Sumqayıt Şəhər Məhkəməsi Məhkəmə əmri — İş №2(060)-3627/2021

Azərbaycan Respublikası adından MƏHKƏMƏ ƏMRİ Sumqayıt şəhəri İş № 2(060)-3627/2021 02.04.2021 SUMQAYIT ŞƏHƏR MƏHKƏMƏSİ Mən, Sumqayıt Şəhər Məhkəməsinin hakimi Abdullayev Emin Ağamusa oğlu, kreditor «Kreditor” MMC (Electrolux-4) (ünvan: - Bakı şəhəri, Nərimanov rayonu, Əlicabbar Orucəliyev 16/22) xx.xx.1986-cı ildə, Sumqayıt şəhərində anadan olan, Borclu (ünvan: ünvan 3lməsinə dair ərizəsini və ərizəyə əlavə edilmiş sənədləri nəzərdən keçirib, MÜƏYYƏN ETDİM: Kreditor «Kreditor” MMC (Electrolux-4) 2774,52 manat əsas borc, 20 manat dövlət rüsumu və 0,40 manat xidmət haqqı olmaqla, cəmi 2794,92 manat məbləğində pulun Borclu kreditorun xeyrinə tutulması barədə məhkəmə əmri çıxarılması üçün Sumqayıt Şəhər Məhkəməsinə ərizə ilə müraciət etmişdir. Azərbaycan Respublikası Mülki-Prosessual Məcəlləsinə (bundan sonra - MPM) əsasən kreditorun tələbi aşkardırsa və ya həmin tələb borclunun barəsində mübahisə edilməyən vəzifəsinə əsaslanırsa, bu hallarda məhkəmə əmri verilə bilər (276.1.). Tələb sadə yazılı formada bağlanmış əqdə (lisenziyalaşdırılan telekommunikasiya xidmətlərinin göstərilməsi ilə bağlı müqavilələr, kredit təşkilatları ilə bağlanmış kredit müqavilələri və məişətdə istehlak edilmiş təbii qaz, su, elektrik və ya istilik enerjisinin haqqının ödənilməsi barədə tələblər istisna olmaqla) əsaslanırsa məhkəmə əmri verilə bilər (276.2.2.). Kreditorun məhkəməyə təqdim etdiyi ərizə və ərizəyə əlavə edilmiş sənədlərlə müəyyən olunur ki, kreditor və borclu arasında bağlanmış xx.xx.2019-cu il tarixli nisyə alqısatqı müqaviləsinə əsasən kreditor borcluya satış qiyməti 2378,99 manat olan “Hitachi” markalı soyuducu və satış qiyməti 395,53 manat olan “Redmi 6” markalı telefonu satmışdır. xx.xx.2019-cu il tarixli ödəniş cədvəlinə əsasən borclu 12 ay müddətinə hər ay 231,12 manat, sonun ay isə 232,20 manat kreditora ödəməli idi. Lakin, borclu öz öhdəliklərini lazımınca yerinə yetirməmiş və nəticədə kreditora borcu qalmışdır. İş materiallarında olan xx.xx.2020-ci il tarixli maliyyə arayışına əsasən borclunun əsas borc üzrə 2774,52 manat borcu qalmışdır. Borcluya bununla bağlı pretenziya məktubu göndərilmişdir. Azərbaycan Respublikasının Mülki Məcəlləsinə (bundan sonra Mülki Məcəllə ) əsasən alqı-satqı müqaviləsinə görə satıcı əşyanı alıcının mülkiyyətinə verməyi, alıcı isə əşyanı qəbul edib əvəzində müəyyənləşdirilmiş pul məbləğini (qiyməti) ödəməyi öhdəsinə götürür (567). Alğı-satqı müqaviləsində əşyanın alıcıya verildikdən müəyyən müddət sonra ödənilməsinin (əşyaların nisyə satışının) nəzərdə tutulduğu halda alıcı ödənişi müqavilədə nəzərdə tutulan müddətdə, müqavilədə belə müddət nəzərdə tutulmadıqda isə bu Məcəllənin 427-ci maddəsinə uyğun müəyyənləşdirilmiş müddətdə həyata keçirməlidir (600.1.). Əşyaların nisyə satışı satış günü qüvvədə olmuş qiymətlər üzrə həyata keçirilir. Nisyə satılmış əşyaların qiymətinin sonradan dəyişməsi, əgər müqavilədə ayrı qayda nəzərdə tutulmayıbsa, yenidən hesablaşmaya səbəb olmur (600.2.). İşdən göründüyü kimi xx.xx.2019-cu il tarixli nisyə alqı-satqı müqaviləsinə əsasən kreditor borcluya satış qiyməti 2378,99 manat olan “Hitachi” markalı soyuducunu və satış qiyməti 395,53 manat olan “Redmi 6” markalı telefonu satmışdır. Borclu isə müqaviləyə əsasən öz üzərinə götürdüyü vəzifələri yerinə yetirməmiş, nəticədə kreditora 2774,52 manat borcu qalmışdır. Mülki Məcəllədə göstərilmişdir ki, öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkətlər etməli, məsələn, pul ödəməli, əmlak verməli, iş görməli, xidmətlər göstərməli və i.a. və ya müəyyən hərəkətdən çəkinməlidir, kreditorun isə borcludan vəzifəsinin icrasını tələb etmək hüququ vardır (385.1). Öhdəliyin icra edilməməsi dedikdə, onun pozulması və ya lazımınca icra edilməməsi başa düşülür (442). Öhdəliyin onun icrası üçün müəyyənləşdirilmiş müddətdə icra edilməməsi borclunun icranı gecikdirməsi sayılır (445.2.1). MPM-in 119.1 və 281.1.7-ci maddələrinə əsasən, kreditorun məhkəməyə ərizə verərkən dövlət rüsumu kimi ödədiyi 20 manat məbləğində pul da borcludan kreditorun xeyrinə tutulmalıdır. Yuxarıda göstərilənlərə əsasən və Azərbaycan Respublikası Mülki-Prosessual Məcəlləsinin 275, 276, 280-282 və 284-cü maddələrini rəhbər tutaraq, ƏMR ETDİM: Borclu 2774 (iki min yeddi yüz yetmiş dörd) manat 52 (əlli iki) qəpik pul, 20 (iyirmi) manat dövlət rüsumu və 40 (qızrx qüəpik ) bank xidmət haqqı kreditor «Kreditor” MMC-nin (Electrolux-4) xeyrinə tutulsun. Borclu məhkəmə əmrini aldığı gündən 10 gün müddətində verilmiş tələbə və ya onun hissəsinə qarşı Sumqayıt Şəhər Məhkəməsini yazılı xəbərdar etməklə etiraz edə bilər. Məhkəmə əmri qətnamə qüvvəsinə malikdir. Məhkəmə əmrindən şikayət verilə bilməz. Məhkəmə əmri icra sənədi hesab edilir. Hakim Emin Abdullayev