Masallı Rayon Məhkəməsi Qərardad — İş №2(050)-1144/2025

Azərbaycan Respublikası adından QƏRARDAD Masallı rayonu İş № 2(050)-1144/2025 06.03.2025 MASALLI RAYON MƏHKƏMƏSİ Masallı Rayon Məhkəməsinin hakimi X2, İddiaçı Cavabdeh qarşı aliment tələbinə dair iddia ərizəsini və ona əlavə edilmiş sənədləri nəzərdən keçirərək müəyyən etdim: İddiaçı Cavabdeh qarşı aliment tələbi barədə iddia ərizəsi ilə müraciət edərək, 12 yanvar 2009-cu ildə anadan olmuş X1 yetkinlik yaşına çatana kimi saxlanılması üçün Cavabdeh 235 manat aliment pulunun alınıb ona verilməsi barədə qətnamə çıxarılmasını xahiş etmişdir. İddia ərizəsini və ona əlavə olunmuş sənədləri nəzərdən keçirərək hesab edirəm ki, ərizə geri qaytarılmalıdır. Azərbaycan Respublikası Mülki Prosessual Məcəlləsinin: 149.2. Ərizədə aşağıdakılar göstərilməlidir: 149.2.2. iddiaçının, onun nümayəndəsinin (əgər iddia ərizəsini nümayəndə təqdim edirsə), cavabdehin və işdə iştirak edən digər şəxslərin, şahidin və məhkəmə iclasına dəvət etmək istədiyi digər şəxslərin soyadı, adı, atasının adı (hüquqi şəxsə münasibətdə adı), şəxsiyyəti eyniləşdirməyə imkan verən digər məlumatlar, yaşayış yeri və ya olduğu yer (həm faktiki, həm də rəsmi qeydə alındığı ünvanı), yazışmaların aparılmasının istənildiyi digər ünvan, olduğu halda - iş yerinin ünvanı, telefon nömrələri, o cümlədən mobil telefon nömrələri, elektron poçt ünvanı, cavabdehin və işdə iştirak edən digər şəxslərin eyniləşdirmə məlumatları (şəxsiyyət vəsiqəsinin seriya nömrəsi və ya VÖEN, əcnəbilərin və vətəndaşlığı olmayan şəxslərin, xarici hüquqi şəxslərin və ya onların nümayəndəsinin eyniləşdirmə məlumatları) İddia ərizəsi və iş materiallarına əlavə edilmiş şəxsiyyəti təsdiq edən sənəddə iddiaçının soyadı və adı İddiaçı kimi qeyd edilsə də, 12 yanvar 2009-cu il təvəllüdlü X1 doğum haqqında şəhadətnaməsinin ana qrafasında anası “X6” qızı kimi qeyd edilmişdir. Həmçinin işdə olan doğum haqqında şəhadətnamədə X3 qeyd edilmişdir. İddia ərizəsində iddiaçı qeyd etmişdir ki, sonradan soyadını və adını dəyişdirib İddiaçı ad və soyadı daşımağa başlamışdır. Lakin iş materiallarına iddiaçının adının və soyadının dəyişdirilməsinə dair hər hansı sənəd əlavə edilməmişdir. Masallı Rayon Məhkəməsinin 20 dekabr 2024-cü il tarixli, 2(050)-4251/2024 saylı qərardadından görürür ki, İddiaçı Cavabdeh qarşı aliment tələbi barədə iddia ərizəsi ilə müraciət etmiş, iddia ərizəsi və ona əlavə edilmiş sənədlər iş materiallarına iddiaçının adının dəyişdirilməsinə dair hər hansı bir sənəd əlavə edilmədiyindən geri qaytarılmışdır və iddiaçıya göstərilən nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etmək hüququnun olması izah edilmişdir. Lakin iddiaçı Masallı Rayon Məhkəməsinin 20 dekabr 2024-cü il tarixli, 2(050)- 4251/2024 saylı qərardadında göstərilən nöqsanları aradan qaldırmadan yenidən məhkəməyə müraciət etmişdir. MPM-nin 150.3-cü maddəsinə əsasən iddia ərizəsi bu Məcəllənin tələblərinə riayət edilməklə verildikdə, onun məhkəmə icraatı mümkündür. MPM-nin 152.1 və 152.1.1-ci maddələrinə əsasən iddia ərizəsinin bu Məcəllənin 149cu maddəsi ilə müəyyən olunmuş formasına və məzmununa riayət edilmədikdə və ya bu Məcəllənin 150.1.1-ci maddəsində göstərilən sənədlər iddia ərizəsinə əlavə edilmədikdə hakim iddia ərizəsini və ona əlavə edilmiş sənədləri geri qaytarır. Yuxarıda göstərilənlərə və Azərbaycan Respublikası MPM-nin 149, 150 və 152-ci maddələrinə əsasən məhkəmə qərara aldı: İddiaçı Cavabdeh qarşı aliment tələbinə dair iddia ərizəsi və ona əlavə edilmiş sənədlər geri qaytarılsın. İddia ərizəsinin qaytarılmasına səbəb olan nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Qərardad tərəflərə rəsmi qaydada verildikdən sonra 10 gün müddətində (“Elektron məhkəmə” informasiya sistemində yaradılan elektron kabinet vasitəsi ilə) Masallı Rayon Məhkəməsinə şikayət verilə bilər. X7