Füzuli Rayon Məhkəməsi Qərardad — İş №2(064)-263/2024

Azərbaycan Respublikası adından QƏRARDAD Füzuli rayonu İş № 2(064)-263/2024 27.06.2024 FÜZULİ RAYON MƏHKƏMƏSİ Füzuli Rayon Məhkəməsinin hakimi İsmayılov Elmir Akif oğlunun sədrliyi, məhkəmə iclasının katibi X2 iştirakı ilə, İddiaçı Cavabdeh qarşı verdiyi “torpaq sahəsindən payın ayrılması, cavabdehə müəyyən hərəkətlərin qadağan edilməsi və vurulmuş ziyanın ödənilməsi” tələbi barədə iddia ərizəsi üzrə mülki işə Füzuli Rayon Məhkəməsinin inzibati binasında məhkəmənin hazırlıq iclasında baxaraq M Ü Ə Y Y Ə N E T D İ: İddiaçı (bundan sonra - iddiaçı) Cavabdeh (bundan sonra – cavabdeh) qarşı iddia ərizəsi ilə məhkəməyə müraciət edərək cavabdehə iddiaçıya məxsus torpaq sahəsinə və yaşayış evinə gediş-gəliş yoluna yaratdığı maneələrin qadağan edilməsi, mərhum ataları X1 miras qalmış həyətyanı sahədən iddiaçının payına düşən hissəsin naturada ayrılaraq iddiaçıya verilməsi və vurulmuş maddi və mənəvi zərərin əvəzi olaraq 10 000 manat məbləğində pulun tutulması barədə məhkəmə qətnaməsinin qəbul edilməsini xahiş etmişdir. Azərbaycan Respublikasının Mülki Prosessual Məcəlləsinin: - 259.0.11-ci maddəsinə əsasən iddia ərizəsinin qaytarılması barəsində ərizə verildikdə və cavabdeh işin mahiyyəti üzrə həll olunmasını tələb etmədikdə məhkəmə ərizəni baxılmamış saxlayır. - 263.2-ci maddəsinə əsasən məhkəmə iddianı baxılmamış saxladıqda qərardad çıxarır. İddiaçı məhkəməyə göndərdiyi yazılı ərizəsində iddia ərizəsi və ona əlavə edilmiş sənədlərin geri qaytarılmasını və mülki işin baxılmamış saxlanılmasını xahiş etmişdir. Məhkəmə göstərilən qanunvericilik normaları və işin mövcud olan prosessual halına əsaslanaraq belə nəticəyə gəlir ki, iddiaçının verdiyi iddia ərizəsi baxılmamış saxlanılmalı, ona əlavə olunmuş sənədlərlə birlikdə iddiaçıya geri qaytarılmalıdır. Məhkəmə şərh olunanlara əsasən və Azərbaycan Respublikası MPM-in 259.0.11, 263, 264 və 268-ci maddələrini rəhbər tutaraq Q Ə R A R A A L D İ: İddiaçı Cavabdeh qarşı verdiyi “torpaq sahəsindən payın ayrılması, cavabdehə müəyyən hərəkətlərin qadağan edilməsi və vurulmuş ziyanın ödənilməsi” tələbi barədə iddia ərizəsi baxılmamış saxlanılsın, ona əlavə olunmuş sənədlərlə birlikdə iddiaçıya geri qaytarılsın. Qərardaddan rəsmi qaydada verildikdən sonra 10 (on) gün müddətində Füzuli Rayon Məhkəməsinə şikayət verilə bilər. Hakim Elmir İsmayılov