Masallı Rayon Məhkəməsi Qərardad — İş №2(050)-1155/2023

Azərbaycan Respublikası adından QƏRARDAD Masallı rayonu İş № 2(050)-1155/2023 31.07.2023 MASALLI RAYON MƏHKƏMƏSİ X3 Ağabala oğlunun sədrliyi, Məhkəmə iclas katibi X1, İddiaçının nümayəndəsi (vəkili) Vəkil, cavabdeh "xxxx" ASC-nin nümayəndəsi Nümayəndə iştirakları ilə, İddiaçı cavabdehlər Cavabdeh1ndə Nitariat Ofisinə və "xxxx" ASC-nə qarşı notariusun icra qeydinin ləğv edilməsi və sonrakı ipoteka müqaviləsinin etibarsız hesab edilməsi tələbinə dair ərizəsi üzrə mülki işə məhkəmənin hazırlıq iclasında baxaraq, məhkəmə MÜƏYYƏN ETDİ: İddiaçı cavabdehlər Cavabdeh1ndə Nitariat Ofisinə və "xxxx" ASC-nə qarşı notariusun icra qeydinin ləğv edilməsi və sonrakı ipoteka müqaviləsinin etibarsız hesab edilməsi tələbi ilə bağlı məhkəməyə müraciət etmişdir. 31 iyul 2023-cü il tarixdə iddiaçının nümayəndəsi (vəkili) Vəkil məhkəmə iclasında ərizə təqdim edərək bildirdi ki, tərəflər arasında mübahisə ilə bağlı məhkəmədənkənar həlli ilə əlaqədar olaraq iddia ərizəsinin baxılmamış saxlanılmasını və iddia ərizəsinə əlavə edilmiş sənədlərin geri qaytarılmasını xahiş etdi. Cavabdeh "xxxx" ASC-nin nümayəndəsi Nümayəndə məhkəmə iclasında verdiyi izhatında iddia ərizəsinin baxılmadan geri qaytarılmasına etiraz etmədiyini qeyd etdi. Digər cavabdeh məhkəmə iclasının yeri və vaxtı barədə lazımi qaydada xəbərdar edilsə də, məhkəmə iclasına gəlməmiş və gəlməməsinin səbəbləri barədə məhkəməyə məlumat verməmişdir. Məhkəmə Azərbaycan Respublikası Mülki Prosessual Məcəlləsinin (bundan sonra - MPM) 185.5-ci maddəsinə əsasən işə digər cavabdehin iştirakı olmadan baxılmasını mümkün hesab etmişdir. Məhkəmə hesab edir ki, iddia ərizəsi və ona əlavə edilmiş sənədlər geri qaytarılmalıdır. Azərbaycan Respublikası Mülki Prosessual Məcəlləsinin (MPM) “İşin məhkəmə baxışına hazırlanması zamanı iş üzrə icraatın dayandırılması, xitam verilməsi və ərizənin qaytarılması” adlanan 170-ci maddəsinə müvafiq olaraq bu Məcəllənin 254, 255, 261.0.1- 261.0.3 və 261.0.6-261.0.8-ci maddələrində göstərilən əsaslar olduqda, məhkəmə baxışına hazırlığın icraatı dayandırıla və ya xitam edilə bilər, yaxud iddiaçının vəsatəti ilə ərizə qaytarıla bilər. Qeyd olunanlara əsasən və MPM-in 170.1, 263-264, 267-268-ci maddələrini rəhbər tutaraq məhkəmə, QƏRARA ALDİ: İddiaçı cavabdehlər Cavabdeh1ndə Nitariat Ofisinə və "xxxx" ASC-nə qarşı notariusun icra qeydinin ləğv edilməsi və sonrakı ipoteka müqaviləsinin etibarsız hesab edilməsi tələbi üzrə iddia ərizəsi və ona əlavə edilmiş sənədlər geri qaytarılsın. Qərardaddan tərəflərə rəsmi qaydada verildikdən sonra 10 (on) gün müddətində Masallı Rayon Məhkəməsinə şikayət verilə bilər. Sədrlik edən: Zeynal Zeynalov