini həmin valideyn natura və ya xarici valyuta ilə alırsa, yaxud onun qazancı və ya sair gəliri yoxdursa, habelə alimentin valideynin qazancından (gəlirindən) müəyyən hissə kimi tutulması mümkün olmadığı, çətinlik törətdiyi və tərəflərdən birinin marağının əhəmiyyətli dərəcədə pozulduğu başqa hallarda, uşaqların saxlanması üçün vəsait tutulmasını tələb edən şəxsin xahişi ilə alimentin miqdarı məhkəmə tərəfindən hər ay ödənilməli olan sabit pul məbləğində və ya eyni zamanda həm sabit pul məbləğində, həm də bu Məcəllənin 76-cı maddəsinə uyğun olaraq qazancın (gəlirin) müəyyən hissəsi kimi müəyyən edilə bilər. Həmin Məcəllənin 78.2-ci maddəsinə əsasən sabit pul məbləğinin miqdarı məhkəmə tərəfindən tərəflərin maddi və ailə vəziyyəti, diqqətəlayiq olan digər hallar nəzərə alınmaqla uşağın əvvəlki təminatının səviyyəsinin mümkün qədər maksimal saxlanması əsas tutularaq müəyyən edilir. Məhkəmə araşdırması zamanı müəyyən edilmişdir ki, tərəflərin nikahları xx.xx.2019-cu il tarixdə rəsmiləşmiş, birgə nikahlarından xx.xx.2020-ci il təvəllüdlü X12 anadan olmuşdur. Uşaq hazırda anasının himayəsində yaşayır və cavabdeh uşağa hər hansı maddi yardım göstərmir. Məhkəmə uşağın anasının himayəsində olmasını, onun təlim və tərbiyəsi ilə təkcə ananın məşğul olmasını, uşağın saxlanması vəzifəsinin hər iki valideynin vəzifəsi olmasını, həmçinin uşağın minimum dolanacaq xərclərindən az olmayan maddi təminat almaq hüququnu, onların mənafeyini, böyüdükcə artan tələbatlarını, aylıq təminatının səviyyəsinin mümkün qədər maksimal saxlanılmasının şərtlərini, iddiaçının uşağın saxlanılması üçün tələbatını təkbaşına ödəyə bilməsinin çətin olmasını nəzərə alaraq hesab edir ki, iddia tələbi qismən təmin edilərək, hər ay 100 manat sabit pul məbləğində aliment xx.xx.2012-ci il təvəllüdlü X5 yetkinlik yaşlarına çatanadək saxlanılması üçün cavabdeh X1 tutularaq İddiaçı Bəhmən qızına ödənilməlidir. Ailə Məcəlləsinin 100.2-ci maddəsinə əsasən aliment məhkəməyə müraciət edildiyi vaxtdan tutulur. İş materiallarından göründüyü kimi iddiaçı alimentlə bağlı məhkəməyə xx.xx.2020-ci ildə müraciət etdiyindən alimentin tutulmasına həmin tarixdən başlanılmalıdır. İddiaçı cavabdehin qazancı barədə məhkəməyə sübut təqdim etmədiyindən və cavabdeh hazırda iddiaçının himayəsində olan digər iki uşağına da hər ay 300 manat məbləğində aliment ödədiyindən məhkəmə iddia tələbini iddia ərizəsində göstərilən həddə təmin edilməsi üçün hüquqi əsaslar müəyyən etmədi. Məhkəmə iş üzrə sübutlara Mülki Prosessual Məcəllənin 88-ci maddəsinin tələblərinə uyğun olaraq obyektiv, qərəzsiz, hərtərəfli və tam baxdıqdan sonra həmin sübutlara tətbiq edilməli hüquq normalarına müvafiq olaraq qiymətləndirib, iddia tələbi üzrə nəticəyə gələrkən isə Mülki Prosessual Məcəllənin 217.4-cü maddəsində təsbit edilmiş bilavasitəlilik prinsipinə uyğun olaraq yalnız məhkəmə iclasında tədqiq olunmuş sübutlara əsaslanmışdır. Azərbaycan Respublikası MPM-nin 218.1-ci maddəsinə əsasən hakim işdə iştirak edən şəxslərin verdiyi tələblər üzrə qətnamə çıxarır. Azərbaycan Respublikası Mülki-Prosessual Məcəlləsinin 107-ci maddəsinə əsasən, məhkəmə xərcləri dövlət rüsumundan və işə baxılması ilə əlaqədar olan məsrəflərdən ibarətdir. Cavabdehdən “Dövlət rüsumu haqqında” Azərbaycan Respublikası Qanununun 9.1.2-ci və 9.4.-cü maddələrinin tələblərinə uyğun olaraq 30 (otuz) manat dövlət rüsumu xərci cavabdehdən tutularaq dövlət büdcəsinə ödənilməlidir. Azərbaycan Respublikası Mülki-Prosessual Məcəlləsinin 119.1-ci maddəsinin tələblərinə görə, məhkəmə xərcləri ödənilmiş tələblərin məbləğinə münasib olaraq işdə iştirak edən şəxslərə aid edilir. Həmin Məcəllənin 119.2.-ci maddəsinə əsasən iddiaçı müəyyən olunmuş qaydada dövlət rüsumunu ödəməkdən azad edilmişdirsə, dövlət rüsumu iddianın təmin edilmiş hissəsinə münasib olaraq cavabdehdən tutularaq dövlət gəlirlərinə alınır. Qeyd olunanları nəzərə alaraq və Azərbaycan Respublikası Mülki Prosessual Məcəlləsinin 216-220-ci, 227, 233, 360 və 362-ci maddələrini rəhbər tutaraq, məhkəmə Q Ə T E T D İ: İddia qismən təmin edilsin. X1 xx.xx.2020-ci il tarixdən başlayaraq xx.xx.2012-ci il təvəllüdlü X5 yetkinlik yaşlarına çatanadək saxlanılması üçün hər ay 100 manat sabit pul məbləğində aliment tutularaq İddiaçı Bəhmən qızının xeyrinə ödənilsin. İddiaçı Bəhmən qızının ödəməkdən azad edildiyi 30 (otuz) manat dövlət rüsumu X1 tutularaq dövlət büdcəsinə ödənilsin. Qətnamə dərhal icra edilsin. İddia tələbi qalan hissədə təmin edilməsin. Qətnamədən, rəsmi qaydada verildiyi vaxtdan 01 (bir) ay müddətində Gəncə şəhəri Nizami rayon məhkəməsi vasitəsilə Gəncə Apellyasiya Məhkəməsinə apellyasiya şikayəti verilə bilər. Qətnamədən şikayət verilməzsə, qəbul edildiyi gündən 01 (bir) ay keçdikdən sonra qanuni qüvvəyə minir. Sədrlik edən: Zaur Hünmətov