Masallı Rayon Məhkəməsi Qərardad — İş №2(050)-3257/2023

Azərbaycan Respublikası adından QƏRARDAD Masallı rayonu İş № 2(050)-3257/2023 05.09.2023 MASALLI RAYON MƏHKƏMƏSİ Masallı Rayon Məhkəməsinin hakimi X1, İddiaçı Cavabdeh qarşı “zəbt edilmiş torpaq sahəsinin boşaldıması, torpaq sahəsində tikilmiş tikilinin sökülməsi, torpaq sahəsinin əvvəlki vəziyyətə gətirilməsi” tələbinə dair iddia ərizəsini və ona əlavə edilmiş sənədləri nəzərdən keçirərək, MÜƏYYƏN ETDİ: İddiaçı Cavabdeh qarşı “zəbt edilmiş torpaq sahəsinin boşaldıması, torpaq sahəsində tikilmiş tikilinin sökülməsi, torpaq sahəsinin əvvəlki vəziyyətə gətirilməsi” tələbi barədə iddia ərizəsi ilə məhkəməyə müraciət etmişdir. Ərizəni və ona əlavə olunmuş sənədləri nəzərdən keçirərək hesab edirəm ki, ərizə geri qaytarılmalıdır. Belə ki, iddia ərizəsinə əlavə edilmiş dövlət rüsumunun ödənilməsi barədə xx.xx.2023-cü il tarixli, ********** nömrəli qəbzdən görünür ki, 101 manat məbləğində dövlət rüsumu Masallı Rayon Məhkəməsinin hesabına ödənilməli olduğu halda Lənkəran Rayon Məhkəməsinin hesabına ödənilmişdir. Odur ki, məhkəmə bu halı dövlət rüsumunun ödənilməməsi kimi qiymətləndirir. MPM-in 152.1.5-ci maddəsinə əsasən müəyyən edilmiş qaydada və məbləğdə dövlət rüsumunun ödənilməsini təsdiq edən sənəd təqdim edilmədikdə hakim iddia ərizəsini və ona əlavə edilmiş sənədləri geri qaytarır. Yuxarıdakılara əsasən və Azərbaycan Respublikası Mülki Prosessual Məcəlləsinin 152, 263, 264, 267, 268-ci maddələrini rəhbər tutaraq QƏRARA ALDİ: İddiaçı Cavabdeh qarşı “zəbt edilmiş torpaq sahəsinin boşaldıması, torpaq sahəsində tikilmiş tikilinin sökülməsi, torpaq sahəsinin əvvəlki vəziyyətə gətirilməsi” tələbi barədə iddia ərizəsi və ona əlavə edilmiş sənədlər geri qaytarılsın. İddia ərizəsinin qaytarılmasına səbəb olan nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Qərardaddan rəsmi qaydada verildikdən sonra tərəflər 10 (on) gün müddətində işə baxan Masallı Rayon Məhkəməsinə şikayət verə bilərlər. Hakim Zeynal Zeynalov