Sumqayıt Şəhər Məhkəməsi Qərardad — İş №2(060)-7142/2024

Azərbaycan Respublikası adından QƏRARDAD Sumqayıt şəhəri İş № 2(060)-7142/2024 28.11.2024 SUMQAYIT ŞƏHƏR MƏHKƏMƏSİ Hakim Hüseynov Elmir Xoşbəxt oğlunun sədrliyi, Bəhramlı Ümid Fəxri oğlunun katibliyi ilə, Tərəflərin iştirakı olmadan, İddiaçı X1 cavabdeh X2 qarşı uşaqların ananın yanında qalması və aliment tələbinə dair iddia ərizəsi üzrə mülki işə Sumqayıt Şəhər Məhkəməsinin inzibati binasında, açıq məhkəmə iclasında baxaraq, məhkəmə MÜƏYYƏN ETDİ: İddiaçı X3 iddia ərizəsi ilə Sumqayıt Şəhər Məhkəməsinə müraciət edərək, övladlarının iddiaçının yanında saxlanılmasına və hər bir övladının 18 yaşı tamam olanadək Cavabdeh əmək haqqının 1/3 hissəsi, yaxud əlavə gəlirlərindən isə 400 manat, hər övladına 200 manat, 3 yaşınadək övladlarına baxdığına görə isə 200 manat, cəmi 600 mant sabit pul məbləğində alimentin avqust 2024-cü il tarixdən hesablanaraq alınıb iddiaçıya ödənilməsinə, məhkəmə xəclərinin cavabdehdən tutulmasına dair qətnamə çıxarılmasını xahiş etmişdir. Hazırkı iş üzrə məhkəmə iclası xx.xx.2024-cü il tarixə, saat 15:20-yə təyin edilsə də, tərəflər məhkəmə iclasına gəlməmişlər və işə onların iştirakı olmadan baxılmasını məhkəmədən xahiş etməmişlər. İş üzrə tərəflər məhkəmə iclasına gəlmədikləri üçün məhkəmə, Azərbaycan Respublikasının Mülki Prosessual Məcəlləsinin 259.0.6-cı maddəsinə əsasən hesab edir ki, iddia ərizəsi baxılmamış saxlanılmalıdır. Beləliklə, məhkəmə hesab edir ki, iddiaçı X1 cavabdeh X2 qarşı uşaqların ananın yanında qalması və aliment tələbinə dair iddia ərizəsi baxılmamış saxlanılmalıdır. Yuxarıda göstərilənlərə əsasən və Azərbaycan Respublikasının Mülki Prosessual Məcəlləsinin 259, 260, 263, 264 və 268-ci maddələrini rəhbər tutaraq, məhkəmə, QƏRARA ALDİ: İddiaçı X1 cavabdeh X2 qarşı uşaqların ananın yanında qalması və aliment tələbinə dair iddia ərizəsi baxılmamış saxlanılsın. Qərardaddan şikayət qərardad tərəfə rəsmi qaydada verildikdən sonra 10 gün müddətində Sumqayıt Şəhər Məhkəməsinə (“Elektron məhkəmə” informasiya sistemində yaradılan elektron kabinetdən istifadə edilməklə) verilir. Hakim Elmir Hüseynov