Lənkəran Rayon Məhkəməsi Qətnamə — İş №2(049)-703/2024

Azərbaycan Respublikası adından QƏTNAMƏ Lənkəran şəhəri İş № 2(049)-703/2024 28.02.2024 LƏNKƏRAN RAYON MƏHKƏMƏSİ GİRİŞ HİSSƏ: Hakim Məmmədov Rəşad Azad oğlunun sədrliyi, məhkəmə iclasının katibi Abbaszadə Fərid Şahüseyn oğlunun katibliyi, İddiaçı və Cavabdeh iştirakı ilə, İddiaçı Cavabdeh qarşı «aliment» tələbinə dair mülki işə məhkəmənin inzibati binasında açıq məhkəmə iclasında baxaraq, məhkəmə TƏSVİRİ HİSSƏ: MÜƏYYƏN ETDİ: İddiaçı iddia ərizəsi iddia ərizəsi ilə məhkəməyə müraciət edərək, Cavabdeh xx.xx.2009-cu il tarixdə doğulmuş X2 və xx.xx.2009-cu il tarixdə doğulmuş X3 yetkinlik yaşına çatana kimi saxlanmasından ötrü cavabdehdən hər ay hər uşağa 250 manat sabit pul məbləğində alimenti və mediasiya Şurasına ödədiyi 60 manat pulu cavabdehdən tutulması barədə qətnamə çıxarılmasını xahiş etmişdir. İddia ərizəsində və məhkəmə iclasında verdiyi izahatında İddiaçı tələbini onunla əsaslandırmışdır ki, iş üzrə Cavabdeh ilə nikahları xx.xx.2009-cu il tarixdə Lənkəran rayon Qeydiyyat şöbəsində 12 sayla qeydə alınmış, birgə nikahlarından xx.xx.2009-cu il tarixdə X2 və xx.xx.2009-cu il tarixdə X4 adlı uşaqları doğulmuşdur. Lənkəran Rayon Məhkəməsinin xx.xx.2021-ci il tarixli, 2(049)-11012021-ci il tarixli qətnaməsi ilə cavabdeh aralarında olan xx.xx.2009-cu il tarixli Lənkəran rayon Qeydiyyat Şöbəsinin 12 sayla qeyd pozulmuşdur. Elməddin və Elgün adlı uşaqlar onun himayəsində qalmışdır. Hal hazırda hər iki övladı onun yanında yaşayır. Uşaqlarını özü saxlayır. O uşaqlarının maddi təminatını özü ödəyir, cavabdehin yardımına əvvəl ehtiyacı yox idi. Ona görə aliment tələb etməyib. Hazırda uşaqlar böyüyüblər, onların təlabatı günü-gündə artır, özü günəmuzd işləyir. Cavabdeh isə Bakı şəhərində yerləşən Sədərək bazarında fərdi əməklə məşquldur. Lakin üç ildən çoxdur ki, heç bir uşaqla maraqlanmır və ya maddi yardım etmir. Cavabdeh mediyasiya prosessində iştirak etmədi. Hər uşaq üçün ayda 250 manat aliment tələb edir. Çünki hər uşağın ayda 400 manatdan çox xərci vardır. Ona görə aliment tələbinə məhkəməyə müraciət etməyə qərarına gəlmişdir. Məhkəmə iclasında Cavabdeh izahat verərək bildirmişdir ki, o iddianı qəbul etmir. Əgər iddiaçı uşaqları saxlaya bilmir, maddi cəhətdən təmin edə bilmirsə, uşaqlarını ona versin. Onun aliment ödəməyə maddi imkanı yoxdur. Heç bir aliment ödəməyəcəkdir. TƏDQİQ EDİLMİŞ SÜBUTLAR: Doğum haqqında şəhadətnamənin təsdiq olunmuş surətindən görünür ki, X4 10 sentyabr 2009-cu il tarixdə Lənkəran şəhərində doğulmuşdur. Anası Cavabdeh, atası İddiaçıdur. Doğum haqqında şəhadətnamənin təsdiq olunmuş surətindən görünür ki, X2 10 sentyabr 2009-cu il tarixdə Lənkəran şəhərində doğulmuşdur. Anası Cavabdeh, atası İddiaçıdur. Nikahın pozulması haqqında şəhadətnamədən görünür ki, Cavabdeh və İddiaçı xx.xx.2021-ci il tarixdə, 313 saylı akt qeydi ilə nikahları pozulmuşdur. Lənkəran ŞİHB-nın Şağlaküçə kənd inzibati ərazi dairəsi üzrə nümayəndəliyinin xx.xx.2023-cü il tarixli arayışdan görünür ki, İddiaçı Lənkəran rayonu Şağlaküçə kəndində yaşayır və qeydiyyatdadır. İddiaçı xx.xx.2021-ci il tarixindən arvadı Cavabdeh ilə boşandıqdan sonra övladları X2 və X4 ilə birlikdə ona məxsus olan evdə onun himayəsi altında yaşayır. Lənkəran Rayon Məhkəməsinin 2(049)-110/2021 saylı, xx.xx.2021-ci il tarixli qətnamədən görünür ki, Cavabdeh