Samux Rayon Məhkəməsi Qərardad — İş №2(058)-1135/2023

Azərbaycan Respublikası adından QƏRARDAD Samux rayonu İş № 2(058)-1135/2023 21.09.2023 SAMUX RAYON MƏHKƏMƏSİ X1 Əhməd oğlunun sədrliyi, Tağıyev Hüseyn Firqət oğlunun katibliyi, İddiaçı Cavabdeh qarşı “aliment borcunun silinməsi” tələbinə dair iddiası üzrə mülki işə məhkəmənin binasında açıq məhkəmə iclasında baxaraq, MÜƏYYƏN ETDİ: İddiaçı Cavabdeh qarşı “aliment borcunun silinməsi” tələbinə dair iddia ərizəsi ilə məhkəməyə müraciət etmişdir. xx.xx.2023-cü il tarixdə keçirilmiş məhkəmə hazırlıq iclasında müəyyən olundu ki, Cavabdeh Bakı şəhəri, Suraxanı rayonu, Hövsan qəsəbəsində qeydiyyatdadır və həmin ünvan Suraxanı rayon inzibati ərazi vahidinə aiddir. İddiaçı nümayəndəsi Bəşirov Cəlil oğlu xx.xx.2023-cü il tarixdə məhkəməyə müraciət edərək, bildirmişdir ki, iddiaçı onun oğludur və onun nümayəndəsidir. Mülki işin məhkəmə iclası 21 sentyabr 2023-cü il tarixə saat 11:40-a təyin edilmişdir. O, iş rejimi ilə bağlı məhkəmədə iştirak edə bilməyəcək. Ona görə də xx.xx.2023-cü il tarixə təyin olunmuş məhkəmə iclasını onun iştirakı olmadan keçirilməsini xahiş etmişdir. Cavabdeh məhkəmə iclasının vaxtı və yeri barədə xəbərdar edilməsinə baxmayaraq, məhkəmə iclasına gəlməmiş və gəlməməsinin səbəbi barədə məhkəməyə məlumat verməmişdir. Məhkəmə mülki işə tərəflərin iştirakı olmadan baxılmasını mümkün hesab etdi. Azərbaycan Respublikası Mülki Prosessual Məcəlləsinin 35.1-ci maddəsinə əsasən qanunla başqa hal nəzərdə tutulmamışdırsa, iddia cavabdehin rəsmi qeydə alındığı yerin məhkəməsinə verilir. Həmin Məcəllənin 44.2.2-ci maddəsinə əsasən, iş həmin məhkəmədə baxıldığı zaman onun aidiyyət qaydalarının pozulması ilə icraata qəbul edildiyi aşkar olarsa, məhkəmə öz icraatına götürdüyü işi baxılmaq üçün başqa məhkəməyə verir. Məhkəmə hesab edir ki, mülki iş baxılması üçün Suraxanı Rayon Məhkəməsinə göndərilməlidir. Göstərilənlərə əsasən və Azərbaycan Respublikası Mülki Prosessual Məcəlləsinin 35.1, 44.2.2 və 267-268-ci maddələrini rəhbər tutaraq, məhkəmə QƏRARA ALDİ : İddiaçı Cavabdeh qarşı “aliment borcunun silinməsi” tələbinə dair mülki iş baxılması üçün ərazi aidiyyəti üzrə Suraxanı Rayon Məhkəməsinə göndərilsin. Qərardaddan 10 gün müddətində Samux Rayon Məhkəməsinə şikayət verilə bilər. Sədrlik edən: Gündüz Şirinov