Tovuz Rayon Məhkəməsi Qərardad — İş №2(062)-795/2025

Azərbaycan Respublikası adından QƏRARDAD Tovuz rayon İş № 2(062)-795/2025 24.02.2025 TOVUZ RAYON MƏHKƏMƏSİ Hakim Baxşıyev Qafil Yavər oğlunun sədrliyi Cavadova Kəklik Mirəziz qızının katibliyi, Cavabdeh2 iştirakı ilə İddiaçılar İddiaçı1, İddiaçı2 Kamil qızının, İddiaçı3 və İddiaçı4 cavabdehlər Cavabdeh2 və DƏDRX-nin 15 saylı Tovuz rayon ərazi İdarəsinə qarşı “alqı-satqı müqaviləsi əsasında verilmiş çıxarışın ləğvi” tələbinə dair iddia ərizəsi üzrə mülki işə açıq məhkəmə iclasında baxaraq, məhkəmə MÜƏYYƏN ETDİ: İddiaçılar İddiaçı1, İddiaçı2 Kamil qızı, İddiaçı3 və İddiaçı4 cavabdehlər Cavabdeh2 və DƏDRX-nin 15 saylı Tovuz rayon ərazi İdarəsinə qarşı “alqı-satqı müqaviləsi əsasında verilmiş çıxarışın ləğvi” tələbinə dair iddia ərizəsi ilə Tovuz Rayon Məhkəməsinə müraciət edərək, icra qeydinin etibarsız sayılması barədə qətnamə qəbul edilməsini xahiş etmişdir. Məhkəmə hazırlıq iclası 24 fevral 2025-ci il tarixə təyin olunmuş və bu barədə tərəflərə rəsmi məhkəmə bildirişi göndərilmiş, lakin iddiaçılar məhkəməyə gəlməmişdir. Cavabdeh2 işə mahiyyəti üzrə baxılmasını tələb etməmişdir. Məhkəmə ərizəni və ona əlavə edilmiş sənədləri araşdıraraq hesab edir ki, iddia baxılmamış saxlanılmalıdır. Belə ki, Azərbaycan Respublikası MPM-nin 259.0.7-ci maddəsinə görə işə onun iştirakı olmadan baxmağı xahiş etməmiş iddiaçı məhkəmənin birinci çağırışında gəlmədikdə, cavabdeh isə işin mahiyyəti üzrə baxılmasını tələb etmədikdə məhkəmə ərizəni baxılmamış saxlayır. Azərbaycan Respublikası MPM-nin 260.4-cü maddəsinə əsasən iddianın baxılmamış saxlanması üçün səbəb olan şərait aradan qaldırıldıqdan sonra maraqlı şəxs ümumi qaydada ərizə ilə məhkəməyə yenidən müraciət etməyə haqlıdır. Həmin Məcəllənin 114.1.5-ci maddəsinə əsasən, ödənilmiş dövlət rüsumu bu Məcəllə ilə nəzərdə tutulmuş əsaslarla ərizə baxılmamış saxlanılarsa qaytarılır. Məhkəmə hesab edir ki, ödənilmiş dövlət rüsumu qaytarılmalıdır. Yuxarıda qeyd olunanlara əsasən və Azərbaycan Respublikası MPM-nin 263-269cu maddələrini rəhbər tutaraq, məhkəmə QƏRARA ALDİ: İddiaçılar İddiaçı1, İddiaçı2 Kamil qızının, İddiaçı3 və İddiaçı4 cavabdehlər Cavabdeh2 və DƏDRX-nin 15 saylı Tovuz rayon ərazi İdarəsinə qarşı “alqı-satqı müqaviləsi əsasında verilmiş çıxarışın ləğvi” tələbinə dair iddia ərizəsi baxılmamış saxlanılsın. Ödənilmiş dövlət rüsumu İddiaçı1 qaytarılsın. Qərardaddan rəsmi təqdim edildiyi gündən 10 (on) gün müddətində Tovuz Rayon Məhkəməsinə şikayət verilə bilər. Sədrlik edən Qafil Baxşıyev