ilə İddiaçı arasında 01 oktyabr 2009-cu il tarixdə Lənkəran rayon Qeydiyyat Şöbəsində 12 sayla qeydə alınmış nikah akt qeydi pozulmuş, tərəflərin birgə nikahından xx.xx.2009-cu il tarixdə doğulmuş X2 və xx.xx.2009-cu il tarixdə doğulmuş X3 İddiaçı yanında qalmaları müəyyən edilmişdir. ƏSASLANDİRİCİ HİSSƏ: Məhkəmə tərəflərin izahatını dinləyib, iş materiallarını araşdıraraq hesab edir ki, iddia qismən təmin olunmalıdır. Belə ki, iş üzrə məhkəmə araşdırılması zamanı müəyyən edilmişdir ki, tərəflərin birgə nikahlarından Elməddin və Elgün adlı iki uşaqları doğulmuşur. Uşaqlar hal hazırda yetkinlik yaşına çatmamaqla iddiaçının yanında qalır. Tərəflər arasında alimentin ödənilməsi ilə əlaqədar hər hansı saziş bağlanılmamışdır. Azərbaycan Respublikasının Ailə Məcəlləsinin 75.1-ci maddəsinə əsasən valideynlər uşaqlarını saxlamağa borcludurlar. Həmin Məcəllənin 78.1-ci maddəsinə görə valideynlər arasında yetkinlik yaşına çatmayan uşaqlara aliment ödənilməsi barədə saziş yoxdursa, eləcə də aliment verməyə borclu olan valideynin qazancı (gəliri) qeyri-müntəzəm, dəyişən olarsa, ya qazancın (gəlirin) hamısını və ya bir hissəsini həmin valideyn natura və ya xarici valyuta ilə alırsa, yaxud onun qazancı və ya sair gəliri yoxdursa, habelə alimentin valideynin qazancından (gəlirindən) müəyyən hissə kimi tutulması mümkün olmadığı, çətinlik törətdiyi və tərəflərdən birinin və ya marağının əhəmiyyətli dərəcədə pozulduğu başqa hallarda, uşaqların saxlanmasıüçün vəsait tutulmasını tələb edən şəxsin xahişi ilə alimentin miqdarı məhkəmə tərəfindən hər ay ödənilməli olan sabit pul məbləğində və ya eyni zamanda həm sabit pul məbləğində,həm də bu Məcəllənin 76-cı maddəsinə uyğun olaraq qazancın (gəlirin) müəyyən hissəsi kimi müəyyən edilə bilər. Habelə həmin Məcəllənin 78.2-ci maddəsinə görə sabit pul məbləğinin miqdarı məhkəmə tərəfindən tərəflərin maddi və ailə vəziyyəti, diqqətəlayiq olan digər hallar nəzərə alınmaqla uşağın əvvəlki təminatının səviyyəsinin mümkün qədər maksimal saxlanması əsas tutularaq müəyyən edilir. «Uşaq hüquqları haqqında» Azərbaycan Respublikasının Qanununun 5 və 13-cü maddəsində təsbit olunmuşdur ki, dövlət orqanları, bütün fiziki və hüquqi şəxslər öz fəaliyyətində uşaqların mənafelərini üstün tutmalı, onların hüquqlarının təmin olunmasına şərait yaratmalıdırlar. Azərbaycan Respublikasının normativ hüquqi aktları və müvafiq orqanların qərarları uşaq mənafelərinə zidd olmamalı və onların icrası uşaqların həyatına, inkişafına və tərbiyəsinə zərər gətirməməlidir. Uşağın hüquq və mənafelərini məhdudlaşdıran hər hansıəqd etibarsızdır. Uşağın Azərbaycan Respublikasının qanunvericiliyi ilə müəyyən edilmiş minimum dolanacaq xərclərindən az olmayan maddi təminat almaq hüququ vardır. Məhkəmə yuxarıda qeyd olunan hüquq normalarının tələblərini və uşaqların əvvəlki təminatının mümkün qədər saxlanılmalı olmasını nəzərə alaraq hesab edir ki, tərəflərin birgə nikahından xx.xx.2009-cu il tarixdə doğulmuş X4 və xx.xx.2009-cu il tarixdə doğulmuş X1 yetkinlik yaşına çatanadək saxlanılması üçün hər ay bir uşağa görə 50 manat olmaqla, cəmi 100 manat məbləğində aliment cavabdehdən tutularaq iddiaçıya ödənilməlidir. Məhkəmə alimentin tutulmasının başlanğıcı ilə əlaqədar aşağıdakıları qeyd edir: Ailə Məcəlləsinin 100.2-ci maddəsində göstərilir ki, aliment məhkəməyə müraciət edildiyi vaxtdan