Mingəçevir Şəhər Məhkəməsi Qərardad — İş №2(051)-1514/2021

Azərbaycan Respublikası adından QƏRARDAD Mingəçevir şəhəri İş № 2(051)-1514/2021 12.08.2021 MİNGƏÇEVİR ŞƏHƏR MƏHKƏMƏSİ Hakim Hüseynov Ələkbər Məmmədtağı oğlunun sədrliyi, Ağayeva Aynurə Nizami qızının katibliyi İddiaçı: İddiaçı və onun vəkili- Mingəçevir şəhər Vəkil Bürosunun vəkili X1 iştirakı ilə İddiaçı Cavabdeh oğluna qarşı “Sabit pul məbləğdə” tələbinə dair iddiası üzrə mülki işə açıq məhkəmə iclasında baxaraq, məhkəmə Müəyyən etdi: İddiaçı iddia ərizəsi ilə Mingəçevir şəhər Məhkəməsinə müraciət edərək, Cavabdeh oğluna qarşı Sabit pul məbləğdə tələbinə dair qətnamə çıxarılmasını xahiş etmişdir. Məhkəmə iş materiallarını əhatəli şəkildə təhlil edib belə hesab edir ki, iddia ərizəsində cavabdehin ünvanı dəqiq göstərilmədiyindən hazırki iş baxılmamış saxlanmalıdır. Belə ki, MPM-in 149.2.2-ci maddəsinin mənasından da görünür ki, iddia ərizəsində cavabdehin poçt ünvanı da dəqiq göstərilməlidir. Lakin hazırki işdə göstərilmiş ünvan cavabdehin faktiki ünvanı deyildir. İddiaçı məhkəmə iclası zamanı işin baxılmamış saxlanmasına etiraz etmədiyini bildirmişdir. İddiaçı vəkili X2 məhkəmə iclası zamanı işin baxılmamış saxlanmasına etiraz etmədiyini bildirmişdir. Azərbaycan Respublikası Mülki Prosessual Məcəlləsinin 149.2.2-ci maddəsinə əsasən Ərizədə işdə iştirak edən şəxslərin adları, onların poçt ünvanları göstərilməlidir. Azərbaycan Respublikası Mülki Prosessual Məcəlləsinin 259.0.12-ci maddəsinə əsasən ərizə bu Məcəllənin 149-cu maddəsində nəzərdə tutulmuş tələblər göstərilmədən, eləcə də bu Məcəllənin 150.0.1—150.0.3-cü maddələrində göstərilən sənədlər əlavə edilmədən verildikdə iddiaçı hakim tərəfindən müəyyən edilmiş müddətdə işin mahiyyəti üzrə baxılmasına və həll edilməsinə maneçilik törədən həmin nöqsanları aradan qaldırmadıqda məhkəmə ərizəni baxılmamış saxlayır. Həmçinin, izah edilməlidir ki, MPM-in 260.4-cü maddəsinə əsasən iddianın baxılmamış saxlanması üçün səbəb olan şərait aradan qaldırıldıqdan sonra maraqlı şəxs ümumi qaydada ərizə ilə məhkəməyə yenidən müraciət etməyə haqlıdır. Azərbaycan Respublikası MPM-in 263-264, 267-268-ci maddələrini rəhbər tutub, məhkəmə Qərara aldı: İddiaçı Cavabdeh oğluna qarşı “Sabit pul məbləğdə” tələbinə dair iddiası baxılmamış saxlanılsın. Qərardaddan rəsmi qaydada verildikdən sonra 10 gün müddətində Mingəçevir şəhər məhkəməsinə şikayət verilə bilər. HAKİM: Ələkbər Hüseynov