Sumqayıt Şəhər Məhkəməsi Qərardad — İş №2(060)-5534/2021

Azərbaycan Respublikası adından QƏRARDAD Sumqayıt şəhəri İş № 2(060)-5534/2021 26.07.2021 SUMQAYIT ŞƏHƏR MƏHKƏMƏSİ Sumqayıt Şəhər Məhkəməsinin hakimi Qoşqarlı Rəşad Nizami oğlunun sədrliyi, Hacıyeva Yeganə Müslüm qızının katibliyi ilə İddiaçı Cavabdehlər Azərbaycan Respublikası Sumqayıt şəhər 4 saylı notariat ofisinə və «Bank of Baku» Sumqayıt filialına qarşı “müqavilənin və icra qeydi sənədin ləğv olunması tələbinə” dair iddia ərizəsinə açıq məhkəmə iclasında baxaraq məhkəmə, MÜƏYYƏN ETDİ: İddiaçı iddia ərizəsi ilə məhkəməyə müraciət edərək, cavabdeh «Bank of Baku» Sumqayıi filialı ilə aralarında 30 iyul 2014-cü il tarixli kredit müqaviləsinin və cavabdeh Sumqayıt şəhər 4 saylı notariat (kontoru) 25.11.2020-ci il tarixli 8İ-13838 saylı icra sənədi qeydinin (icra edilməməsi) ləğv olunması barədə qətnamə çıxarılmasını xahiş etmişdir. Hazırkı mülki iş mahiyyəti üzrə baxılması ücün 26.07.2021-ci il tarixə təxirə salınmış, işdə iştirak edən şəxslərə vaxtında məhkəmənin yeri və vaxtı barədə məlumat verilmişdir. Hazırda İddiaçı ərizə ilə müraciət edərək mülki işin baxılmamış saxlayıb, işdə olan sənədlərin ona geri qaytarılmasını xahiş etmişdir. Azərbaycan Respublikası MPM-nin 259.0.11-ci maddəsinə əsasən iddia ərizəsinin qaytarılması barəsində ərizə verildikdə və cavabdeh işin mahiyyəti üzrə həll olunmasını tələb etmədikdə. Yuxarıdakıları və Azərbaycan Respublikası MPM-nin 259.0.11-ci maddəsini rəhbər tutaraq, məhkəmə, QƏRAR VERDİ: İddiaçı cavabdehlər Azərbaycan Respublikası Sumqayıt şəhər 4 saylı notariat ofisinə və «Bank of Baku» Sumqayıt filialına qarşı “müqavilənin və icra qeydi sənədin ləğv olunması tələbinə” dair mülki iş baxılmamış saxlanılsın. İddiaçı tərəfindən ödənilmiş dövlət rüsumu özünə qaytarılsın. Bu qərardad ödənilmiş dövlət rüsumunun İddiaçı qaytarılması üçün əsasdır. Qərardaddan rəsmi qaydada verildikdən sonra 10 gün müddətində Sumqayıt şəhər məhkəməsinə şikayət verilə bilər. SƏDRLİK EDƏN: RƏŞAD QOŞQARLİ