tutulur. Məhkəmə alimentin tutulmasının başlanğıcı ilə əlaqədar hesab edir ki, himayəsində azyaşlı uşaqları olan iddiaçı 09 yanvar 2024-cü il tarixdə aliment tələbi ilə məhkəməyə ərizə ilə müraciət etdiyindən alimentin tutulmasının başlanğıcı həmin tarixdən vaxtdan hesablanmalıdır. MPM-nin 234.2 və 234.2.1-ci maddəsinə əsasən şəxsin saxlanılması üçün vəsaitlərin, o cümlədən alimentlərin alınması haqqında qətnamələr dərhal icra olunur. «Dövlət rüsumu haqqında» Azərbaycan Respublikası qanununun 9.1.2-ci maddəsinə əsasən aliment alınması barədə iddialar üzrə iddiaçılar dövlət rüsumu ödəməkdən azad olunurlar. Həmin Qanunun 9.4-cü maddəsində isə nəzərdə tutulmuşdur ki, iddiaçı müəyyən olunmuş qaydada dövlət rüsumunu ödəməkdən azad edilmişsə, dövlət rüsumu iddianın təmin edilmiş hissəsinə münasib olaraq cavabdehdən tutularaq dövlət büdcəsinə köçürülür. Azərbaycan Respublikasının Mülki-Prosessual Məcəlləsinin 112.1.3-cü maddəsinə əsasən aliment alınması haqqındakı iddialarda iddianın qiyməti bir il ərzində ödəmənin məcmusu ilə müəyyən edilir. MPM-nin 119.2-ci maddəsinə və «Dövlət rüsumu haqqında» Qanunun 9.4-cü maddəsinə görə iddiaçı müəyyən olunmuş qaydada dövlət rüsumunu ödəməkdən azad edilmişsə, dövlət rüsumu iddianın təmin edilmiş hissəsinə münasib olaraq cavabdehdən tutularaq dövlət gəlirlərinə alınır. Azərbaycan Respublikasının Mülki Prosessual Məcəlləsinin 112.1.6-cı maddəsinin və «Dövlət rüsumu haqqında» Qanunun 8.1.2-ci maddəsinin tələbləri baxımından hazırkı iddia ərizəsinin verilməsinə görə 32 manat məbləğində dövlət rüsumu ödənilməlidir. Ona görə də cavabdehdən 32 manat məbləğində dövlət rüsumu tutularaq dövlət büdcəsinə köçürülməlidir. «Dövlət rüsumu haqqında» qanunun 9.1-ci maddəsinə görə isə «Mediasiya haqqında» Azərbaycan Respublikasının qanununa uyğun olaraq mediasiya prosesinin nəticəsinə dair barışıq sazişi bağlanmadıqda məhkəməyə müraciət edərkən mediasiya prosesi ilə bağlı xərclərin öz üzərinə düşən hissəsini ödəmiş tərəf və ya həmin Qanunun 36.2-ci maddəsinə uyğun olaraq mediasiya xərclərini ödəmiş tərəf dövlət rüsumunu ödəməkdən azad olunur. Belə olan halda ödənilmiş 32 manat dövlət rüsumu və ilkin mediasiya prosesində iştirak üçün ödənilmiş 55 manat cavabdehdən tutularaq iddiaçıya aid edilməlidir. MPM-nin 217.4-cü maddəsinin tələblərinə görə, məhkəmə (hakim) öz qətnaməsini yalnız məhkəmə iclasında tədqiq olunmuş sübutlarla əsaslandırır. Həmin Məcəllənin 218.3-cü maddəsinin tələblərinə əsasən, hakim işdə iştirak edən şəxslərin verdiyi tələblər üzrə qətnamə çıxarır. NƏTİCƏ HİSSƏSİ: Göstərilənlərə əsasən və MPM-nin 216-220, 360-cı maddələrini rəhbər tutaraq, məhkəmə QƏT ETDİ: İddia qismən təmin edilsin. xx.xx.2009-cu il tarixdə doğulmuş X4 və xx.xx.2009-cu il tarixdə doğulmuş X1 yetkinlik yaşına çatanadək saxlanılması üçün xx.xx.2024-cü il tarixdən başlayaraq Cavabdeh hər ay bir uşağa görə 50 manat olmaqla, cəmi 100 manat sabit pul məbləğində aliment tutularaq İddiaçı verilsin. Ödənilməli dövlət rüsumunun məbləği – 32 manat Cavabdeh tutularaq dövlət büdcəsinə ödənilsin. Mediasiya prosesində iştirak üçün ödənilmiş 55 manat iddiaçıya aid edilsin. Qətnamə dərhal icra edilsin. Qətnamədən rəsmi qaydada verildiyi gündən 1(bir) ay müddətində Lənkəran Rayon Məhkəməsi vasitəsi ilə Şirvan Apellyasiya Məhkəməsinə apellyasiya şikayəti verilə bilər. Hakim Rəşad Məmmədov